PAP/Prabhupada 1069 - Religion ta traspasa e idea de fe. Fe por cambia, Sanātana-dharma, dharma no por



660219-20 - Lecture BG Introduction - New York

Pesey, sanātana-dharma, manera menciona aki riba, cu Dios Supremo ta sanātana, y e residencia transcendental, cual ta riba e cielo spiritual, esey tambe ta sanātana. Y e sernan viviente , nan tambe ta sanātana. Pues asociacion di e sanātana Dios Supremo, sanātana sernan viviente, den e residencia sanātana eterno ta e aspiracion ultimo di forma di bida humano. Dios ta asina generoso riba e sernan viviente pasobra e sernan viviente ta wordo mantene di ta tur yiunan di Dios Supremo. Dios ta declara sarva-yoniṣu kaunteya sambhavanti mūrtayo yāḥ (BG 14.4). Tur viviente, tur tipo di ser viviente... Tin diferente tipo di sernan viviente segun nan diferente tipo di karma, pero Dios ta mantene cu E ta e tata di tur sernan viviente, y pesey Dios ta descende pa reclama tur e almanan aki, lubida y condiciona bek pa e sanātana-dhāma, e cielo sanātana, pa cu e sanātana ser viviente por wordo instala den su posicion sanātana atrobe den asociacion eterno cu Dios. E ta bin Su mes como diferente encarnacion. E ta manda Su sirbido confidencial como yiu of socionan of ācāryanan pe reclama e almanan condiciona. Y pesey sanātana-dharma no kiermen algun proceso di religion sectario. E ta e funcion eterno di er sernan viviente den relacion cu e eterno Dios Supremo. Locual cu sanātana-dharma ta concerni, e kiermen e ocupacion eterno. Śrīpāda Rāmānujācārya a splica e palabra sanātana como "e cos cual no tin cuminsamento ni fin." Y ora nos papia di sanātana-dharma nos mester acepta riba e autoridad di Śrīpāda Rāmānujācārya cu e no tin cuminsamento, ni fin. E palabra religion ta poco diferente di sanātana-dharma. Religion ta traspasa e idea di fe. Fe por cambia. Un por tin fe den un proceso particular, y e por cambia e fe despues y adopta otro fe. Pero sanātana-dharma kiermen locual cu no por wordo cambia, locual cu no por wordo cambia. Mescos cu awa y likides. Likides no por wordo cambia di awa. Calor cu Candela. Calor no por wordo cambia di Candela. Igualmente, e funcion eterno di e ser viviente eterno, cual ta conoci como sanātana-dharma, no por wordo cambia. No ta posibel pa cambia. Nos tin cu descubri kiko ta e funcion eterno di e ser viviente. Ora nos papia di sanātana-dharma, pesey, nos mester acepta riba autoridad di Śrīpāda Rāmānujācārya cu no tin cuminsamento ni fin. E cos cu no tin fin, ningun cuminsamento, no por ta algo sectario of limita door di cualkier barera. Ora nos tene conferencia riba e sanātana-dharma, hende perteneciendo na algun di e fenan religioso cu no ta eterno por eroneamente considera cu nos tin di haber cu algun cos sectario. Pero si nos bay profundo den e materia y tuma tur cos den bista di ciencia moderno, lo ta posibel pa nos wak sanātana-dharma como e ocupacion di tur hende di mundo, no, tur e sernan viviente di e universo. Fe religioso cu no ta sanātana por tin algun comienso den e analnan di sociedad humano, pero no por tin historia di e sanātana-dharma pasobra e ta continua di existi cu e historia di e sernan viviente. Locual cu e sernan viviente ta concerni, nos ta haya di e autoridadnan di śāstras cu sernan vivviente tambe no tin nacemento of fayecimento. Den e Bhagavad-gītā ta wordo claramente afirma cu e ser viviente nunca ta nace, ni nunca e ta muri. E ta eterno, indestructibel, y ta continua de biba despues di destruccion di su curpa material temporario.