MK/Prabhupada 0129 - Зависете од Кришна - ништо нема да ви недостига
Lecture on SB 7.6.1 -- Vrndavana, December 2, 1975
Кришна вели: man-mana bhava mad-bhakto mad-yaji mam namaskuru (BG 9.34). Ова го проповедаме. Во овој храм сите ги покануваме: "Еве го Кришна. Секогаш мисли на Кришна. Пеј Харе Кришна." Потоа ќе мора да мислиш. "Харе Кришна, харе Кришна," значи мислиш на Кришна. Само што ќе го слушнеш името на Кришна, man-manā. А кој ќе го прави тоа? Mad-bhakta. Сè додека не станеш посветеник на Кришна, си го трошиш времето: "Кришна, Харе Кришна, Харе Кришна." Тоа значи дека едноставно со пеењето на Харе Кришна мантрата стануваш посветеник на Кришна. Man-manā bhava mad-bhakto mad-yājī. Значи, ова обожување на Кришна... Цел ден си зафатен со Кришнината мангала арати, со пеење за Кришна, со готвење за Кришна, со делење на Кришниниот прасадам, толку многу начини. Нашите посветеници низ целиот свет - имаме 102 центри - тие се едноставно зафатени со свесноста за Кришна. Тоа е нашата пропаганда, секогаш, немаме друго занимање. Немаме никаков бизнис а трошиме барем два и пол милиони рупии, два и пол милиони рупии секој месец, а Кришна снабдува. Tesam nityābhiyuktānām yoga-kṣemam vahāmy aham (BG 9.22). Ако останеш свесен за Кришна, потполно зависен од Кришна, тогаш нема да ти недостига ништо. Го започнав ова движење со четириесет рупии. Сега имаме четиристотини милиони рупии. Има ли бизнисмен во светот кој во рок од десет години може од четириесет рупии да направи четиристотини милиони? Нема таков пример. И десет илјади луѓе да јадат прасадам секој ден. Тоа е свесноста за Кришна. Yoga-ksemam vahāmy aham (BG 9.22). Штом станеш свесен за Кришна, едноставно зависиш од Него и работиш искрено, Кришна ќе те снабди со сè. Сè. Тоа практично се покажува. На пример, во Бомбај, сега земјата вреди десет милиони рупии. Кога ја купив, јас имав, отприлика, три или четиристотини илјади. Беше потполна шпекулација, но јас бев уверен дека: "Јас ќе бидам во можност да платам. Кришна ќе ми даде." Немав пари. Тоа е долга историја. Не би сакал сега да навлегувам. Но сега имам практично искуство, само зависи од Кришна и нема ништо да ти недостига. Што и да сакаш, ќе биде исполнето. Teṣāṁ nityābhiyuktānām. Секогаш биди вклучен во свесноста за Кришна. Тогаш сè ќе ти се исполни, секоја желба, ако ја имаш.