NE/Prabhupada 0256 - यस कलियुगमा कृष्ण आफ्नो नाम, हरे कृष्णको रूपमा आउनुभएको छ

Previous Page - Video 0255

Next Page - Video 0257

Original Vaniquotes page in English

Lecture on BG 2.8 -- London, August 8, 1973

कृष्ण-वर्णं त्विषाकृष्णं

सङ्गोपङ्गास्त्र-पार्षदम्

यज्ञैः सङ्कीर्तनैः प्रायैर्

यजन्ति हि सुमेधसः

(श्री भ ११।५।३२)

यो कोठामा, यहाँ विशेषगरि, कृष्ण-वर्णं त्विषाकृष्णम्, यहाँ चैतन्य महाप्रभु हुनुहुन्छ | उहाँ कृष्ण स्वयं हुनुहुन्छ तर उहाँको वर्ण अकृष्ण छ, कालो छैन | कृष्ण-वर्णं त्विष... त्विष अर्थात् वर्ण | अकृष्ण | सुनौलो | सङ्गोपङ्गास्त्र-पार्षदम् | र उहाँसँग पार्षदहरु हुनुहुन्छ, नित्यानन्द प्रभु, अद्वैत प्रभु, श्रीवासादि गौर-भक्त-वृन्द | उहाँ यस युगको आराध्य-देव हुनुहुन्छ | कृष्ण-वर्णं त्विषाकृष्ण | आराधनाको प्रक्रिया के हो ? यज्ञैः सङ्कीर्तनैर् प्रायैर् यजन्ति हि सुमेधसः | हामीले यस सङ्कीर्तन-यज्ञ चैतन्य महाप्रभु, नित्यानन्द प्रभु र अरुको अगाडि गर्दैछौं, यस युगमा गर्न सकिने सर्वश्रेष्ठ कार्य यहि हो | अन्यथा अरु कुनै...... तसर्थ यो सफल हुँदैछ | यो एकमात्र निर्धारित यज्ञ हो | अरु यज्ञहरु, राजसूय यज्ञ, यो यज्ञ, त्यो..... धेरै यज्ञहरु छन्...... र कहिलेकहीं भारतमा तिनीहरु तथाकथित यज्ञ सम्पन्न गर्छन् | तिनीहरु केहि पैसा जम्मा गर्छन् | त्यति हो | त्यो सफल हुन सक्दैन किनकि कोहि यज्ञिक ब्राह्मण छैनन् | यज्ञिक ब्राह्मण वर्तमान समयमा छैनन् | यज्ञिक ब्राह्मणहरु वैदिक मन्त्र उच्चारणको परिक्षणको निमित्त उपस्थित हुन्थे | परिक्षण भनेको एउटा पशुलाई यज्ञ-अग्निमा राखिन्थ्यो र ऊ फेरी अर्को ताजा, युवा शरीरसँग फिर्ता आउँथ्यो | यज्ञ राम्ररी सम्पन्न भएको छ कि छैन भनेर परिक्षण यसरी गरिन्थ्यो | यज्ञिक ब्राह्मणहरुले सहि रुपमा वेद-मन्त्र उच्चारण गर्थे | यो परिक्षण हो | तर अहिलेको युगमा त्यस्ता ब्राह्मण कहाँ छन् ? तसर्थ कुनै पनि यज्ञको सिफारिश गरिएको छैन | कलौ पञ्च विवर्जयेत् अश्वमेधम्, अवलम्भं सन्न्यासं बाल-पैतृकम्, देवरेण सुत-पितृ कलौ पञ्च विवर्जयेत् (चै च अादि १७।१६४) त्यसैले यो युगमा कुनै यज्ञ हुँदैन | कोहि यज्ञिक ब्राह्मण छैनन् | हरे कृष्ण मन्त्र जपेर परमानन्दमा नाच्नु नै एकमात्र यज्ञ हो |

यस कलि-युगमा मानिसहरु धेरै विचलित छन् | तसर्थ कृष्ण आफ्नो नाम, हरे कृष्णको रुपमा आउनुभएको छ | कृष्ण व्यक्तिगत रुपमा होइन तर आफ्नो नामद्वारा अवतरित हुनुभएको छ | तर कृष्ण परम हुनुभएको कारण उहाँको नाम र उहाँबीच कुनै भिन्नता हुँदैन | अभिन्नत्वान् नाम-नामिनोः (चै च मध्य १७।१३३) | नाम-चिन्तामणि कृष्ण-च्ऐतन्य-रस-विग्रहः पूर्णः शुद्धो नित्य-मुक्तः | नाम पूर्ण छ | जसरी कृष्ण पूर्ण हुनुहुन्छ, त्यसैगरी कृष्णको नाम पनि पूर्ण छ | शुद्ध | यो भौतिक वस्तु होइन | पूर्णः शुद्धः नित्यः | शाश्वत | जसरी कृष्ण शाश्वत हुनुहुन्छ, उहाँको नाम पनि शाश्वत छ | पूर्णः शुद्धः नित्य-मुक्तः | हरे कृष्ण मन्त्रमा कुनै भौतिक अवधारणा छैन | अभिन्नत्वान् नाम-नामिनोः | नाम र भगवान् अभिन्न हुनुहुन्छ | हामी खुसी हुन सक्दैनौं यदि...... राज्यं सुराणाम् अपि चाधिपत्यम् (भ गी २।८) | हामीले देवताहरुको राज्य कुनै प्रतिद्वन्द्वी बिना प्राप्त गरे पनि हामी खुसी हुन सक्दैनौं, जबसम्म हामीसँग जीवनको भौतिक अवधारणा छ | यो सम्भव छैन | त्यो कुरा यस श्लोकमा बताइएको छ |

धेरै, धेरै धन्यवाद |

त्यति हो |