AF/Prabhupada 1075 - Ons is besig met die voorbereiding vir ons volgende lewe deur ons aktiwiteite van die huidige lewe
660219-20 - Lecture BG Introduction - New York
Die Here sê dat anta-kāle ca mām eva smaran muktvā kalevaram (BG 8.5). Iemand wat hierdie materiaal liggaam verlaat, terwyl hy Heer Krsna, die Hoogste Persoonlikheid van Godheid, onthou, kry onmiddellik 'n geestelike liggaam van sac-cid-ānanda-vigraha (BS 5.1) Die proses van die liggaam opgee en 'n ander liggaam in die materiële wêreld aanneem word gereël. 'n Man sterf nadat daar besluit is watter liggaamlike vorm hy in die volgende lewe sal hê. Maar dit word beslis deur die hoër owerhede. Net soos ons volgens ons diens bevorder of gedegradeer word. Net so, volgens ons dade word ons...... Die dade van hierdie lewe, die aktiwiteite van hierdie lewe is voorbereidende grond vir die volgende lewe. Ons berei voor vir ons volgende lewe deur ons aktiwiteite van hierdie lewe. So as ons ons kan voorberei in hierdie lewe kan ons bevordering kry na die koninkryk van God, dan sal ons sekerlik, nadat ons die huidige materiële liggaam opgee... Die Here sê yaḥ prayāti, iemand wat gaan, sa mad-bhāvaṁ yāti (BG 8.5), mad-bhāvam.... kry dieselfde geestelike liggaam as wat die Here het of kry dieselfde geestelike aard. So, daar is verskillende soorte transendentaliste soos ons reeds hierbo verduidelik het. Die brahmavādī, paramātmavādī en die aanhangers. In geestelike ruimte of in die brahma-jyotir is daar geestelike planete, ontelbare geestelike planete, soos ons reeds bespreek het. En die getal planete is baie, baie meer as al die heelalle van hierdie materiële wêreld. Hierdie materiële wêreld is ekāṁśena sthito jagat (BG 10.42). Dit is 'n kwart van die hele skepping. 'n Driekwart van die skepping is die geestelike wêreld en in die een-kwart van hierdie skepping is daar miljoene heelalle soos hierdie soos wat ons op die oomblik ervaar. En in een heelal is daar miljoene en biljoene planete. So is daar miljoene en biljoene sonne en sterre en mane in die hele materiële wêreld, maar die hele materiële wêreld maak slegs een-kwart van die hele skepping uit. Die drie-kwart manifesteer as die geestelike ruimte. So, hierdie mad-bhāvam, iemand wat met die bestaan van die Allerhoogste Brahman wil saamsmelt, smelt saam in die brahma-jyotir van die Opperste Heer. Mad-bhāvam beteken die brahma-jyotir sowel as die geestelike planete in die brahma-jyotir. En die aanhangers, wat die assosiasie van die Here wil geniet, hulle gaan die planete, die Vaikuṇṭha planete binne. Daar is ontelbare Vaikuṇṭha planete, en die Here, die Allerhoogste Heer Sri Krsna, deur sy volle uitbreiding as Nārāyaṇa, met vier hande en met verskillende name, Pradyumna, Aniruddha en Madhava, Govinda ... Daar is baie ontelbare name van hierdie vier-handige Nārāyaṇa. So een van die planete, wat ook mad-bhāvam is, is ook binne die geestelike natuur. So, 'n transendentalis wat aan die einde van die lewe is, dink óf aan die Brahma-jyotir of oordink die Paramātmā of dink aan die Allerhoogste Persoonlikheid van Godheid Sri Krsna, in ieder geval, hulle gaan die geestelike hemelruim binne. Maar slegs die aanhangers, diegene wat geoefen het om persoonlike kontak met die Opperste Heer te maak, hulle gaan die Vaikuṇṭha planete of die Goloka Vṛndāvana planeet binne. Die Here sê, yaḥ prayāti sa mad-bhāvaṁ yāti nāsty atra saṁśayaḥ (BG 8.5). Daar is geen twyfel nie. 'n Mens moenie ongelowig wees nie. Dit is die vraag. So jy lees die Bhagavad-Gita gedurende jou hele lewe, maar wanneer die Here van iets praat wat nie ooreenstem met ons verbeelding nie, verwerp ons dit. Dit is nie die proses van hoe die Bhagavad-Gita gelees word nie. Net soos Arjuna gesê het dat sarvam etaṁ ṛtam manye, "Ek glo in alles wat U gesê het." Net so, hoor, luister. Die Here sê dat ten tye van die dood, sal elkeen wat aan Hom dink, óf as Brahman of Paramātmā of die Persoonlikheid van Godheid, sal beslis die geestelike hemel binne gaan en daar is geen twyfel daaroor nie. 'n Mens moet nie ongelowig wees nie. En die proses is, die algemene reël word ook in die Bhagavad-Gita gegee, hoe 'n mens kan, hoe dit moontlik is om in die geestelike koninkryk in te gaan deur eenvoudig te dink aan die Allerhoogste ten tye van die dood. Omdat die algemene proses dit so aanbeveel:
- yaṁ yaṁ vāpi smaran bhāvaṁ
- tyajaty ante kalevaram
- taṁ tam evaiti kaunteya
- sadā tad-bhāva-bhāvitaḥ
- (BG 8.6)