PAP/Prabhupada 1077 - Dios siendo absoluto, no tin diferencia entre Su nomber y Sumes

Previous Page - Video 1076

Next Page - Video 1078

660219-20 - Lecture BG Introduction - New York

Śrīmad-Bhāgavatam ta wordo yama bhāṣyo 'yaṁ brahma-sūtrāṇām. E ta e comentario natural di Vedānta-sūtra. Pues tur e literaturanan aki, si nos transferi nos pensamento, tad-bhāva-bhāvitaḥ, sadā. Sadā tad-bhāva-bhāvitaḥ (BG 8.6). Un cu ta ocupa semper... Mescos cu e materialista ta semper ocupa den lesamento di cierto literatura material, manera corant, magazina, y ficcion, novela, etc, y tanto scientifico of filosofia, tur cosnan aki di diferente grado di pensamento. Igualmente, si nos transferi nos, e capacidad di lesa pa e literaturanan Vedico aki, manera presenta door di, manera hopi amabelmente presenta door di Vyāsadeva, E ora ey lo ta muy posibel pa nos corda na ora di muri, Dios Supremo. Esey ta e unico manera sugeri door di Dios mes. No sugeri, e ta echo. Nāsty atra saṁśayaḥ (BG 8.5). Sin duda. No tin duda di esey. Tasmāt, pesey Dios a sugeri, tasmāt sarveṣu kāleṣu mām anusmara yudhya ca (BG 8.7). E ta conseha Arjuna cu mām anusmara yudhya ca. E no ta bisa cu "simplemente sigui cordami y renuncia bo deber ocupacional actual." No, Esey no ta wordo sugeri. Dios nunca ta sugeri algo impractico. E mundo material aki, pa mantene e curpa, un mester traha. E trabou ta dividi den cuater division di ordo social. brāhmaṇa, kṣatriya, vaiśya, śūdra. E clase inteligente di sociedad, nan ta trahando den otro manera, y e clase administrativo di sociedad, nan tambe ta trahando den otro manera. E sociedad comerciante, e sociedad productivo, nan tambe ta traha den diferente manera, y e clase laboral, nan tambe ta traha den diferente manera. Den e sociedad humano, sea como trahado of comerciante, of como politico, administrado, of como e clase mas halto di e clase di hende cu profesion den literatura, tur hende ta ocupa den algun trabou, un tin cu traha, lucha pa existi. Pues Dios ta conseha "bo no mester bandona bo ocupacion, pero simultaneamente bo por cordami." Mām anusmara (BG 8.7). Esey lo la haci bo, esey lo yudabo pa cordami na momento di muri. Si bo no practica pa cordami semper, hunto cu bo lucha di existencia, e ora ey no ta posibel.." No ta posibel. Mescos ta wordo conseha door di Dios Caitanya, kīrtanīyaḥ sadā hariḥ (CC Adi 17.31). Kīrtanīyaḥ sadā. Un mester practica pa canta e nomber di Dios semper. E nomber di Dios y Dios no ta diferente. Pues aki e instruccion di Dios Kṛṣṇa na Arjuna cu mām anusmara (BG 8.7), " bo djis cordami," y Dios Caitanya su instruccion di "Bo semper canta e nomber di Kṛṣṇa." Aki Kṛṣṇa ta bisa cu " Bo cordami semper," of bo corda Kṛṣṇa, y Dios Caitanya ta bisa, "Bo canta semper e nomber di Kṛṣṇa." Pues no tin diferencia pasobra Kṛṣṇa y Kṛṣṇa su nomber nan ta indiferente den e Absoluto. Den e estado absoluto no tin diferencia entre un cos cu otro. Esey ta estado absoluto. Pues Dios siendo absoluto, no tin diferencia entre Su nomber y Sumes. Pues nos tin cu practica asina. Tasmāt sarveṣu kāleṣu (BG 8.7). Semper, binticuater ora, nos tin cu modela nos actividadnan di bida di tal manera cu nos por corde binticuater hora. Con e ta posibel? Si, e ta posibel, e ta posibel. Un ehemplo hopi crudo ta duna door di e ācāryanan den e conexion aki. Y ki ta e hemplo? Ta wordo bisa cu un muhe cu ta gusta un otro homber, aunke e tin un esposo, toch, e ta gusta otro homber. Y e sorto di gustamento aki bira hopi fuerte. Esaki ta wordo yama parakīya-rasa. Sea den caso di homber of muhe. Si un homber ta gusta un otro muhe cu su esposa, of un muhe ta gusta otro homber cu su esposo, e gustamento ey ta hopi fuerte. E gustamento ey ta hopi fuerte. Pues e ācāryanan a duna e ehemplo aki manera un muhe cu mal caracter cu tin gusto pa esposo di otro, e semper ta pensando, simultaneamente, ta mustra su esposo cu e ta hopi ocupa den asuntonan familiar. pa cu su esposo no por duda su caracter. Pues manera e ta semper cordando e ora di topa cu su amante anochi, aunke e ta haciendo tanto tarea domestico hopi nechi, igualmente un mester corda e esposo supremo, Śrī Kṛṣṇa, semper, aunke haciendo su deber material hopi nechi. Esey ta posibel. E ta rekeri un fuerte, un sentido di amor fuerte.