AF/Prabhupada 1064 - Die Here leef in die hart in elke lewende wese
660219-20 - Lecture BG Introduction - New York
Die Allerhoogste bewuste, word in die Bhagavad-Gita verduidelik in die hoofstuk waar die verskil tussen die Jiva en īśvara verduidelik word. Kṣetra-kṣetra-jña. Hierdie kṣetra-jña is reeds verduidelik, dat die Here ook kṣetra-jña is, of die bewuste, en die jīvas of die lewende wesens, het ook 'n bewussyn. Maar die verskil is dat 'n lewende wese binne sy beperkte liggaam 'n bewussyn het, maar die Here is bewus van alle liggame. Īśvaraḥ sarva-bhūtānāṁ hṛd-deśe 'rjuna tiṣṭhati (BG 18.61).
Die Here leef binne die hart in elke lewende wese, daarom is Hy bewus van die psigiese bewegings, die aktiwiteite, van die betrokke jīva. Ons moet dit nie vergeet nie. Daar word ook verduidelik dat die Paramātmā, of die Hoogste Persoonlikheid van Godheid, in elkeen se hart as īśvara leef, as die kontroleur en Hy gee wys die pad aan. Hy gee rigting. Sarvasya cāhaṁ hṛdi sanniviṣṭhaḥ (BG 15.15). Hy is in elkeen se hart, en Hy dui die rigting aan en tree op net soos hy wil. Die lewende entiteit vergeet wat om te doen. Eerstens is hy vasberade om op 'n sekere manier op te tree, en dan raak hy verstrik deur die aksies en reaksies van sy eie karma. Maar nadat hy een tipe liggaam prysgee en 'n ander tipe van die liggaam binnegaan... Net soos ons een rok uittrek, een soort rok uittrek, en 'n ander soort die rok aantrek, Net so, word dit in hierdie Bhagavad-Gita verduidelik, dat vāsāṁsi jīrṇāni yathā vihāya (BG 2.22). Net soos iemand verskillende rokke verwissel, insgelyks verwissel die lewende entiteite ook verskillende liggame, transmigrasie van die siel, en word hy getrek deur die aksies en reaksies van sy vorige aktiwiteite. Maar hierdie aktiwiteite kan verander word wanneer 'n lewende wese in die hoedanigheid van goedheid is, sy gesonde verstand gebruik, en hy verstaan watter soort aktiwiteite hy moet uitvoer, en as hy dit doen, dan kan al die aksies en reaksies van sy vorige aktiwiteite verander word. Daarom is karma nie vir ewig nie. Ander dinge, uit die vier, vyf items-īśvara, Jiva, prakṛti, Kala, en karma- is vier items ewig, terwyl karma, die item bekend as karma, nie ewig is nie.
So is die bewuste īśvara, die hoogste bewuste īśvara, en die verskil tussen die hoogste bewuste īśvara, of die Here, en die lewende wese, in die huidige omstandighede, soos hierdie. Die bewussyn, die bewustheid van beide die Here en die lewende entiteite, is beide transendentaal. Dit is nie dat hierdie bewussyn deur die assosiasie met materie gegenereer word nie. Dit is 'n foutiewe idee. Die teorie dat bewussyn ontwikkel onder sekere omstandighede uit kombinasies van materie word nie in die Bhagavad-Gita aanvaar nie. Dit is nie moontlik nie. Bewussyn mag verdraai weerspieël word deur die bedekking deur materiaal omstandighede, net soos die lig wat weerspieël word deur 'n gekleurde glas mag voorkom volgens die kleur. Net so, word die bewussyn van God, nie wesenlik geraak nie. Die Allerhoogste Here, net soos Krsna, sê dat mayādhyakṣeṇa prakṛtiḥ (BG 9.10). Wanneer Hy neer daal na hierdie materiële wêreld, word sy bewussyn nie wesenlik geraak nie. Indien Sy bewussyn wesenlik aangeraak word, sou Hy ongeskik wees om te praat oor die transendentale onderwerp in die Bhagavad-Gita. 'n Mens kan nie enigiets oor die transendentale wêreld sê sonder dat jy vry is van die wesenlik besmette bewussyn nie. So die Here was nie wesenlik besmet nie. Maar ons bewussyn, op die oomblik, is wesenlik besmet. So hele gedoente, soos die Bhagavad-Gita ons leer, is dat ons ons wesenlik besmette bewussyn moet suiwer, en in daardie suiwer bewussyn, moet die aksies uitgevoer word. Dit sal ons gelukkig maak. Ons kan nie ophou nie. Ons kan nie ophou om ons aktiwiteite uit te voer nie. Die aktiwiteite moet gesuiwer word. En dit gesuiwer aktiwiteite word bhakti genoem. Bhakti beteken hulle is, hulle lyk net soos gewone aktiwiteit, maar hulle is egter nie besmette aktiwiteite nie. Hulle is gesuiwerde aktiwiteite. So vir 'n onkundige persoon lyk dit of 'n aanhanger net so besig is soos 'n gewone man, maar so 'n persoon is baie swak ingelig, hy weet nie dat die aktiwiteite van 'n aanhanger of die aktiwiteite van die Here, nie besmet is deur die onsuiwer bewussyn van materie nie, of die onreinheid van die drie guṇas, die hoedanighede van die natuur nie, maar is transendentale bewussyn. So ons bewussyn is wesenlik besmet, dit moet ons weet.