KA/Prabhupada 0012 - ცოდნის წყარო სმენაა
Lecture on BG 16.7 -- Hawaii, February 3, 1975
თითოეული ჩვენგანი, ჩვენ ყველა არასრულყოფილები ვართ. ჩვენ ძალიან ვამაყობთ ჩვენი თვალებით: „შეგიძლია მაჩვენო?“ რა კვალიფიკაცია აქვს თქვენს თვალებს, რომ დანახვა შეძლოთ? კი არ იფიქრებს, რომ „მე არ მაქვს კვალიფიკაცია; მაგრამ მაინც მინდა დანახვა.“ ეს თვალები, ო, ისინი იმდენ პირობაზე არიან დამოკიდებულნი. ახლა ელექტროენერგიაა, თქვენ დანახვა შიგიძლიათ. როგორც კი შუქს გამორთავენ, ვეღარ ხედავთ. მაშ, რა ფასი აქვს თქვენს თვალებს? თქვენ ვერ ხედავთ, რა ხდება ამ კედლის მიღმა. ამიტომ, ნუ დაუჯერებთ თქვენს ეგრეთწოდებულ გრძნობებს, როგორც ცოდნის წყაროს. არა. ცოდნის წყარო მოსმენაში უნდა იყოს. ამას ქვია შრუტი. შესაბამისად, ვედას შრუტი ქვია. შრუტი-პრამაანა, შრუტი-პრამაანა. როგორც ბავშვს ან ბიჭს უნდა იცოდეს, ვინ არის მამამისი. მაშ, რა არის დამამტკიცებელი საბუთი? ეს საბუთი სრუტია, დედისგან მოსმენა. დედა ამბობს, „ის არის შენი მამა.“ ასე, რომ გაიგებს; ის ვერ ხედავს, როგორ გახდა ის მისი მამა. რადგან მამამისი არსებობდა მის სხეულის შექმნამდე, როგორ დაინახავდა? ასე, რომ შეხედვით ვერ დაასკვნი, ვინ არის შენი მამა. ავტორიტეტისგან უნდა მოისმინო. დედა ავტორიტეტია. ამიტომ, შრუტი-პრამაანა: დამამტკიცებელი საბუთი მოსმენაა, და არა დანახვა. დანახვა... ჩვენი არასრულყოფილი თვალები... იმდენი დაბრკოლებაა. მსგავსად, პირდაპირი გაგებით, ჭეშმარიტებას ვერ მიიღებ.
პირდაპირი გაგება სპეკულაციაა. ბატონი ბაყაყი. ბატონი ბაყაყი სპეკულირებს, თუ რას წარმოადგენს ატლანტიკური ოკეანე. ის ჭაშია, სამი ფუტი სიღრმის ჭაში, და ვიღაც მეგობარმა შეატყობინა, „ოჰ, მე უზარმაზარი წყალი დავინახე.“ „რა არის ეს უზარმაზარი წყალი?“ „ატლანტიკური ოკეანე.“ „რამხელაა?“ „ძალიან, ძალიან დიდ.“ ამრიგად, ბატონი ბაყაყი ფიქრობს, „შეიძლება ოთხი ფუტი. ეს ჭა სამი ფუტია. ის ოთხი ფუტი იქნება. კარგი, ხუთი ფუტი. კარგი, ათი ფუტი.“ ამრიგად, სპეკულირებს, როგორ გაიგებს ბაყაყი, ბატონი ბაყაყი, როგორია ატლანტიკური ოკეანე ან წყნარი ოკეანე? შეძლებთ ატლანტიკური, წყნარი ოკეანეს სიგრძეს და სიგანეს შეფასება, ვარაუდით? ვარაუდით, ვერ შეძლებთ. ამდენი წელია ვარაუდობენ ამ სამყაროს შესახებ, რამდენი ვარსკვლავი არსებობს, რა სიგრძე-სიგანე აქვს, სად არის... არავინ იცის რაიმე ამ მატერიალური სამყაროს შესახებაც კი, რაღა ვილაპარაკოთ სულიერ სამყაროზე? ეს აღემატება, ძალიან აღემატება.
პარას ტასმაატ ტუ ბჰაავო 'ნიო 'ვიაკტაატ სანაატანაჰა (ბგ 8.20). ბჰაგავად-გიტაში იპოვით. არსებობს სხვა ბუნება. ეს ბუნება, რომელსაც ხედავთ, ცა, მრგვალი გუმბათი, მის მიღმა, კვლავ ხუთი ელემენტის შრეებია. ეს საფარია. ქოქოსი როგორც გინახავთ. არსებობს მყარი საფარი, და ამ საფარს შიგნით წყალია. მსგავსად, ამ საფარს შიგნით... და საფარს გარეთ ხუთი შრეა, ერთმანეთზე ათასჯერ დიდი. წყლის შრე, ჰაერის შრე, ცეცხლის შრე. თქვენ ყველა ამ შრის გარღვევა მოგიწევთ. შემდეგ მიაღწევთ სულიერ სამყაროს. ყველა ეს სამყარო, ურიცხვი რაოდენობის, კოტი. იასია პრაგჰაა პრაბჰავატო ჯაგად-ანდა-კოტი (ბს 5.40) ჯაგად-ანდა ნიშნავს სამყაროს. კოტი ნიშნავს ერთად დაჯგუფებულ ათობით მილიონს, ეს არის მატერიალური სამყარო. და ამ მატერიალური სამყაროს მიღმა სულიერი სამყაროა, მეორე ზეცა. ესეც ცაა. მას პარავიომა ეწოდება. ამრიგად, თქვენი შეგრძნებითი გაგებით ვერ შეაფასებთ რა არის მთვარის პლანეტაზე ან მზის პლანეტაზე, ამ პლანეტაზე, ამ სამყაროში. როგორ შეძლებთ სულიერი სამყაროს გაგებას ვარაუდის მეშვეობით? ეს სიბრიყვეა.
ამიტომ, შასტრა გვეუბნება, აჩინტიააჰ კჰალუ იე ბჰაავაა ნა ტაამს ტარკენა იოჯაიეტ. აჩინტია, რაც შეუცნობადია, თქვენს შეგრძნებებს მიღმაა, ნუ ეცდებით იკამათოთ და ასე გაიგოთ და ივარაუდოთ. ეს სიბრიყვეა. ეს შეუძლებელია. ამიტომ გურუს უნდა მივმართოთ. ტად-ვიჯნაანაარტჰამ სა გურუმ ევააბჰიგაჩჰეტ, სამიტ-პაანიჰ შროტრიიამ ბრაჰმა-ნიშტჰამ (მუ 1.2.12). ასეთია პროცესი.