View source for NE/Prabhupada 0825 - मनुष्य जीवनमा हामीले केवल कृष्णको चरणकमलको प्राप्तिका लागि प्रयास गर्नुपर्दछ

<!-- BEGIN CATEGORY LIST -->
[[Category:1080 Nepali Pages with Videos]]
[[Category:Prabhupada 0825 - in all Languages]]
[[Category:NE-Quotes - 1974]]
[[Category:NE-Quotes - Lectures, Srimad-Bhagavatam]]
[[Category:NE-Quotes - in India]]
[[Category:NE-Quotes - in India, Bombay]]
<!-- END CATEGORY LIST -->
<!-- BEGIN NAVIGATION BAR -- DO NOT EDIT OR REMOVE -->
{{1080 videos navigation - All Languages|Nepali|NE/Prabhupada 0824 - आध्यात्मिक जगतमा कुनै विवाद हुँदैन|0824|NE/Prabhupada 0826 - हाम्रो अभियानले त्यो कडा परिश्रमलाई कृष्णको सेवामा रुपान्तरण गरेको छ|0826}}
<!-- END NAVIGATION BAR -->
<!-- BEGIN ORIGINAL VANIQUOTES PAGE LINK-->
<div class="center">
'''<big>[[Vaniquotes:Kovida means intelligent, very intelligent person. So what should he try for? Tasyaiva hetoh: to get shelter at the lotus feet of Krsna. Human life should only endeavor how to get in touch of the lotus feet of Krsna. That should be the only one business|Original Vaniquotes page in English]]</big>'''
</div>
----
<!-- END ORIGINAL VANIQUOTES PAGE LINK-->

<!-- BEGIN VIDEO LINK -->
{{youtube_right|N4vZLy-GuFg|मनुष्य जीवनमा हामीले केवल कृष्णको चरणकमलको प्राप्तिका लागि प्रयास गर्नुपर्दछ<br/> - Prabhupāda 0825}}
<!-- END VIDEO LINK -->

<!-- BEGIN AUDIO LINK (from English page -->
<mp3player>https://s3.amazonaws.com/vanipedia/clip/741102SB-BOMBAY_clip1.mp3</mp3player>
<!-- END AUDIO LINK -->

<!-- BEGIN VANISOURCE LINK (from English page) -->
'''[[Vanisource:741102 - Lecture SB 03.25.02 - Bombay|741102 - Lecture SB 03.25.02 - Bombay]]'''
<!-- END VANISOURCE LINK -->

<!-- BEGIN TRANSLATED TEXT (from DotSub) -->

वेदमा उल्लिखित छ, नित्यो नित्यानां चेतनश्चेतनानाम् एको बहूनां यो विदधाति कामान् (कठोपनिषद २।२।१३) । भगवान्को ऐश्वर्य के हो ? त्यो होः एको बहूनां यो विदधाति कामान् । भगवान् एकवचन हो र नित्यो नित्यानां र नित्यानां भनेको बहुवचन हो । र हामी जीवहरू बहुवचन हौँ । जीवभागः सविज्ञेयः सचानन्त्याय कल्पते । जीवहरूको संख्या कति छ, त्यसको कुनै सीमा छैन । कसैले पनि गणना गर्न सक्दैन । अनन्त । अनन्त भनेको त्यसको सीमा नै छैन,“लाखौँ अथवा हजारौँ ।” तपाईंले गणना गर्न सक्नुहुन्न । त्यसकारण, यी सबै जीवहरू, हामी सबै त्यही एकबाट संरक्षित छौँ । यो वेदले दिएको ज्ञान हो । एको बहूनां यो विदधाति कामान् । जस्तै, हामी आफ्नो परिवारको पालनपोषण गर्दछौँ । एउटा मानिसले कमाउँछ र उसले आफ्नो परिवार, श्रीमती, बालबच्चा, नोकरचाकर, आश्रित जनहरू, कामदार र अन्य अनेक मानिसहरूको पालनपोषण गर्दछ । त्यसैगरी, एउटा भगवान्ले सम्पूर्ण जीवात्माहरूको पालनपोषण गरिरहनुभएको छ । तपाईंलाई थाहा छैन कि जीवात्माहरूको संख्या कति छ । अफ्रिकामा लाखौँ हात्तीहरू पाइन्छन् । र तिनीहरू एकपटकमा ४० के.जी. घाँस खान्छन् । अर्थात् तिनीहरूको पनि पालनपोषण भइरहेको छ । र सानो कमिलाको पालनपोषण भइरहेको छ । संसारमा ८४ लाख प्रकारका शरीरहरू पाइन्छन् । तिनीहरूलाई कसले पालनपोषण गरिरहेको छ ? भगवान् अर्थात् एकः उहाँले गरिरहनुभएको छ । एको बहूनां यो विदधाति कामान् । यो सत्य हो । त्यसोभए, उहाँले हाम्रो पालनपोषण किन गर्नुहुनेछैन र ? विशेषगरी जो भक्त छन्, जसले भगवान्को चरणकमलको आश्रय लिएका छन्, केवल भगवान्को सेवाको लागि अन्य सम्पूर्ण वस्तुहरू छोडेर उहाँको आश्रय लिएका छन् । ठीक हाम्रो कृष्णभावनामृत अभियानजस्तै । हामीले १०० भन्दा धेरै हरे कृष्ण केन्द्रहरू खोलेका छौँ । र एउटा केन्द्र... हामीले भर्खरै नवभारत टाइम्सबाट एउटा लेख पढिरहेका थियौँ । त्यो लेखमा ती केन्द्रहरू कसरी राम्रोसँग सञ्चालन भइरहेका छन् भन्ने बारेमा लेखिएको थियो । तर हामीले कुनै व्यापार–व्यवसाय गरेका छैनौँ । हाम्रो कुनै पनि आम्दानीको स्रोत छैन । हाम्रो एउटै मात्र आम्दानीको स्रोत छ — त्यो हो कृष्णको आश्रय । समाश्रिता ये पदपल्लवप्लवम् । त्यसकारण, शास्त्रले भन्दछ कि “तिमीले कृष्णको शरण लिऊ ।” कृष्ण स्वयं पनि त्यही सत्य बताउनका लागि आउनुहुन्छ । सर्वधर्मान् परित्यज्य मामेकं शरणं ब्रज । (भगवद्गीता १८।६६) उहाँले कहिल्यै पनि भन्नुभएन कि “तिमी यो गर र तिमी त्यो गर । त्यसपछि, म तिम्रो पालनपोषण गर्नेछु ।” होइन । अहं त्वां सर्वपापेभ्यो मोक्ष्ययिष्यामिः “म तिम्रो पालनपोषण गर्ने मात्र होइन, साथसाथै, म तिमीलाई पापकर्महरूको कर्मफलबाट पनि मुक्त गरिदिनेछु ।” यहाँ कृष्णले यति धेरै आश्वासन दिनुभएको छ । त्यसकारण, शास्त्रले यो पनि भन्दछ, तस्यैव हेतोः प्रयतेत को विदो न लभ्यते यद् भ्रमतां उपर्युधः (श्रीमद्भागवत १।५।१८) तस्यैव हेतोः प्रयतेत को विदोः । कोविद भनेको बुद्धिमान्, अत्यन्त बुद्धिमान् मानिसलाई जनाउँदछ । उसले केका लागि प्रयास गर्नुपर्दछ ? तस्यैव हेतोः कृष्णको चरणकमलको आश्रय लिनका लागि । मनुष्य जीवनमा हामीले केवल कृष्णको चरणकमलको प्राप्तिका लागि प्रयास गर्नुपर्दछ । हाम्रो एक मात्र उद्देश्य यही हुनुपर्दछ ।

<!-- END TRANSLATED TEXT -->