PAP/Prabhupada 1067 - Nos mester acepta Bhagavd-gita sin interpretacion, sin cortamento

Previous Page - Video 1066

Next Page - Video 1068

660219-20 - Lecture BG Introduction - New York

Tin facilidad completo pa e unidadnan completo chikito, esta, e sernan viviente, realisa e Completo. Y tur sorto di incompletidad ta wordo experencia door di conocemento incompleto di e Completo. Pues e Bhagavad-gītā ta conocemento completo di e sabiduria Vedico.

Henter e conocemento Vedico ta infalibel. Tin diferente ehemplo con nos ta tuma conocemento Vedico como infalibel.. Tuma por ehemplo, locual ta concerni e Hindunan, y con na ta acepta e conocemento Vedico como completo. Aki tin un ehemplo insignificante. Mescos cu kaka di baka. E kaka di baka ta excremento di un animal. Segun smṛti of sabiduria Vedico, si un mishi e kaka di un animal e tin cu tuma baño pa purifica su mes. Pero den scritura Vedico e kaka di baka ta menciona como puro. Mas bien, luga impuro of cosnan impuro ta wordo purifica door di mishimento di e kaka di baka. Awo si un argumenta con ta posibel, cu un caminda ta bisa cu kaka di animal impuro, i otro caminda ta bisa cu kaka di baka cual tambe ta kaka di un animal, ta puro, pues e ta contradictorio. Pero realmente, e por parce di ta contradictorio, pero pasobra e ta un mandamento Vedico, pues pa propositonan practico nos ta acepte. Anto door di aceptacion ey nos no ta comete eror. Kimistanan moderno a haya, ciencia moderno, un Dr. Lal Mohan Gosal, el a analiza minuciosamente e kaka di baka y el a haya cu kaka di baka ta un composicion cu tur e cualidadnan antiseptico. Pues igualmente, e tambe for di curiosidad a analiza e awa di e Ganges. Pues mi idea ta cu e conocemento Vedico ta completo pasobra e ta surpasa tur duda y tur erornan. Pues, y Bhagavad-gītā ta e esencia di tur conocemento Vedico. E conocemento Vedico ta pues infalibel. E ta descende door di e suceso disciplina perfecto.

Pesey conocemento Vedico no ta un cos di examina. Nos examinacion ta imperfecto pasobra nos ta traha cu sentidonan imperfecto. Pesey e resultado di nos examinacion tambe ta imperfecto. Nos mester simplemente acepta e conocemento perfecto. E conocemento perfecto ta descende riba nos di ariba, e Bhagavad-gītā ta siña. for di cuminsamento: "evam paramparā-prāptam imam rājarṣayo viduḥ" (BG 4.2). Nos mester ricibi e conocemento for di e fuente corecto. Pues Bhagavad-gītā ta papia door di Dios mes. Y Arjuna, e, mi kiermen, e studiante cu a tuma les di e Bhagavad-gītā, el a acepta ful e storia manera cu e ta, sin cortamento. Esey no ta wordo permiti, cu nos ta acepta cierto parti di Bhagavad-gītā y rechasa otro parti. Esey no ta wordo acepta. Nos mester acepta e Bhagavad-gītā, sin interpretacion, sin cortamento, y sin nos participacion caprichoso den e asunto, pasobra e mester wordo tuma como conocemento mas perfecto Vedico. E conocemento Vedico ta wordo ricibi for di fuentenan transcendental pasobra e prome palabra a wordo papia door di Dios mes. E palabranan papia door di Dios ta wordo yama apauruṣeya, of no duna door di ningun persona di e mundo mundano, cu ta infecta cu e 4 principionan di imperfeccion. Un ser viviente di e mundo mundano tin cuater principionan defecto den su bida. y na ta 1) cu e mester comete eror, 2) e mester ta tin biaha den ilusion, y 3) e mester purba di gaña otronan, y 4) e ta dota cu sentidonan imperfecto. Cu tur e cauter principionan di imperfecion, un no por duna e forma di informacion perfecto den caso di conocemento di existencia total. E Vedanan no ta asina. E conocemento Vedico a wordo imparti den curason di Brahmā, e prome ser viviente crea. Y Brahmā na su turno a distribui e conocemento na su yiunan y discipulonan manera cu e a wordo recibo di Dios.