View source for KK/Prabhupada 1069 - Дін дегеніміз — наным, ал наным өзгеруі мүмкін, керісінше, санатана-дһарма өзгермейді

<!-- BEGIN CATEGORY LIST -->
[[Category:1080 Kazakh Pages with Videos]]
[[Category:Prabhupada 1069 - in all Languages]]
[[Category:KK-Quotes - 1966]]
[[Category:KK-Quotes - Lectures, Bhagavad-gita As It Is]]
[[Category:KK-Quotes - in USA]]
[[Category:KK-Quotes - in USA, New York]]
[[Category:KK-Quotes - Introduction to Bhagavad-gita As It Is]]
[[Category:Introduction to Bhagavad-gita As It Is in all Languages]]
[[Category:Kazakh Language]]
<!-- END CATEGORY LIST -->
<!-- BEGIN ORIGINAL VANIQUOTES PAGE LINK-->
<div class="center">
'''<big>[[Vaniquotes:The word religion is a little different from sanatana-dharma. Religion conveys the idea of faith. Faith may change. One may have faith in a particular process, and change the faith afterwards and adopt another faith. But sanatana-dharma cannot be changed|Original Vaniquotes page in English]]</big>'''
</div>
----
<!-- END ORIGINAL VANIQUOTES PAGE LINK-->

<!-- BEGIN VIDEO LINK -->
{{youtube_right|tNIwLyZ9EV0|Дін дегеніміз — наным, ал наным өзгеруі мүмкін, керісінше, санатана-дһарма өзгермейді<br/>- Prabhupāda 1069}}
<!-- END VIDEO LINK -->

<!-- BEGIN AUDIO LINK -->
<mp3player>File:660220BG-NEW_YORK_clip13.mp3</mp3player>
<!-- END AUDIO LINK -->

<!-- BEGIN VANISOURCE LINK -->
'''[[Vanisource:660219-20 - Lecture BG Introduction - New York|660219-20 - Lecture BG Introduction - New York]]'''
<!-- END VANISOURCE LINK -->

<!-- BEGIN TRANSLATED TEXT -->
Дін дегеніміз — наным, ал наным өзгеруі мүмкін, керісінше, санатана-дһарма өзгермейді Санатана-дһарма. Жоғарғы Иенің — санатана екенін, рухани аспанның арғы жағындағы бақи мекеннің де — санатана екенін бұдан бұрын ескертіп кеттік. Тірі жандар да — санатана. Сонымен, санатана мәңгі мекенде санатана Құдаймен, санатана тірі жандармен қатынасу — адам өмірінің биік мұраты. Тәңір тірі жандарға өте мейірімді келеді, себебі барша тірі жандар Кришнаның балалары. Кришна Бһагавад-гитада сарва-йонишу каунтейа муртайаһ самбһаванти йаһ тасам браһма маһад йонир аһам биджа-прадаһ пита: “Мен — барша тірі жандардың әкесімін” ([[Vanisource:BG 14.4|BG 14.4]]) деп мәлімдейді. Әр түрлі тірі жандар… Әр түрлі кармаларына сай әр түрлі тірі жандар болғанымен, “Мен — барша тірі жандардың әкесімін” деп мәлімдейтіндіктен, Тәңір барша ұмытшақ тәуелді жандарды санатана-дһамаға, санатана аспанға қайтару үшін келіп түседі, сонда санатана тірі жан Тәңірмен мәңгі қатынасындағы санатана күйімен қайта қауышады. Тәуелді жандарды қайтару үшін Тәңір әр түрлі аватаралары арқылы келеді, я ұлдары я серіктері я ачарйалар секілді сенімді бһакталарын жібереді. 

Сондықтан санатана-дһарма ешқандай діни секталарға жатпайды. Санатана-дһарма дегеніміз — мәңгі тірі жандардың мәңгі Құдаймен қатынасындағы мәңгі рөлі. Санатана-дһарма деген — мәңгі бақи міндетіміз. Шрипада Рамануджачарйа санатана сөзін “басы да, соңы да жоқ” деп түсіндірген. Санатана-дһарманы сөз еткенімізде, оны “басы да, соңы да жоқ” деп түсіндірген Шрипада Рамануджачарйаның беделіне сүйенуіміз шарт. Дін сөзі санатана-дһарма ұғымынан сәл өзгешелеу. Дін дегеніміз — наным, ал наным өзгеруі мүмкін. Біреу бір нанымға сеніп, ол нанымын өзгертіп, басқа нанымға илануы мүмкін. Керісінше, санатана-дһарма өзгермейді, қаз-қалпында қалады. Бұл су мен сұйықтың бір-бірінен ажырамайтыны сияқты. Жылу мен от та бір-бірінен ажырамайды. Сол секілді, тірі жанның санатана-дһарма деген мәңгі рөлін өзгерту мүмкін емес. Оны өзгерту мүмкін емес. Мәңгі тірі жанның мәңгі рөлін білуіміз шарт. Сондықтан санатана-дһарманы сөз еткенімізде, оны “басы да, соңы да жоқ” деп түсіндірген Шрипада Рамануджачарйаның беделіне сүйенуіміз шарт. Басы да, соңы да жоқ нәрсенің шектеулі сектамен я басқа да шектермен шектелуі мүмкін емес. Санатана-дһарманы сөз еткенімізде, әлдебір мәңгі емес діни нанымдарды ұстанушылар бізді әлдебір секталардың біріне жатқызып қателесуі мүмкін. Ал егер бәрін бүгінгі ғылым тұрғысынан тереңірек зерттесек, санатана-дһарманың әлемдегі барша адамдардың, дәлірек айтқанда, жаһандағы барша тірі жандардың ісі екенін көреміз. Санатанаға жатпайтын діни нанымның басталу уақыты адамзат тарихы жылнамаларынан табылады, керісінше, санатана-дһарманың тарихи бастауы жоқ, себебі тірі жандардың тарихымен мәңгі бірге. Ал тірі жандарға келер болсақ, шастралардың беделіне сүйене отырып, тірі жандардың ешқашан тумайтынын және өлмейтінін білеміз. Бһагавад-гитада тірі жанның ешқашан тумайтыны және өлмейтіні анық айтылған. Мәңгі және жойылмайтын тірі жан уақытша фәни тәні өлген соң да тіршілік ете береді.
<!-- END TRANSLATED TEXT -->