PAP/Prabhupada 1075 - Nos ta preparando pa no siguiente bida door di nos actividadnan den bida aki



660219-20 - Lecture BG Introduction - New York

Dios ta bisa cu anta-kāle ca mām eva smaran muktvā kalevaram (BG 8.5). Un cu bandona su curpa material, djis door di corda Dios Kṛṣṇa, e Personalidad Supremo di Dios, e ta inmediatamente haya un curpa spiritual di sac-cid-ānanda-vigraha (BS 5.1). E proceso di bandona e curpa aki y haya otro curpa den mundo material tambe ta organisa. Un hende ta muri despues cu a wordo dicidi ki tipo di curpa e ta haya den siguiente bida. Pero esey ta wordo dicidi door di autoridadnan superior. Mescos cu di acuerdo cu nos servicio nos ta wordo promove of degrada. Igualmente, di acuerdo cu nos actuacionnan nos ta... Actuacionan den bida aki, e actividadnan den bida aki ta base di preparacion pa siguiente bida. Nos ta prepara pa nos siguiente bida door di nos actividadnan den bida aki. Pues si nos por prepara nos bida aki pa haya promocion na e reino di Dios, e ora ey siguramente, despues di bay, despues di bandona e curpa material aki... Dios ta bisa yaḥ prayāti, un cu ta bay, sa mad-bhāvaṁ yāti (BG 8.5), mad-bhāvam... E ta haya e mesun curpa spiritual cu Dios tin of e mesun naturalesa spiritual. Awo, tin diferente tipo di transcendentalista manera nos a splica caba aki riba. E brahmavādī, paramātmavādī y e devotonan. Den mundo spiritual of den e brhama-jyotir tin planetanan spiritual, innumerabel planetanan spiritual, nos a discuti caba. Y e number di e planetanan ey ta hopi mas, hopi mas grandi cu tur e universonan den mundo material aki. E mundo material aki ta ekāṁśena sthito jagat (BG 10.42). Esaki ta manifestacion di un-cuarto parti di henter creacion. Tres-cuarto parti di creacion ta e mundo spiritual, y den e un-cuarto parti di e creacion tin miyones di universo manera esaki cual nos ta experenciando actualmente. Y den un universo tin miyones y biyones di planeta. Pues tin miyones y biyones di solo y streanan y luna den henter e mundo material aki. pero henter e mundo material aki ta constitui solamente un-cuarto di e manifestacion di henter e creacion. E tres-cuarto manifestacion ta den cielo spiritual. Awo, e mad-bhāvam, un cu kier uni den e existencia di e Brahman Supremo, nan ta uni den e brahma-jyotir di Dios Supremo. Mad-bhāvam kiermen e brahma-jyotir y tambe e planetanan spiritual den e brahma-jyotir. Y e devotonan, cu kier gosa di e asociacion di Dios, nan ta drenta den e planetanan, planetanan Vaikuṇṭha. Tin innumerabel planetanan Vaikuṇṭha, y Dios, Dios Supremo Śrī Kṛṣṇa, door di Su expansion plenario como Nārāyaṇa cu cuatro mannan y diferente nomber, Pradyumna, Aniruddha, y Mādhava, Govinda... Tin innumerabel hopi nomber di e Nārāyaṇa cu cuater man aki. Pues un di e planetanan, esey tambe ta mad-bhāvam, esey tambe ta den e naturalesa spiritual. Pues cualkier transcendentalista cu na fin di su bida, si e pensa riba e brahma-jyotir of medita riba e Paramātmā of pensa riba e Personalidad Supremo di Dios Śrī Kṛṣṇa, den todo caso, nan ta drenta den e cielo spiritual. Pero solamente e devotonan, esnan cu a practica contacto personal cu Dios Supremo, na ta drenta de e planetanan Vaikuṇṭha of de e planeta Goloka Vṛndāvana. Dios ta bisa, yaḥ prayāti sa mad-bhāvaṁ yāti nāsty atra saṁśayaḥ (BG 8.5). No tin duda. Un no mester ta incredulo. Esey ta e cuestion. Pues bo ta lesando Bhagavad-gītā durante henter bida, pero ora Dios papia algo cu no ta diacuerdo cu nos imaginacion, nos ta rechase. Esey no ta e proceso di lesa Bhagavad-gītā. Mescos cu Arjuna a bisa cu sarvam etaṁ ṛtam manye (BG 10.14), "Mi ta kere tur cos, locual Bo a bisa." Igualmente, scucha, scuchando. Dios ta bisa cu na momento di muri, Esun cu pensa riba Mi, sea como Brahman of Paramātmā of e Personalidad di Dios, siguramente e ta drenta den e cielo spiritual y no tin duda riba esey. Un no mester kere cu esey no ta berdad. Y e proceso ta, regla general tambe ta declara den e Bhagavad-gītā, con un por, con ta posibel pa drenta den reino spiritual, simplemente door di pensa riba e Supremo na momento di muri. Pasobra e proceso general tambe ta wordo menciona:

yaṁ yaṁ vāpi smaran bhāvaṁ
tyajaty ante kalevaram
taṁ tam evaiti kaunteya
sadā tad-bhāva-bhāvitaḥ
(BG 8.6)