| Sakmenika, underan perkawisipun kangge kawula sedaya inggih menika bilih wiwit taksih wonten ing saklebeting guwa garbanipun ibu, wonten ing kawitan wiyosanipun kawula sedaya, sesarengan kaliyan salira ingkang tansah tuwuh lan ngrembaka, mila saliranipun kawula sedaya ugi tansah tuwuh lan ngrembaka. Nanging sang atma rohani punika wonten mrika lan piyambakipun panggah sami. Salira tuwuh lan ngrembaka. Dados … Sakmenika, pangrembakan punika — dipunwiwiti saking lare alit punika, piyambakipun lajeng tuwuh lan ngrembaka dados lare ingkang langkung ageng, lajeng piyambakipun dados priyantun kaneman, lajeng dados taruna lan saklajengipun sesarengan mlampahipun wekdal piyambakipun dados satunggaling priyantun kakung sepuh kados kawula. Lajeng, nalikanipun salira punika sampun dados mboten migunani malih, mila salira punika kedah dipunlukaraken lan salira ingkang lintunipun kedah dipuntampi — punika proses pindhahan sang atma. Miturut kawula, mboten wonten pakewed kangge mangertosi proses ingkang prasaja punika.
|
