View source for NE/Prabhupada 0960 - जसले भगवानको अस्तित्व नकार्छ, ऊ पागल हो

<!-- BEGIN CATEGORY LIST -->
[[Category:1080 Nepali Pages with Videos]]
[[Category:Nepali Pages - 207 Live Videos]]
[[Category:Prabhupada 0960 - in all Languages]]
[[Category:NE-Quotes - 1975]]
[[Category:NE-Quotes - Conversations]]
[[Category:NE-Quotes - in USA]]
[[Category:NE-Quotes - in USA, Los Angeles]]
[[Category:Nepali Language]]
<!-- END CATEGORY LIST -->
<!-- BEGIN ORIGINAL VANIQUOTES PAGE LINK-->
<div class="center">
'''<big>[[Vaniquotes:God will come and drive you away from your present pride, prestigious position, "Get out." So unless one is madman, he cannot say, "There is no God." Anyone who denies the existence of God, he is a madman|Original Vaniquotes page in English]]</big>'''
</div>
----
<!-- END ORIGINAL VANIQUOTES PAGE LINK-->

<!-- BEGIN VIDEO LINK -->
{{youtube_right|Ts9TIqRhgSk|जसले भगवानको अस्तित्व नकार्छ, ऊ पागल हो<br/> - Prabhupāda 0960}}
<!-- END VIDEO LINK -->

<!-- BEGIN AUDIO LINK -->
<mp3player>File:750624GC-LOS ANGELES_clip4.mp3</mp3player>
<!-- END AUDIO LINK -->

<!-- BEGIN VANISOURCE LINK -->
'''[[Vanisource:750624 - Conversation - Los Angeles|750624 - Conversation - Los Angeles]]'''
<!-- END VANISOURCE LINK -->

<!-- BEGIN TRANSLATED TEXT -->

प्रभुपाद: वास्तविक आनन्द र दु:ख भोग्ने आत्माले हो, यो शरीरले होइन | जब आत्मा शरीरबाट बाहिर निस्कन्छ, शरीरले थोरै पनि आनन्द वा दु:ख भोग्दैन; यो पदार्थको थुप्रो हो | शरीरमा आत्मा हुने बेलासम्ममात्र आनन्द र दु:खको अनुभव हुन्छ | तसर्थ आत्मा महत्वपूर्ण हुन्छ | र यदि तिमीले आत्माको अध्ययन गर्छौ भने तिमीले बुझ्न सक्छौ कि भगवान के हुनुहुन्छ | 

पिटर: कसरी थाहा हुन्छ कि आत्मा छ ? 

प्रभुपाद: किनकि तिमी बोल्दैछौ | तिमीले जिज्ञासा गरेको कारण आत्मा छ भन्ने थाहा हुन्छ | तिमी आत्मा भएको कारण तिमीले जिज्ञासा गर्छौ | जब आत्मा शरीरबाट बाहिर निस्किन्छ, तिमीले थोरै पनि जिज्ञासा गर्न सक्दैनौ | जिज्ञासा समाप्त हुन्छ | 

डा. वोल्फ: के आत्मा र जीवनलाई समान मान्न सकिन्छ ? 

प्रभुपाद: सकिन्छ | समान....... जीवन आत्माको लक्षण हो | आत्मा भएको कारण जीवन हुन्छ | र जब आत्मा रहँदैन, जीवन पनि रहँदैन | आकाशमा सूर्य छ र सूर्यको प्रकास छ | जब सूर्य अस्ताउँछ, प्रकास पनि हुँदैन; अन्धकार हुन्छ | 

डा. ओर: के शरीरको विरोध गर्नुपर्छ ? के शरीरलाई अनुशासनमा राख्नुपर्छ, यसको विरोध गर्नुपर्छ वा यसको उपेक्षा गर्नुपर्छ ? के तपाईले यहि सुझाव दिंदै हुनुहुन्छ ? 

प्रभुपाद: उपेक्षा ? 

बहुलाश्व: शरीरसँग कस्तो व्यवहार गर्नुपर्छ ? 

डा. ओर: शरीरसँग कस्तो व्यवहार गर्नुपर्छ ? 

प्रभुपाद: नहुनु मामाभन्दा कानो मामा निको | (हाँसो) यो 'मामा नहुनु' सरह हो | तर हामीले यसको उपयोग गर्नुपर्छ | 

डा. ओर: जब हजुरले भन्नुहुन्छ कि सबै कुरा भगवानको अंश हो, हजुरले शरीरलाई अपवादको रुपमा लिनुहुन्छ- शरीर दिव्य छैन | 

प्रभुपाद: हो | 

भक्त: होइन, उनले भन्दैछन् कि जब हामीले सबै कुरा भगवानको अंश हुन्, तब शरीरलाई एक अपवादको रुपमा राख्छौं | उनले भन्छन् कि शरीर अपवाद हो | शरीर भगवानको अंश होइन ?

प्रभुपाद: होइन, किन ? शरीर पनि अंश हो | मैले त्यसको व्याख्या गरिसकें | 

डा. जुदाह: माया-शक्ति | 

प्रभुपाद: हो, यो अर्को शक्ति हो | 

डा. ओर: ए, मैले बुझें | 

डा. जुदाह: कृष्णको बहिरङ्ग शक्ति | 

डा. ओर: बहिरङ्ग शक्ति | 

प्रभुपाद: सबै कुरा भगवानको शक्ति हो, त्यसैले शरीर पनि भगवानको शक्ति हो | त्यसैले शरीरको सर्वोत्तम प्रयोग भनेको भगवानको शक्तिलाई भगवानको लागि उपयोग गर्नुपर्छ | तब यो शरीरको आध्यात्मिकिकरण हुन्छ | शरीर पनि भगवानको शक्ति हो र यदि यसलाई भगवानको सेवामा संग्लग्न गराइन्छ भने शरीर मामा नभएको जस्तै हुँदैन, यो मामा हुनु सरह हुन्छ | (विराम) 

प्रभुपाद: यदि ठेकेदारले "यो भवन मेरो हो | म मालिक हुँ |" सोच्छ भने ऊ गलत हुन्छ | यदि उसले त्यो भवनको मालिकलाई पूर्णतः चिन्छ, यदि उसले "यो भवन मलाई प्रयोग गर्न दिइएको हो" भनेर बुझ्छ भने यो ज्ञान हो | 

डा. वोल्फ: श्रील प्रभुपाद, त्यो ठेकेदारलाई कुनै पनि समय निकाल्न सकिन्छ | 

प्रभुपाद: हो | निकाल्न सकिन्छ | त्यो समयमा उसले मालिकलाई चिनिन्छ (हाँसो), जब उसलाई लात हानेर बाहिर निकालिन्छ | भगवद गीतामा पनि यो कुरा बताइएको छ: मृत्युः सर्व-हरश् चाहम् (भ गी १०|३४) | जसले भगवानमा विश्वास गर्दैनन्, तिनीहरुको लागि भगवान एक दिन मृत्युको रुपमा आउनुहुनेछ, "अब मलाई विश्वास गर | बाहिर निस्किउ !" समाप्त | तिम्रो सम्पूर्ण घमण्ड समाप्त हुन्छ | तिम्रो घमण्ड, तिम्रो सम्पत्ति, तिम्रो परिवार, तिम्रो बैंकको पूंजी, तिम्रो गगनचुम्बी भवन-सबै खोसिन्छ: "समाप्त | बाहिर निस्किउ |" यी भगवान हुनुहुन्छ | अब भगवानलाई बुझ्छौ ? विश्वास गरे पनि वा विश्वास नगरे पनि भगवान एक दिन आउनुहुनेछ | उहाँले तिमीलाई लानुहुनेछ, तिम्रो सबै कुरा खोस्नुहुनेछ र "बाहिर निस्किउ !" ती भगवान हुनुहुन्छ | तिमीले विश्वास गर वा नगर, यसको मतलब हुँदैन | उही उदाहरण: ठेकेदारले भवनको मालिकमा विश्वास नगर्न सक्छ, तर जब भवनको मालिक अदालतको आदेशसँग आउँछ, "बाहिर निस्किउ", तब तिमी बाहिर निस्कनुपर्छ | त्यति हो | भगवद गीतामा बताइएको छ कि "जो भगवानमा विश्वास गर्दैनन्, तिनीहरुको लागि म मृत्युको रुपमा आउँछु र सबै कुरा हर्छु | समाप्त |" यो विश्वास गर्नुपर्छ कि "हो, मृत्युजस्तै पक्का |" तब भगवान पक्का हुनुहुन्छ | तिमीले आफ्नो आयु बाँकी रहेसम्म चुनौती दिन सक्छौ (हाँसो) तर भगवान आउनुहुनेछ र तिमीलाई आफ्नो वर्तमान घमण्ड र सम्मानित अवस्थाबाट बाहिर निकाल्नुहुनेछ, "बाहिर निस्किउ" | जबसम्म कोहि पागल हुन्छ, उसले भन्न सक्दैन "भगवान हुनुहुँदैन |" जसले भगवानको अस्तित्व नकार्छ, ऊ पागल हो | 

डा. वोल्फ: प्रभुपाद, के ऊ अन्धो छ, ऊ मुर्ख छ भन्नु ठिक हुँदैन ? 

प्रभुपाद: हुन्छ, उही कुरा | पागल भनेको सम्पूर्ण मूर्ख्याईंको परिणाम हो | जब मैले पागल भन्छु, यो सम्पूर्ण (सँगै:) अब उनीहरुलाई प्रसादम् देउ | मलाई लाग्छ हामीले उनीहरुको समय ओगटेका छौं |

<!-- END TRANSLATED TEXT -->