OR/Prabhupada 1008 - ମୋର ଗୁରୁ ମହାରାଜା ମୋତେ ନିର୍ଦ୍ଦେଶ ଦେଇଛନ୍ତି 'ଯାଅ ଏବଂ ପାଶ୍ଚାତ୍ୟ ଦେଶରେ ଏହି ଧର୍ମ ପ୍ରଚାର କର'

ପୂର୍ବ ପୃଷ୍ଠା - ବିଡିଓ 1007

ପର ପୃଷ୍ଠା - ବିଡିଓ 1009

Original Vaniquotes page in English

---

Load video

YouTube

YouTube might collect personal data. Privacy Policy

ContinueDismiss

750713 - Conversation B - Philadelphia

ମୋର ଗୁରୁ ମହାରାଜା ମୋତେ ନିର୍ଦ୍ଦେଶ ଦେଇଛନ୍ତି 'ଯାଅ ଏବଂ ପାଶ୍ଚାତ୍ୟ ଦେଶମାନଙ୍କରେ ଏହି ଧର୍ମ ପ୍ରଚାର କର'

ସାଣ୍ଡି ନିକ୍ସନ୍: ଆପଣ ନକାରାତ୍ମକତାକୁ କିପରି ମୁକାବିଲା କରିବେ? ବାହ୍ୟ ଜଗତରେ... ଭକ୍ତମାନେ ପ୍ରତିଦିନ ନକାରାତ୍ମକତାର ସମ୍ମୁଖୀନ ହୁଅନ୍ତି, ଯେଉଁମାନେ ଆଗ୍ରହୀ ନୁହଁନ୍ତି । କିପରି, କେବଳ ବାହ୍ୟ ଜଗତରେ ନୁହେଁ, କିନ୍ତୁ ଏହା ଜଣେ କିପରି ନିଜ ଭିତରେ ମୁକାବିଲା କରିବ? ଜଣେ କିପରି ସେହି ନକାରାତ୍ମକତାରୁ ମୁକ୍ତି ପାଇବ?

ପ୍ରଭୁପାଦ: ନକାରାତ୍ମକତା ଅର୍ଥ... ଠିକ୍ ଯେପରି ଆମେ କହିଥାଉ, କୌଣସି ଅବଧ୍ୟ ଯୌନ ସମ୍ପର୍କ ନାହିଁ । ଆମେ କହୁ, ଆମେ ଆମର ଛାତ୍ରମାନଙ୍କୁ ଶିକ୍ଷା ଦେଉଛୁ, କୌଣସି ଅବଧ୍ୟ ଯୌନ ସମ୍ପର୍କ ନାହିଁ । ଆପଣ ଏହା ନକାରାତ୍ମକ ବୋଲି ଭାବୁଛନ୍ତି କି? (ଅଲଗା :) ସେ କ’ଣ କହନ୍ତି ...?

ଜୟତୀର୍ଥ: ପରିସ୍ଥିତି ହେଉଛି ଅନ୍ୟ ଲୋକମାନେ ଭାବନ୍ତି ଯେ ଏହା ନକାରାତ୍ମକ, ଏବଂ ତେଣୁ ସେମାନେ ଆମ ପ୍ରତି ନକାରାତ୍ମକ ଅନୁଭବ କରନ୍ତି । ତେବେ ସେ ଏହା ଉପରେ କିପରି ପ୍ରତିକ୍ରିୟା କରିବା ଉଚିତ୍ ବୋଲି ସେ କହୁଛନ୍ତି।

ସାଣ୍ଡି ନିକ୍ସନ୍: ଆଚ୍ଛା, ତୁମେ କିପରି ..., ତୁମେ ନିଜ ଭିତରେ ଏହାକୁ କିପରି ମୁକାବିଲା କରିବ, ତୁମେ ଜାଣ?

ରବୀନ୍ଦ୍ର-ସ୍ଵରୂପ: ତୁମେ କ'ଣ କହିବାକୁ ଚାହୁଁଛ, ନିଜ ଭିତରେ ନକାରାତ୍ମକତା?

ସାଣ୍ଡି ନିକ୍ସନ୍: ନା, ନା, କେବଳ ସମାଲୋଚନା ନୁହେଁ, କିନ୍ତୁ... ଯଦି ତୁମେ ବହୁତ ଲୋକଙ୍କୁ ପାଇବ ଯିଏ ସବୁବେଳେ ତୁମ ବିରୁଦ୍ଧରେ କାମ କରୁଛନ୍ତି... ଏଠାରେ ଆପଣ ଲୋକମାନଙ୍କ ଦ୍ୱାରା ଘେରି ରହିଛନ୍ତି ଯାହା ସକରାତ୍ମକ ଏବଂ ଏହା ଦୃଢ଼ କରୁଛି । କିନ୍ତୁ ଯେତେବେଳେ ତୁମେ ନିଜକୁ ବାହ୍ୟ ଦୁନିଆରେ ଏପରି ସ୍ଥିତିରେ ପହଞ୍ଚିବ ଯେଉଁଠାରେ କିଛି ଲୋକ ଅଛନ୍ତି ଯେଉଁମାନେ ତୁମକୁ ଚିପୁଡ଼ି ଦେଉଛନ୍ତି, ଏବଂ ତୁମର ଶକ୍ତି ନେଇଯାଉଛନ୍ତି, ତୁମେ ସେହି ଶକ୍ତି କିପରି ପୂର୍ଣ୍ଣ କରିବ? ତୁମେ କେମିତି...

ରବୀନ୍ଦ୍ର-ସ୍ଵରୂପ: ଆମ ବିରୁଦ୍ଧରେ ଏତେ ସଂଖ୍ୟକ ଲୋକ ଥିଲେ ଆମେ କିପରି ସ୍ଥିର ରହିବୁ?

ପ୍ରଭୁପାଦ: ହୁ?

ରବୀନ୍ଦ୍ର-ସ୍ଵରୂପ: ସେ ଜାଣିବାକୁ ଚାହାଁନ୍ତି ଯେ ଯେତେବେଳେ ଆମ ବିରୁଦ୍ଧରେ ବହୁତ ଲୋକ ଅଛନ୍ତି ଆମେ କିପରି ସ୍ଥିର ରହିଥାଉ ।

ପ୍ରଭୁପାଦ: ତେବେ ତୁମ ବିରୁଦ୍ଧରେ କେହି ନାହାଁନ୍ତି? ତୁମେ ଭାବୁଛ କି ତୁମ ବିରୁଦ୍ଧରେ କେହି ନାହାଁନ୍ତି? ମୁଁ ତୁମକୁ ପଚାରୁଛି

ସାଣ୍ଡି ନିକ୍ସନ୍: ମୁଁ ଭାବୁଛି କେହି ମୋ ବିରୁଦ୍ଧରେ ନାହାଁନ୍ତି? ଓହ, ନିଶ୍ଚିତ, ମୋ ପାଇଁ, ମୋ ବିରୁଦ୍ଧରେ କିଛି ଲୋକ ଅଛନ୍ତି, ଯେଉଁମାନେ ମୋ ବିଷୟରେ ଚିନ୍ତା କରନ୍ତି ନାହିଁ ।

ପ୍ରଭୁପାଦ: ତେଣୁ ବିପକ୍ଷରେ ଏବଂ ସପକ୍ଷରେ ଅଛନ୍ତି । ଆପଣ କାହିଁକି ବିପକ୍ଷ ପ୍ରତି ବ୍ୟସ୍ତ? ଯେପରି ଆମ ବିରୁଦ୍ଧରେ କିଛି ଲୋକ ଅଛନ୍ତି, ଆମ ପାଇଁ ଅନେକ ଲୋକ ଅଛନ୍ତି । ତେଣୁ ପ୍ରତ୍ୟେକ କାର୍ଯ୍ୟକଳାପରେ ତାହା ହେଉଛି ସ୍ଥିତି । ତେବେ ଯଦି କେହି ଆମ ବିରୁଦ୍ଧରେ ଅଛନ୍ତି, ତେବେ ଆମେ କାହିଁକି ଏହା ବିଷୟରେ ଚିନ୍ତା କରିବା? ଚାଲନ୍ତୁ ଆମର ସକରାତ୍ମକ କାର୍ଯ୍ୟ ସହିତ ଚାଲିବା ।

ସାଣ୍ଡି ନିକ୍ସନ୍: ଉଦାହରଣ ସ୍ୱରୂପ, ଯଦି ଦିନ ଗଲା ଏବଂ ଭକ୍ତ କେବଳ ତାଙ୍କ ବିପକ୍ଷରେ ଥିବା ଲୋକମାନଙ୍କ ସହିତ ସାକ୍ଷାତ କରନ୍ତି, ସେ ଖରାପ ସମ୍ପର୍କରେ ଆସନ୍ତି, ଏବଂ ସେ ନିଷ୍କାସିତ ଅନୁଭବ କରନ୍ତି । ସେ କିପରି ...?

ପ୍ରଭୁପାଦ: ଆମର ଭକ୍ତ ଏତେ ଅସ୍ଥିର ନୁହଁନ୍ତି । (ହସି) ସେମାନେ ଆମ ବିରୁଦ୍ଧରେ ଥିବା ବ୍ୟକ୍ତିଙ୍କ ନିକଟକୁ ଯାଇ ତାଙ୍କୁ ଏକ ବହି କିଣିବାକୁ ପ୍ରବର୍ତ୍ତାନ୍ତି । ଆମେ ପ୍ରତିଦିନ ବହି ବିକ୍ରି କରୁଛୁ, ବହୁତ ପରିମାଣରେ । ତେଣୁ ଆମ ବିରୁଦ୍ଧରେ, କୌଣସି ପ୍ରଶ୍ନ ନାହିଁ। ଯିଏ ଆମ ବିପକ୍ଷରେ ଅଛନ୍ତି, ତାଙ୍କୁ ଗୋଟିଏ ବହି କିଣିବାକୁ ପ୍ରବର୍ତ୍ତିତ କରାଯାଉଛି । ତେବେ ସେ କିପରି ଆମ ବିରୁଦ୍ଧରେ ଅଛନ୍ତି? ସେ ଆମର ପୁସ୍ତକ କିଣୁଛନ୍ତି । (ଅଲଗା :) ଦୈନିକ ବିକ୍ରୟ ପରିମାଣ, ଆମର ବହିଗୁଡ଼ିକ କେତେ?

ଜୟତୀର୍ଥ: ଆମେ ଦିନକୁ ପ୍ରାୟ ପଚିଶ ହଜାର ବହି ଏବଂ ପତ୍ରିକା ବିକ୍ରି କରୁ ।

ପ୍ରଭୁପାଦ: ମୂଲ୍ୟ କ'ଣ?

ଜୟତୀର୍ଥ: ସଂଗ୍ରହ ବୋଧହୁଏ ଦିନକୁ ପ୍ରାୟ ପଇଁତିରିଶରୁ ଚାଳିଶ ହଜାର ଡଲାର ହେବ ।

ପ୍ରଭୁପାଦ: ବହି ବିକ୍ରି କରି ଆମେ ଦିନକୁ ଚାଳିଶ ହଜାର ଡଲାର ସଂଗ୍ରହ କରୁଛୁ । ମୁଁ କିପରି କହିପାରେ ଯେ ସେମାନେ ଆମ ବିରୁଦ୍ଧରେ ଅଛନ୍ତି?

ସାଣ୍ଡି ନିକ୍ସନ୍: ଆପଣ ବହୁତ ସକାରାତ୍ମକ । ମୋତେ ତାହା ଭଲଲଗେ।

ପ୍ରଭୁପାଦ: ଅନ୍ୟ କୌଣସି ଅନୁଷ୍ଠାନ କେଉଁଠାରେ ଦିନକୁ ଚାଳିଶ ହଜାର ଡଲାର ବିକ୍ରି କରିପାରିବ? ତେବେ ତୁମେ କିପରି କହିବ ଯେ ସେମାନେ ଆମ ବିରୁଦ୍ଧରେ ଅଛନ୍ତି?

ସାଣ୍ଡି ନିକ୍ସନ୍: ମୋର ଶେଷ ପ୍ରଶ୍ନ । ଆପଣ ମୋତେ ହରେ କୃଷ୍ଣ ମନ୍ତ୍ର ବିଷୟରେ କହିପାରିବେ କି, କାରଣ ଏହା କୃଷ୍ଣ ଭାବାନାମୃତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ, ଏବଂ ମୁଁ ଆପଣଙ୍କ ଶବ୍ଦରେ ଜାଣିବାକୁ ଚାହେଁ...

ପ୍ରଭୁପାଦ: ଏହା ବହୁତ ସରଳ । ହରେ ଅର୍ଥ ହେଉଛି "ହେ ପ୍ରଭୁଙ୍କର ଶକ୍ତି," ଏବଂ କୃଷ୍ଣର ଅର୍ଥ ହେଉଛି "ହେ ପ୍ରଭୁ" । "ତୁମେ ଦୁହେଁ ଦୟାକରି ମୋତେ ତୁମର ସେବାରେ ନିୟୋଜିତ କର।" ଖାଲି ଏତିକି। "ତୁମେ ଦୁହେଁ, କୃଷ୍ଣ ଏବଂ ତାଙ୍କର ଶକ୍ତି..." ଠିକ୍ ଏଠାରେ ଯେପରି ଆମେ ପୁରୁଷ ଏବଂ ମହିଳା ବିଷୟରେ ଧାରଣା ପାଇଛୁ, ସମାନ ଭାବରେ, ମୂଳତଃ, ଭଗବାନ ଏବଂ ତାଙ୍କର ଶକ୍ତି, ଭଗବାନ ପୁରୁଷ ଏବଂ ଶକ୍ତି ନାରୀ, ପ୍ରକୃତି ଏବଂ ପୁରୁଷ । ପୁରୁଷ ଏବଂ ମହିଳାଙ୍କ ଏହି ଧାରଣା, କେଉଁଠାରୁ ଆସେ? ଭଗବାନ ଏତେ ସଂଖ୍ୟକ ପୁରୁଷ ଏବଂ ମହିଳା ଉତ୍ପାଦନ କରୁଛନ୍ତି । ତେବେ ପୁରୁଷ ଏବଂ ମହିଳା ଧାରଣା, ଏହା କେଉଁଠାରୁ ଆସେ? ଏହା ଭଗବାନଙ୍କଠାରୁ ଆସିଛି । ସେ ପ୍ରତ୍ୟେକ ଜିନିଷର ଉତ୍ପତ୍ତି । ତେଣୁ ନାରୀ, କିମ୍ବା ପ୍ରକୃତି, କିମ୍ବା ଭଗବାନଙ୍କ ଶକ୍ତି, ଏବଂ ଭଗବାନ ନିଜେ... ତାଙ୍କୁ ପୁରୁଷ କୁହାଯାଏ । ତେଣୁ ଆମେ ଉଭୟ ଭଗବାନ ଏବଂ ତାଙ୍କ ଶକ୍ତିକୁ ନିବେଦନ କରୁଛୁ, ଏକତ୍ର ହୋଇ ଆମକୁ ସେମାନଙ୍କ ସେବାରେ ନିୟୋଜିତ କରାନ୍ତୁ । ଏହା ହେଉଛି ହରେ କୃଷ୍ଣ । ଓ ହରେ ଅର୍ଥ ହେଉଛି "ହେ ଭଗବାନଙ୍କ ଶକ୍ତି," ହେ କୃଷ୍ଣ, "ହେ ପ୍ରଭୁ, ତୁମେ ଦୁହେଁ ମୋର ଯତ୍ନ ନିଅ ଏବଂ ମୋତେ ତୁମର ସେବାରେ ନିୟୋଜିତ କର। " ଖାଲି ଏତିକି । ହେଉଛି ଏହାର ଅର୍ଥ ।

ସାଣ୍ଡି ନିକ୍ସନ୍: ଠିକ ଅଛି, ଧନ୍ୟବାଦ । ଏବଂ ମୁଁ ମଝିରେ କିଛି ହରାଇଲି, ମୁଁ ଅନୁମାନ କରୁଛି ।

ପ୍ରଭୁପାଦ: ଧନ୍ୟବାଦ ।

ସାଣ୍ଡି ନିକ୍ସନ୍: ଯେତେବେଳେ ମୁଁ ଘରକୁ ଗଲି, ସେଠାରେ ଏମାନେ ... ପୃଥିବୀରୁ ବାହାରି ଆସିଲା, ଏବଂ ସେମାନଙ୍କୁ ଦେଖିବା ବହୁତ ସୁନ୍ଦର ।

ପ୍ରଭୁପାଦ: ତେବେ ତୁମର ପ୍ରଶ୍ନର ମଧ୍ୟ ଉତ୍ତର ଦିଆଯାଇଛି?

ଆନ୍ ଜ୍ୟାକ୍ସନ୍: ମୁଁ ଆପଣଙ୍କୁ କିଛି ପ୍ରଶ୍ନ ପଚାରିବି କି? ଦୟାକରି ମୋତେ ଆପଣଙ୍କ ଜୀବନ ବିଷୟରେ ଟିକିଏ କହିବେ କି, ଏବଂ ଆପଣ କିପରି ଜାଣିଲେ ଯେ ଆପଣ କୃଷ୍ଣ ଭାବାନାମୃତ ଆନ୍ଦୋଳନ ପାଇଁ ଆଧ୍ୟାତ୍ମିକ ଗୁରୁ ଅଟନ୍ତି?

ପ୍ରଭୁପାଦ: ମୋ ଜୀବନ ସରଳ । ମୁଁ ଜଣେ ଗୃହସ୍ଥ ଥିଲି । ତଥାପି ମୋର ପତ୍ନୀ, ମୋ ପିଲାମାନେ, ନାତି ଅଛନ୍ତି । ମୋର ଗୁରୁ ମହାରାଜ ମୋତେ ଆଦେଶ ଦେଲେ ଯେ, “ପଶ୍ଚିମ ଦେଶରେ ଏହି ସଂସ୍କୃତିର ପ୍ରଚାର କର । ତେଣୁ ମୁଁ ମୋର ଗୁରୁ ମହାରଜାଙ୍କ ଆଦେଶରେ ସବୁକିଛି ଛାଡିଦେଲି, ଏବଂ ମୁଁ ଆଦେଶ ପାଳନ କରିବାକୁ ଚେଷ୍ଟା କରୁଛି । ଖାଲି ଏତିକି।

ଆନ୍ ଜ୍ୟାକ୍ସନ୍: ଏବଂ ଏହି ଛବି ଏଠାରେ ତାଙ୍କର ଅଟେ କି?

ପ୍ରଭୁପାଦ: ହଁ, ସେ ମୋର ଗୁରୁ ମହାରାଜ ।

ଆନ୍ ଜ୍ୟାକ୍ସନ୍: ଏବଂ ସେ ଆଉ ଜୀବିତ ନୁହଁନ୍ତି ।

ପ୍ରଭୁପାଦ: ନା। ଆନ୍ ଜ୍ୟାକ୍ସନ୍: ସେ ଆପଣଙ୍କ ସହିତ ଆଧ୍ୟାତ୍ମିକ କଥା ହୋଇଥିଲେ?

ପ୍ରଭୁପାଦ: ତେଣୁ ଏହା ମୋର (ନିର୍ଦ୍ଦିଷ୍ଟ) । ଖାଲି ଏତିକି।

ଆନ୍ ଜ୍ୟାକ୍ସନ୍: କେଉଁ ସମୟରେ ସେ ଆପଣଙ୍କୁ ଏହା କରିବାକୁ କହିଥିଲେ? ଆପଣଙ୍କ ଜୀବନରେ ବହୁତ ବିଳମ୍ବ ହୋଇଗଲା ଯେ ଆପଣ...?

ପ୍ରଭୁପାଦ: ହଁ । ଯେତେବେଳେ ମୋତେ ପଚିଶ ବର୍ଷ ହୋଇଥିଲା ମୁଁ ପ୍ରଥମେ ତାଙ୍କୁ ଭେଟିଥିଲି । ପ୍ରଥମ ମିଳନରେ ସେ ମୋତେ ଏହା କରିବାକୁ ନିର୍ଦ୍ଦେଶ ଦେଇଥିଲେ। ତେଣୁ ସେହି ସମୟରେ ମୁଁ ବିବାହିତ ଥିଲି । ମୋର ଦୁଇଟି ସନ୍ତାନ ଥିଲେ। ତେଣୁ ମୁଁ ଭାବିଲି, "ମୁଁ ପରେ ଏହା କରିବି ।" କିନ୍ତୁ ମୁଁ ପାରିବାରିକ ଜୀବନରୁ ବାହାରକୁ ଯିବାକୁ ଚେଷ୍ଟା କରୁଥିଲି । ଏହା କିଛି ସମୟ ନେଇଥିଲା । କିନ୍ତୁ ମୁଁ ଯଥା ସମ୍ଭବ ତାଙ୍କ ଆଦେଶ ପାଳନ କରିବାକୁ ଚେଷ୍ଟା କଲି। ୧୯୪୪ ମସିହାରେ ମୁଁ, ବ୍ୟାକ୍ ଟୁ ଗଡହେଡ୍ ପତ୍ରିକା ଆରମ୍ଭ କଲି, ଯେତେବେଳେ ମୁଁ ଗୃହସ୍ଥ ଥିଲି । ତା’ପରେ ମୁଁ ୧୯୫୮ କିମ୍ବା '୫୯ ରେ ପୁସ୍ତକ ଲେଖିବା ଆରମ୍ଭ କଲି । ଏହି ଉପାୟରେ, ୧୯୫୫ (୧୯୬୫) ରେ ମୁଁ ତୁମ ଦେଶକୁ ଆସିଥିଲି ।