CRMA/Prabhupada 0010 - Pas imite Kṛṣṇa
Lecture on SB 7.9.9 -- Mayapur, February 16, 1976
Kṛṣṇa... Sa bane 16000 epouses, coument zote fine vine epouses? Ou conne zistoire, ki boucoup zoli, 16000 zoli, Mo le dire, princess ti fine kidnapper par enn demon. Coument sa demon la ti apeler? Bhaumāsura, non? Oui. Alors zote prier Kṛṣṇa "Nou ti pe souffaire, sa demon la fine kidnap nou. Sappe nou." Alors Kṛṣṇa sappe zote, ek demon Bhaumāsura mort ek tou bane tifi zote liberer. Mais apres liberation zote ti pe deboute la bas meme. Kṛṣṇa demande zote, "Aster zote capave alle la caz cote zote papa." zote dire "Nou fine kidnapper, ek nou pas pu capave marrier." Dan L'inde ena enn la loi. Si enn tifi, jeune fille, sorti depis so la caz pu enn zour oubien deux zour, personne pas pu marier avekli. Personne pas pu marier avekli. Zote considere coument pas bon. Sa li encore system indienne. Alors zote ti fi kidnapper pendant boucoup zour ek l'anner, donc zote fine faire enn l'appell avek Kṛṣṇa ki "Personne pas pu accepter nou, meme nou papa, personne pas pu marier avek nou." Ler la Kṛṣṇa comprend ki "Zote position li en danzer. Meme zote fine liberer, zote pas capave alle aucan place." Apres Kṛṣṇa.... Li bein gentil, bhakta-vatsala. Li demande zote, "Be ki ou ouler?" Ler... la zote dire "Accepter nou. Sinon nou pena raison pu nou vive." Kṛṣṇa dire toute suite. "Ok, vini." Sa c'est Kṛṣṇa. Ek pas ki 16000 madame ti dans enn seul la caz. Li fine construire 16000 la chato toute suite. Acoz Li fine accepter zote coument so epouse, alors Li bizin maintenir zote, coument So la reine, "Pas ki zote pena moyen, zote fine vine cote Moi. Mo capave garde zote." Non. Zote ti pli respectable la reine, la reine de Kṛṣṇa. Ek encore Li fine penser ki "Sa 16000 madame...... Si mo reste dans enn seul forme, zote pas pu capave trouve Moi. Zote tou pu bizin attand 16000 zour pou zote trouve zote misier. Non." Li expane Li meme en 16000 Kṛṣṇa. Sa c'est Kṛṣṇa. Bane neirport, zote akize Kṛṣṇa coument enn coureur. Li pas coumme sa. Ou pas meme capave maintenir enn madame, mais Li maintenir 16000 madame dans 16000 chatau ek li fine expande Li en 16000 forme. Zote tou ti satisfait. Sa c'est Kṛṣṇa. Nou bizin comprend Kṛṣṇa ki li eter. Pas imite Kṛṣṇa. Premier esseye comprend Kṛṣṇa.