PAP/Prabhupada 1073 - Tanten cu nos no renuncia e propension di reina over di e naturalesa material



660219-20 - Lecture BG Introduction - New York

Awo den e capitulo 15 di e Bhagavad-gītā, e imagen real di e mundo material aki ta duna. Ta menciona eynan cu

ūrdhva-mūlam adhaḥ-śākham
aśvatthaṁ prāhur avyayam
chandāṁsi yasya parṇāni
yas taṁ veda sa veda-vit
(BG 15.1)

Awo, e mundo material aki ta describi den e capitulo diescinco di e Bhagavad-gītā como un mata cual tin su reis bayendo ariba, ūrdhva-mūlam. Bo tin experencia di algun mata cu reis in bayendo ariba ? Nos tin e experencia aki di un mata, reis bayendo ariba door di reflexion. Si nos para riba e oriya di riu of cualkier dam di awa, nos por mira cu e mata riba e oriya di e dam di awa ta refleha den awa cu e troncon abow y e reis bayendo ariba. Pues e mundo material aki ta practicamente un reflexion di e mundo spiritual. Mescos cu e reflexion di e mata riba e oriya di un dam di awa ta wordo mira bayendo abow. Igualmente, e mundo material aki, e ta wordo yama sombra, sombra. Manera cu den sombra no por tin algo real, pero na mesun tempo, door di e sombra nos por compronde cu tin realidad. E ehemplo di sombra den e, sombra di awa den e desierto, ta sugeri cu den desierto no tin awa, pero tin awa. Igualmente, den e reflexion di e mundo spiritual, of den e mundo material aki, tin sin duda, no tin felicidad, no tin awa. Pero e awa real, of e felicidad actual, ta den mundo spiritual. Dios ta sugeri cu un mester yega e mundo spiritual ey di e siguiente manera, nirmāna-mohā.

nirmāna-mohā jita-saṅga-doṣā
adhyātma-nityā vinivṛtta-kāmāḥ
dvandvair vimuktāḥ sukha-duḥkha-saṁjñair
gacchanty amūḍhāḥ padam avyayaṁ tat
(BG 15.5)

E padam avyayam ey, e reino eterno ey, por wordo alcansa door di un cu ta nirmāna-mohā. Nirmāna-mohā. Nirmāna kiermen nos ta tras di designacion. Artificialmente nos kier algun designacion. Algun hende kier bira sir, algun hende kier bira lord, algun hende kier bira presidente, of algun hende kier bira hende rico, algun hende kier bira otro cos, rey. Tur e designacionan aki, tanten cu nos tin atraccion pa tur e designacionan aki... Pasobra, na final di cuenta tur e designacionan te pertenece na e curpa, y nos no ta e curpa. Esaki ta e prome concepto di realisacion spiritual. Pues un no tin niun atraccion pa designacion. Y jita-saṅga-doṣā, saṅga-doṣā. Awo nos ta asocia cu e tres modalidadnan di cualidadnan material, y si nos despega door di servicio devocional na Dios... Tanten cu nos no ta atrai door di servicio devocional na Dios, nos no por despega di e tres modalidadnan di naturalesa material. Pesey Dios ta bisa, vinivṛtta-kāmāḥ, e designacionan aki of e atractionan aki ta door di nos pasion, deseo. Nos kier reina over di naturalesa material. Pues, tanten cu nos no bandona e propencon di reina over di naturalesa material, te ora ey no tin posibilidad di bay bek na reino di e Supremo, sanātana-dhāma. Dvandvair vimuktāḥ sukha-duḥkha-saṁjñair gacchanty amūḍhāḥ, amūḍhāḥ padam avyayaṁ tat (BG 15.5). E reino eterno, cual nunca ta destruibel manera e mundo material aki, por wordo aserca door di amūḍhāḥ. Amūḍhāḥ kiermen no ta asombra, un cu no ta asombra door di e atraccion di e gosamentonan falso aki. Y un ta situa den e servicio supremo di Dios, e ta persona adecua pa acerca e reino eterno ey. Y e reino eterno ey no tin necesidad di cualkier solo, cualkier luna, of electricidad. Esey ta un idea breve di acercamento di e reino eterno.