KK/Prabhupada 1080 - Бһагавад-гитаның тұжырымынша, жалғыз бір Құдай— Кришна қайдағы бір секта құдайларының бірі емес



660219-20 - Lecture BG Introduction - New York

Бһагавад-гитаның тұжырымынша, жалғыз бір Құдай— Кришна қайдағы бір секта құдайларының бірі емес Бһагавад-гитаның соңында Тәңір баршаға естірте жар салады: аһам твам сарва-папебһйо мокшайишйами ма шучаһ (BG 18.66). Өзіне берілген бһактасының тағдырын Өз қолына алатын Тәңір оны күллі күнәларының салдарынан сақтайды.

mala-nirmocanaṁ puṁsāṁ
jala-snānaṁ dine dine
sakṛd gītāmṛta-snānam
saṁsāra-mala-nāśanam
(Gītā-māhātmya 3)

“Кірден тазару үшін адам күн сайын суға шомылады, ал егер ол киелі Гаңганың зәмзәм суы іспеттес Бһагавад-гитаның кәусарымен ең болмаса бір рет шомылса, фәни тіршілік кір-қоңынан біржола тазарып шығады”.

gītā su-gītā kartavyā
kim anyaiḥ śāstra-vistaraiḥ
yā svayaṁ padmanābhasya
mukha-padmād viniḥsṛtā
(Gītā-māhātmya 4)

Бһагавад-гитаны Құдайдың Түптұлғасы баяндағандықтан... басқа Ведаларды оқу міндет емес. Тек Бһагавад-гитаны зейін қойып, үнемі оқу және тыңдау жеткілікті, гита су-гита картавйа... Қайткенде де мұны мойындау шарт. Гита су-гита картавйа ким анйаиһ шастра-вистараиһ. Бүгінгі заман пенделерінің қаншама һарекеттерге белшелерінен батқандары сонша, Ведаларды түгелдей оқып шығуға мұршалары жоқ. Барлық Ведалардың тоқ етер мәні болғандықтан және әсіресе Құдайдың Түптұлғасы баяндағандықтан, осы бір ғана Бһагавад-гитаны білу жеткілікті.

bhāratāmṛta-sarvasvaṁ
viṣṇu-vaktrād viniḥsṛtam
gītā-gaṅgodakaṁ pītvā
punar janma na vidyate
(Gītā-māhātmya 5)

“Егер Гаңганың зәмзәм суын ішкен жан азат етілетін болса, онда Бһагавад-гита балшырынын татқан жан қанша игілікке кенеледі десеңізші? Бүкіл Маһабһаратаның балшырыны — Бһагавад-гитаны Вишну баяндады”. Тәңір Кришна — бастапқы Вишну болып табылады. Вишну-вактрад виниһсритам. Бһагавад-гита Құдайдың Түптұлғасының аузынан шыққан. Гаңгодакам, Гаңга Тәңірдің лотос сынды табанынан шықса, Бһагавад-гита Тәңірдің аузынан шыққан. Әрине, Құдайдың аузы мен табаны арасында айырмашылық болмағанымен, бейтарап тұрғыдан зерттеп қарасақ, Бһагавад-гитаның Гаңга суынан да маңыздырақ екенін түсінеміз.

sarvopaniṣado gāvo
dogdhā gopāla-nandana
pārtho vatsaḥ su-dhīr bhoktā
dugdhaṁ gītāmṛtaṁ mahat
(Gītā-māhātmya 6)

“Гитопанишадты сиырға теңесе, Тәңірді сол сиырды сауушы әйгілі бақташыға теңейді. Сарвопанишадо — сиырға теңелетін күллі Упанишадтардың тоғысқан тоқ етер мәні. Ал Тәңір сиыр сауушы маман бақташы. Партһо ватсаһ — Арджунаны бұзауға теңейді. Су-дһир бһокта — ғұлама даналар мен шын берілген бһакталар осы сүтті ішеді. Су-дһир бһокта дугдһам гитамритам маһат. Бһагавад-гитаның балшырындай сүті ғұлама бһакталарға арналған”.

ekaṁ śāstraṁ devakī-putra-gītam
eko devo devakī-putra ev
eko mantras tasya nāmāni yāni
karmāpy ekaṁ tasya devasya sevā
(Gītā-māhātmya 7)

Әлем Бһагавад-гита сабағын үйренуге тиіс. Экам шастрам деваки-путра-гитам: бүкіл әлемге, баршаға арналған бір шастра — Бһагавад-гита. Эко дево деваки-путра эва: бүкіл әлем үшін бір Құдай — Шри Кришна. Эко мантрас тасйа намани: бір әнұран, бір мантра, бір дұға — Құдайдың киелі намасын әндету: Һаре Кришна, Һаре Кришна, Кришна Кришна, Һаре Һаре / Һаре Рама, Һаре Рама, Рама Рама, Һаре Һаре. Эко мантрас тасйа намани йани кармапй экам тасйа девасйа сева: бір іс — Құдайдың Түптұлғасына құлшылық ету”. Бһагавад-гитаны оқушылар өмір бойы бір дінді, бір Құдайды, бір шастраны ұстануға және бір іспен айналысуға асық. Бһагавад-гитаның тұжырымынша, жалғыз бір Құдай — Кришна қайдағы бір секта құдайларының бірі емес. Кришнаның намасы, жоғарыда түсіндіргеніміздей, Кришна — баршаны сүйсіндіруші шексіз қуаныш-шаттыққа толы дегенді білдіреді.