KK/Prabhupada 1077 - Хақ Құдайдың намасы мен Өзі арасында айырма жоқ
660219-20 - Lecture BG Introduction - New York
Шримад-Бһагаватам — бһашйо 'йам браһма-сутранам деп аталады. Шримад-Бһагаватам — Веданта-сутраға жазылған табиғи түсіндірме. Егер осы шастралардың арқасында ойымызды ауыстырсақ, сада тад-бһава-бһавитаһ (BG 8.6). үнемі ойласақ... Мысалы, дүнияуи пенделер газет-журналдар, аңыз-ертегілер, романдар, ғылыми я философиялық т.с.с. фәни шығармаларды үнемі оқудан көз ашпайды. Мұның бәрі әр түрлі деңгейлерде ойландырады. Сол секілді, егер оқуға деген қабілетімізді аса мейірімді Вйасадева жазған осы Веда шастраларын оқуға ауыстырсақ, онда өлер сәтімізде Құдайды есімізде ұстауымыз әбден мүмкін. Тәңірдің Өзі ұсынған осы жалғыз жол жай әншейін ұсыныс емес, іс жүзінде іске асатын өсиеті еді. Настй атра самшайаһ (BG 8.5). Күмәнсіз. Бұған еш күмән жоқ. Тасмат — сондықтан дейді Тәңір: тасмат сарвешу калешу мам анусмара йудһйа ча (BG 8.7). Мам анусмара йудһйа ча деп кеңесін береді Арджунаға. Кришна Арджунаға: "Бір Мені жадыңда сақтап, жұмысыңды таста" демейді. Жоқ, Тәңір іске аспайтын нәрсені еш уақытта ұсынбайды. Тәніміздегі жанымызды сақтау үшін бұл фәни әлемде жұмыс істеуге тиіспіз. Істейтін жұмысына байланысты адамзат қоғамы браһмана, кшатрийа, ваишйа және шудра болып төрт тапқа бөлінеді. Браһманалар, зиялы қауым, зерделілер табы өзгеше жұмыс істейді, кшатрийалар, әкімдер табы өзгеше жұмыс істейді, ваишйалар, саудагерлер, өндірушілер табы өзгеше жұмыс істейді, шудралар, қара жұмысшылар табы өзгеше жұмыс істейді. Адамзат қоғамында қара жұмысшылар да, саудагерлер де, саясаткерлер де, әкімдер де, ақын-жазушылар, ғылыми зерттеушілер сынды зиялы қауымның ең жоғары таптары да, бәрі де жұмыс істейді, күнкөріс үшін әркім жұмыс істеуге тиіс. “Міндетіңнен қол үзбе, керісінше, міндетіңді атқара жүріп Мені есіңде сақта“: мам анусмара (BG 8.7) деп кеңесін береді Тәңір. Бұл өлер сәтіңде Мені есіңде сақтауыңа көмектеседі. Егер күнкөрісің үшін күресе жүріп Мені үнемі есіңде сақтауға үйренбесең, онда өлер сәтіңде Мені есіңе түсіре алмайсың. Тәңір Чаитанйа да киртанийаһ сада һариһ (CC Adi 17.31) деген кеңес берген. Киртанийаһ сада: “Тәңірдің киелі намаларын үнемі әндет”. Тәңірдің намалары мен Өзі арасында айырма жоқ. Тәңір Кришнаның мам анусмара (BG 8.7): “Мені есіңде сақта“ деген өсиеті мен Тәңір Чаитанйаның “Кришнаның намаларын үнемі әндет” деген өсиеті бірдей. Кришна: “Мені үнемі есіңде сақта“, яғни Кришнаны есіңде сақта десе, Тәңір Чаитанйа: “Кришнаның намаларын үнемі әндет” дейді. Екі өсиет арасында айырма жоқ, себебі Хақ деңгейіндегі Кришна мен Кришнаның намасы арасында айырма жоқ. Хақ деңгейінде зат пен заттың атауы арасында айырма жоқ. Хақ деңгейі деген осы. Хақ Құдайдың намасы мен Өзі арасында айырма жоқ. Сондықтан үнемі есімізде ұстауымыз шарт: тасмат сарвешу калешу (BG 8.7). Өмірімізді үнемі, тәулігіне 24 сағат бойы есімізде ұстайтындай етіп құруымыз шарт. Бұл мүмкін бе? Иә, мүмкін. Мүмкін. Осыған қатысты, ачарйалар аса тұрпайы мысал келтіреді. Ол қандай мысал дейсіз ғой. Ерінен басқа еркекті сүйетін әйелдің өз күйуінен гөрі басқа еркекті күштірек сүюін паракийа-раса дейді. Бұл еркекке де, әйелге де бірдей қатысты. Егер еркек әйелінен басқа әйелді сүйсе, немесе әйел ерінен басқа еркекті сүйсе, бір-біріне деген көңілдері өте күшті келеді. Сонымен, ачарйалар басқа ерге үйір ар-ұятсыз әйелді мысал етеді. Көңілдесін күні-түні ойлайтын әйел күйеуін сезіктендіріп алмас үшін үй шаруасын өте ұқыпты атқарады. Көңілдесімен түнде кездесу сәтін үнемі есінде ұстайтын әйелдің үй шаруасын өте ұқыпты атқаратыны тәрізді, біз де аса мәртебелі күйеуіміз Шри Кришнаны үнемі жадымызда ұстап, фәни міндетімізді өте ұқыпты атқаруымыз шарт. Шын жүректен құлай сүйсек бұл әбден мүмкін.