View source for NE/Prabhupada 0138 - भगवान् धेरै दयालु हुनुहुन्छ । तपाईले जे इच्छा गर्नुहुन्छ, उहाँले पुरा गर्नुहुन्छ

<!-- BEGIN CATEGORY LIST -->
[[Category:1080 Nepali Pages with Videos]]
[[Category:Prabhupada 0138 - in all Languages]]
[[Category:NE-Quotes - 1975]]
[[Category:NE-Quotes - Lectures, Festivals]]
[[Category:NE-Quotes - in USA]]
[[Category:NE-Quotes - in USA, Philadelphia]]
<!-- END CATEGORY LIST -->
<!-- BEGIN ORIGINAL VANIQUOTES PAGE LINK-->
<div class="center">
'''<big>[[Vaniquotes:Man proposes; God disposes. God is very kind. Whatever you desire, He will fulfill. Although He says that "This kind of material desires will never satisfy you," but we want. Therefore God supplies us, Krsna, different types of body|Original Vaniquotes page in English]]</big>'''
</div>
----
<!-- END ORIGINAL VANIQUOTES PAGE LINK-->

<!-- BEGIN VIDEO LINK -->
{{youtube_right|xEryT_KlfMY|भगवान् धेरै दयालु हुनुहुन्छ । तपाईले जे इच्छा गर्नुहुन्छ, उहाँले पुरा गर्नुहुन्छ <br/> - Prabhupāda 0138}}
<!-- END VIDEO LINK -->

<!-- BEGIN AUDIO LINK -->
<mp3player>http://vaniquotes.org/w/images/750712RY.PHI_clip1.mp3</mp3player>
<!-- END AUDIO LINK -->

<!-- BEGIN VANISOURCE LINK -->
'''[[Vanisource:Ratha-yatra -- Philadelphia, July 12, 1975|Ratha-yatra -- Philadelphia, July 12, 1975]]'''
<!-- END VANISOURCE LINK -->

<!-- BEGIN TRANSLATED TEXT -->

महिला तथा सज्जनहरु, सुरुमा म तपाईलाई धन्यवाद दिन चाहन्छु, यस महान शहर, फिलाडेल्फियाका वासिन्दाहरु | तपाईहरु यस अभियानमा सहभागी हुन यति दयालु, उत्सुक हुनुहुन्छ | म तपाईप्रति धेरै आभारी छु | म विशेषगरि अमेरिकी युवा र युवतीप्रति आभारी छु, जसले मेरो यति धेरै मदत गर्दैछन्, यस कृष्ण भावनामृत अभियान पश्चिमी राष्ट्रमा फैलाउन | मलाई पश्चिमी देशमा यस कृष्ण भावनामृत अभियान प्रचार गर्न मेरो गुरु महाराजले आदेश दिनुभएको थियो | १९६५मा म प्रथम पटक न्यु योर्क आएँ | त्यसपछि १९६६मा यस संघ न्यु योर्कमा दर्ता भयो, र १९६७देखि यस अभियान निरन्तर अमेरिका, युरोप, क्यानाडा, प्रशान्त महासागरको दक्षिण, अस्ट्रेलिया, र सारा संसारभरी चलिरहेको छ | म तपाईलाई यस अभियान, कृष्ण भावनाबारे थोरै जानकारी दिन चाहन्च्चु | कृष्ण अर्थात् सर्व-आकर्षक | कृष्ण हरेक जीवको लागि आकर्षक हुनुहुन्छ, मानवमात्र होइन तर पशु, पंक्षी, माहुरी, रुख, फुल, फल, पानी सबैको लागि आकर्षक हुनुहुन्छ | त्यो वृन्दावनको तस्विर हो | यो भौतिक जगत् हो | हामीसँग आध्यात्मिक जगतको कुनै अनुभव छैन | तर हामीले एउटा झलक पाउन सक्छौं कि आत्मा के हो र पद्धार्थ के हो | केवल एउटा जीवित मानिस र मृत शरीरको भिन्नता बुझ्ने प्रयास गर्नुहोस् | मृत शरीर भनेको जब शरीरभित्रको जीव जान्छ, तब त्यो बेकार मृत पद्धार्थ हुन्छ | र जबसम्म जीव त्यहाँ हुन्छ, शरीर धेरै महत्वपूर्ण हुन्छ | जसरी हामीले यो शरीरमा अनुभव गर्छौं, यसमा कुनै कुरा मृत हुन्छ र कुनै कुरा जीवित हुन्छ, त्यसैगरी, दुई जगत् छन्: भौतिक जगत् र आध्यात्मिक जगत् | हामी जीवहरु सबजना आध्यात्मिक जगतसँग सम्बद्ध छौं | हामी यो भौतिक जगतसँग सम्बद्ध छैनौं | कुनै कारण हामी यो भौतिक जगत् र भौतिक शरीरको सम्पर्कमा आएका छौं र हामी शाश्वत जीव भए तापनि यो भौतिक शरीरसँगको सम्पर्कको कारण हामीले चार दु:ख स्वीकारेका छौं: जन्म, मृत्यु, रोग र बुढ्यौली | हामी त्यसबाट गुज्रिनुपर्छ | यो भौतिक जगतमा हामीले एउटा प्रकारको शरीर प्राप्त गर्दैछौं र यो निश्चित समयमा नाश हुन्छ | कुनै पनि भौतिक वस्तु जस्तै | उदाहरणको लागि तपाईले आफ्नो वस्त्र लिनुहोस् | तपाईले एउटा वस्त्र पहिरिएको हुन्छौ तर जब यो पुरानो हुन्छ र प्रयोग गर्न मिल्दैन, तब तपाईले यसलाई फाल्दिनुहुन्छ र अर्को वस्त्र लिनुहुन्छ | यो भौतिक शरीर पनि आत्माको वस्त्र हो | तर हामीले भौतिक जगतसँग आशक्त भएर यसको भोग गर्ने इच्छा राखेको कारण हामीले विभिन्न वस्त्र प्राप्त गर्छौं | भगवद् गीतामा यसलाई यन्त्रको रुपमा वर्णन गरिएको छ | वास्तवमा यो शरीर यन्त्र हो | भगवद् गीतामा बताइएको छ, 

:ईश्वरः सर्व-भूतानां हृद्-देशे ऽर्जुन तिष्ठति 
:भ्रामायान् सर्व-भूतानि यन्त्रारूढानि मायया 
:([[Vanisource:BG 18.61|भ गी १८।६१]])  

हामी जीवहरु इच्छा गर्छौं | "मनुष्यले प्रस्ताव गर्छ, भगवानले पुरा गर्नुहुन्छ |" भगवान् धेरै दयालु हुनुहुन्छ | तपाईले जे इच्छा गर्नुहुन्छ, उहाँले पुरा गर्नुहुन्छ | उहाँले "यस प्रकारको भौतिक इच्छाले तिमीलाई कहिल्यै सन्तुष्ट गर्नेछैन" भन्नुभए तापनि हामी इच्छा गर्छौं | भगवान् कृष्णले हामीलाई विभिन्न इच्छा पुरा गर्न विभिन्न शरीर प्रदान गर्नुहुन्छ | यसलाई भौतिक बद्ध जीवन भनिन्छ | इच्छा अनुरुपको शरीरको परिवर्तनलाई विकासवादी प्रक्रिया भनिन्छ | लाखौं शरीरको क्रमिक-विकासद्वारा हामी मानव शरीरसम्म आइपुग्छौं | जलजा नव-लक्षाणि स्थावरा लक्ष-विंशति पानीमा हामी ९,००,००० प्रजातिका जीवनबाट गुज्रिनुपर्छ | त्यसैगरी, बीस लाख प्रकारका वृक्षहरु छन् | यस प्रकार, प्रकृतिले आफ्नै तरिकाले हामीलाई मानव जीवनमा ल्याउँछिन्, केवल हाम्रो चेतना विकास गर्न वा हामीलाई जागरुक बनाउन | प्रकृतिले हामीलाई अवसर दिन्छिन्,"अब तिम्रो के इच्छा छ ? अब तिमीसँग विकसित चेतना छ | अब तिमी पुनः विकासवादी प्रक्रियामा जान चाहन्छौ वा तिमी उच्च लोकमा जान चाहन्छौ , वा तिमी भगवान् कृष्णकहाँ जान चाहन्छौ वा तिमी यहाँ रहन चाहन्छौ ?" यी विकल्पहरु हुन्छन् | भगवद् गीतामा भनिएको छ, 

:यान्ति देव-व्रता देवान् पितृन् यान्ति पितृ-व्रताः 
:भूतेज्या यान्ति भूतानि मद्-याजीनो ऽपि यान्ति माम् 
:([[Vanisource:BG 9.25|भ गी ९।२५]]) 

अब आफ्नो छनौट गर्नुहोस् | यदि तपाई उच्च लोकमा जान चाहनुहुन्छ भने तपाई जान सक्नुहुन्छ | यदि तपाई यस मध्यम ग्रहमा रहन चाहनुहुन्छ भने तपाईले त्यसो गर्न सक्नुहुन्छ | यदि तपाई तल्लो ग्रहमा जान चाहनुहुन्छ भने तपाईले त्यसो गर्न सक्नुहुन्छ | र यदि तपाई भगवान् कृष्णकहाँ जान चाहनुहुन्छ भने तपाईले त्यसो पनि गर्न सक्नुहुन्छ | यो तपाईको छनौटमा निर्भर हुन्छ | तसर्थ, यो भौतिक जगतमा कस्तो भिन्नता छ, हुन सक्छ उच्च ग्रह वा तल्लो ग्रह, र आध्यात्मिक जगत् के हो ? आध्यात्मिक जगत् भनेको त्यहाँ कुनै भौतिक आवश्यकता हुँदैन | मैले भनिसकें कि सबै कुरा सजीव हुन्छ | रुख, फुल, फल, पानी, पशु- सबै आध्यात्मिक हुन्छन् | त्यसैले त्यहाँ कुनै विनाश हुँदैन | त्यो शाश्वत हुन्छ | यदि तपाई त्यस आध्यात्मिक जगतमा जान चाहनुहुन्छ भने तपाईले यो मानव जीवनमा मौका प्राप्त गर्न सक्नुहुन्छ र यदि तपाई यो भौतिक जगतमा रहन चाहनुहुन्छ भने तपाईले त्यसो गर्न सक्नुहुन्छ |
<!-- END TRANSLATED TEXT -->