View source for NE/Prabhupada 0536 - तपाईले कृष्णलाई बुझ्नुहुन्न भने वेद अध्ययनको के अर्थ रहन्छ ?

<!-- BEGIN CATEGORY LIST -->
[[Category:1080 Nepali Pages with Videos]]
[[Category:Prabhupada 0536 - in all Languages]]
[[Category:NE-Quotes - 1973]]
[[Category:NE-Quotes - Lectures, Festivals]]
[[Category:NE-Quotes - in United Kingdom]]
<!-- END CATEGORY LIST -->
<!-- BEGIN ORIGINAL VANIQUOTES PAGE LINK-->
<div class="center">
'''<big>[[Vaniquotes:What is the use of studying Vedas if you do not understand Krsna? Because the ultimate goal of education means to understand the Supreme Lord, the supreme father, the supreme cause|Original Vaniquotes page in English]]</big>'''
</div>
----
<!-- END ORIGINAL VANIQUOTES PAGE LINK-->

<!-- BEGIN VIDEO LINK -->
{{youtube_right|cGQSXwLp4nk|तपाईले कृष्णलाई बुझ्नुहुन्न भने वेद अध्ययनको के अर्थ रहन्छ ?<br />- Prabhupāda 0536}}
<!-- END VIDEO LINK -->

<!-- BEGIN AUDIO LINK -->
<mp3player>http://vaniquotes.org/w/images/730821JM.LON_Janmastami_clip2.mp3</mp3player>
<!-- END AUDIO LINK -->

<!-- BEGIN VANISOURCE LINK -->
'''[[Vanisource:Janmastami Lord Sri Krsna's Appearance Day Lecture -- London, August 21, 1973|Janmastami Lord Sri Krsna's Appearance Day Lecture -- London, August 21, 1973]]'''
<!-- END VANISOURCE LINK -->

<!-- BEGIN TRANSLATED TEXT -->

तपाईले तस्विरमा देख्नुहुन्छ कि जब कृष्ण कुरुक्षेत्रको युद्धभूमिमा उपस्थित हुनुहुन्थ्यो, उहाँ बढीमा चौबीस वर्षीय युवा जस्तै देखिनुहुन्छ | तर त्यस समयमा उहाँका पनातिहरु थिए | तसर्थ कृष्ण सधैं युवा हुनुहुन्छ | नवयौवनम् च | यी वैदिक साहित्यका बयान हुन् | अद्वैतम् अच्युतम् अनादिं अनन्त-रूपम् आद्यं पुराण-पुरुषं नव-यौवनं च वेदेषु दुर्लाभं अदुर्लाभं आत्मा-भक्तौ(ब्र स ५|३३) यदि हामीले वैदिक शास्त्र आधिकारिकताको रुपमा मात्र पढ्छौं, कृष्णलाई बुझ्न धेरै कठिन हुनेछ | वेदेषु दुर्लाभं | सम्पूर्ण वेदहरु कृष्णलाई बुझ्नको लागि हुन् | भगवद गीतामा भनिएको छ, वेदैश् च सर्वैर् अहम् एव वेद्यो | अहं एव वेद्यो | यदि तपाईले कृष्णलाई बुझ्नुहुन्न भने वेद-अध्ययनको के अर्थ रहन्छ ? किनकि शिक्षाको अन्तिम लक्ष्य भनेको बुझ्नु हो, परमेश्वरलाई बुझ्नु, परम-पितालाई बुझ्नु, परम कारणलाई बुझ्नु | वेदान्त सूत्रमा भनिएको छ, जन्माद्य् अस्य यतः (श्री भा १|१|१) | अथातो ब्रह्म जिज्ञासा | ब्रह्म-जिज्ञासा, परम-सत्य भगवानको बारेमा छलफल गर्नु | ती ब्रह्म के हुनुहुन्छ ? जन्माद्य् अस्य यतः | ती ब्रह्म भनेको जसबाट सबै कुरा प्रकट हुन्छ | त्यसैले विज्ञान, दर्शन भनेको सबै कुराको अन्तिम कारण पट्ट लगाउनु हो | हामीले शास्त्रबाट बुझ्छौं कि कृष्ण सम्पूर्ण कारणहरुको पनि कारण हुनुहुन्छ | सर्व-कारण-कारणम् | ईश्वरः परमः कृष्णः सच्-चिद्-आनन्द-विग्रहः अनादिर् आदिर् गोविन्दः सर्व-कारण-कारणम् (ब्र स ५|१) सम्पूर्ण कारणहरुको पनि कारण | यो बुझ्ने प्रयास गर्नुहोस् | मेरो कारण मेरो पिता हुनहुन्छ | मेरो पिताको कारण उहाँको पिता हुनहुन्छ | उहाँको कारण उहाँको पिता हुनुन्हुन्छ, उहाँको पिता............. खोज्दै जानुहोस्, तब तपाई अन्तिममा ती व्यक्तिसम्म पुग्नुहुन्छ जो सबैको कारण हुनुहुन्छ | तर उहाँको अरु कोहि कारण छैन | अनादिर् आदिर् गोविन्दः (ब्र स ५|१) | म मेरो पुत्रको कारण हुनसक्छु तर म पनि कुनै कारण अर्थात् मेरो पिताको नतिजा हुँ | तर शास्त्रमा भनिएको छ कि अनादिर् आदिर्, उहाँ मूल पुरुष हुनुहुन्छ तर उहाँको कुनै कारण छैन | ती कृष्ण हुनुहुन्छ | तसर्थ कृष्णले भन्नुहुन्छ कि जन्म कर्म च मे दिव्यं यो जानाति तत्त्वतः (भ गी ४|९) | कृष्णको प्राकट्य धेरै महत्वपूर्ण कुरा हो | हामीले कृष्णलाई बुझ्नुपर्छ, उहाँ किन प्रकट हुनहुन्छ, उहाँ कोण यो भौतिक जगतमा आउनुहुन्छ, उहाँको कर्तव्य के हो, उहाँको गतिविधि के हो | यदि हामीले केवल कृष्णलाई बुझ्ने प्रयास गर्छौं भने नतिजा के हुन्छ ? नतिजा भनेको त्यक्त्वा देहं पुनर् जन्म नैति माम् एति कौन्तेय (भ गी ४.९) तपाईले अमरता प्राप्त गर्नुहुन्छ | जीवनको लक्ष्य अमरता प्राप्त गर्नु हो | अमृतत्वाय कल्पते | कृष्णको प्राकट्य दिवसमा, हामी कृष्णको दर्शन बुझ्ने प्रयास गर्छौं | महामहिमले शान्ति सम्बन्धि बोल्दै हुनुहुन्थ्यो | शान्तिको सूत्र यहाँ कृष्णले भन्नुभएको छ | त्यो के हो ? भोक्तारं यज्ञ-तपसां सर्वऌओक-महेश्वरम् सुहृदं सर्व-भूतानां ज्ञात्वा मां शान्तिम् ऋच्छति (भ गी ५|२९) यदि नेताहरु, कुटनीतिज्ञहरु संसारमा शान्ति स्थापित गर्न प्रयासरत छन्...... संयुक्त राष्ट्रसंघ लगायत धेरै संघहरु छन् | तिनीहरु वास्तविक शान्ति र स्थिरता प्राप्त गर्न प्रयासरत छन्, मानिस-मानिसबीच, राष्ट्र-राष्ट्रबीचको असमझदारी हटाउने प्रयासमा छन् | तर त्यसो हुन सकेको छैन | कमजोरी यो छ कि जरा गलत छ | सबजना सोच्दैछन् "यो मेरो राष्ट्र हो | यो मेरो परिवार हो | यो मेरो समाज हो | यो मेरो सम्पत्ति हो |" यो "मेरो" भन्नु भ्रम हो |

<!-- END TRANSLATED TEXT -->