View source for NE/Prabhupada 0918 - कृष्णको शत्रु बन्नु त्यति लाभदायक छैन । कृष्णको मित्र बन्नु नै ठीक छ

<!-- BEGIN CATEGORY LIST -->
[[Category:1080 Nepali Pages with Videos]]
[[Category:Nepali Pages - 207 Live Videos]]
[[Category:Prabhupada 0918 - in all Languages]]
[[Category:NE-Quotes - 1973]]
[[Category:NE-Quotes - Lectures, Srimad-Bhagavatam]]
[[Category:NE-Quotes - in USA]]
[[Category:NE-Quotes - in USA, Los Angeles]]
[[Category:Nepali Language]]
<!-- END CATEGORY LIST -->
<!-- BEGIN NAVIGATION BAR -- DO NOT EDIT OR REMOVE -->
{{1080 videos navigation - All Languages|Nepali|NE/Prabhupada 0917 - सारा संसारले इन्द्रियहरूको सेवा गर्दैछन्, उनीहरू इन्द्रियहरूको सेवक भएका छन्|0917|NE/Prabhupada 0919 - कृष्णको कोही शत्रु छैन । कृष्णको कोही मित्र छैन । उहाँ पूर्णतः स्वतन्त्र हुनुहुन्छ|0919}}
<!-- END NAVIGATION BAR -->
<!-- BEGIN ORIGINAL VANIQUOTES PAGE LINK-->
<div class="center">
'''<big>[[Vaniquotes:He (Krsna) sends some devotee in the garb of enemy and Krsna comes here to fight with him. At the same time, to teach us that becoming enemy, enemy of Krsna is not very profitable. Better become friend. That will be profitable|Original Vaniquotes page in English]]</big>'''
</div>
----
<!-- END ORIGINAL VANIQUOTES PAGE LINK-->

<!-- BEGIN VIDEO LINK -->
{{youtube_right|4ej15cUQ1ZU|कृष्णको शत्रु बन्नु त्यति लाभदायक छैन । कृष्णको मित्र बन्नु नै ठीक छ- Prabhupāda 0918}}
<!-- END VIDEO LINK -->

<!-- BEGIN AUDIO LINK (from English page -->
<mp3player>https://s3.amazonaws.com/vanipedia/clip/730421SB-LOS_ANGELES_clip5.mp3</mp3player>
<!-- END AUDIO LINK -->

<!-- BEGIN VANISOURCE LINK (from English page) -->
'''[[Vanisource:730421 - Lecture SB 01.08.29 - Los Angeles|730421 - Lecture SB 01.08.29 - Los Angeles]]'''
<!-- END VANISOURCE LINK -->

<!-- BEGIN TRANSLATED TEXT (from DotSub) -->

अतः यहाँ भनिएको छ : न वेद कश्चिद् भगवन् चिकीर्षितम् (श्रीमद्भागवत १।८।२९) । “कोही पनि हजुरको अवतार तथा तिरोधानको उद्देश्यलाई जान्दैन । कोही पनि जान्दैन ।” अतः तव ईहमानस्य नृणाम् विडम्बनम् (श्रीमद्भागवत १।८।२९) । यो भ्रमित पार्ने किसिमको छ । कोही पनि जान्दैन कि उहाँको वास्तविक प्रयोजन के हो । वास्तविक प्रयोजन हो : उहाँको स्वतन्त्र इच्छा । “म त्यहाँ जानेछु र हेर्नेछु ।” असुरहरुको विनाश गर्नका लागि कृष्णलाई यहाँ आइरहनुपर्ने आवश्यकता छैन । उहाँका अनेकौँ प्रतिनिधिहरु छन्, जस्तै, यदि शक्तिशाली वायु बहन्छ भने हजारौँ असुरहरुलाई एकै क्षणमा विनाश गर्न सकिन्छ । अतः असुरहरुको विनाश गर्नका लागि कृष्णलाई यहाँ आइरहनुपर्ने आवश्यकता छैन । र भक्तहरुलाई सुरक्षा दिनका लागि पनि उहाँ यहाँ आइरहनुपर्ने आवश्यकता छैन । केवल आफ्नो इच्छाद्वारा कृष्णले सबै कुरा गर्न सक्नुहुन्छ । तर कृष्णले लीलाको आनन्द लिनुहुन्छ, “म जानेछु र हेर्नेछु ।” कहिलेकाहीँ कृष्ण युद्ध गर्न चाहनुहुन्छ । किनभने कृष्णसँग पनि युद्ध गर्ने प्रवृत्ति छ । नत्र, हामीसँग यस्तो प्रवृत्ति कसरी आउँदथ्यो ? किनभने हामी कृष्णका अंशहरु हौँ । त्यसकारण, कृष्णका सम्पूर्ण गुणहरु सूक्ष्म रुपमा हामीभित्र पनि विद्यमान छन् । हामी पनि कृष्णकै नमुना हौँ तर हामीले युद्ध गर्ने प्रवृत्ति कहाँबाट प्राप्त गरेका हौँ ? कृष्णसँग युद्ध गर्ने प्रवृत्ति छ । उदाहरणार्थ, कहिलेकाहीँ ठूलाठूला मानिसहरु अथवा राजाहरुले युद्ध गर्नका लागि केही पहलमानहरुलाई नियुक्त गर्दछन् । तिनीहरुले ती पहलमानहरुलाई राजासँग युद्ध गराउनका लागि तलब दिन्छन् । तर ऊ राजाको शत्रु भने हुँदैन । उसले नक्कली युद्ध गरेर राजालाई आनन्द प्रदान गर्दछ । त्यसैगरी, जब कृष्ण युद्ध गर्न चाहनुहुन्छ तब उहाँसँग कसले युद्ध गर्छ ? कृष्णका केही महान् भक्तहरु नै कृष्णसँग युद्ध गर्दछन् । साधारण मानिसहरु सक्दैनन् । एउटा राजाजस्तै, यदि राजाले नक्कली युद्ध गर्न चाहन्छ भने, केही अत्यन्त दक्ष योद्धाहरु अर्थात् पहलमानहरुलाई नियुक्त गरिन्छ । त्यो पनि एउटा सेवा हो । त्यसैगरी, कृष्ण पनि युद्ध गर्न चाहनुहुुन्छ, त्यसकारण, कृष्णका केही भक्तहरु यो संसारमा आएर कृष्णको शत्रु बन्दछन् । ठीक जय र बिजयजस्तै । यिनीहरु हिरण्याक्ष र हिरण्यकशिपु बने । के तिमी ठान्दछौ कि ती साधारण जीवात्माहरु हुन् ? यदि हिरण्यकशिपुलाई मार्नका लागि नृसिंहदेव स्वयं आउनुप¥यो भने, तिमी तिनीहरुलाई अझै साधारण मानिस ठान्दछौ । अहँ, तिनीहरु साधारण मानिसहरु होइनन् । तिनीहरु कृष्णकै भक्तहरु हुन् । तर कृष्णले युद्ध गर्ने चाहना गर्नुभयो । वैकुण्ठ जगतमा भगवानसँग युद्ध गर्नु सम्भव हुँदैन किनभने त्यहाँ सर्वत्र, त्यहाँ सबैजना कृष्णको सेवामा संलग्न रहन्छन् । अब त्यहाँ कृष्ण कोसँग युद्ध गर्नुहुन्छ ? (हाँसो चल्छ) त्यसकारण, कृष्णले आफ्ना केही भक्तहरुलाई शत्रुको भेषमा संसारमा पठाउनुहुन्छ । अनि कृष्ण स्वयं उसँग युद्ध गर्नका लागि आउनुहुन्छ । साथसाथै, कृष्ण हामीलाई शिक्षा दिनुहुन्छ कि उहाँको शत्रु बन्नु त्यति लाभदायक हुँदैन । बरु कृष्णको मित्र बन्नु लाभदायक छ । त्यो लाभदायक हुनेछ । (हाँसो चल्छ) अतः भनिएको छ कि : न वेद कश्चिद् भगवन् चिकीर्षितम् (श्रीमद्भागवत १।८।२९) । “कोही पनि जान्दैनन् कि हजुरको अवतार तथा तिरोभावको प्रयोजन के हो ।” तव ईहमानस्य नृणां विडम्बन “हजुर यो संसारमा एउटा साधारण मानिसजस्तै बनिदिनुहुन्छ । यो भ्रमित पार्ने किसिमको छ ।” अतः साधारण मानिसहरुले यसलाई विश्वास गर्न सक्दैनन् । “भगवान् कसरी एउटा साधारण मानिसजस्तै बन्न सक्नुहुन्छ.....?”कृष्ण खेलिरहनुभएको छ । हुन त उहाँ कुनै साधारण बालकजस्तै भएर खेलिरहनुभएको थिएन । उहाँले त भगवानको रुपमा खेलिरहनुभएको थियो । जब–जब आवश्यकता पर्दथ्यो तब कृष्णले आफ्नो ऐश्वर्य प्रकट गर्नुहुन्थ्यो । जस्तै, कृष्णले १६,००० ओटी श्रीमतीसँग विवाह गर्नुभयो । जब कृष्णले विवाह गर्नुभयो उहाँ एक्लो हुनुहुन्थ्यो र १६,००० युवतीहरुले कृष्णको शरण लिए : “अब हामी अपहरणमा परिसकेका छौँ । यदि हामी घर फक्र्यौँ भने कसैले पनि हामीसँग विवाह गर्ने छैनन् ।” यो वैदिक प्रणालीको एउटा कठोर नियम हो । यदि कुनै अविवाहिता युवती केवल एक रातका लागि समेत घरबाहिर बसिन् भने उनीसँग कसैले पनि विवाह गर्नेछैन । यो नियम अहिलेसम्म पनि प्रचलित छ । कसैले पनि उसँग विवाह गर्नेछैन । यो प्राचीन नियम हो । यी सम्पूर्ण युवतीहरुलाई भौमासुरले अपहरण गरेको थियो.... तिनीहरुले कृष्णलाई प्रार्थना गरे र त्यसपछि कृष्ण आउनुभयो, भौमासुरको वध गर्नुभयो र ती सम्पूर्ण युवतीहरुको उद्धार गर्नुभयो । त्यसपछि, जब कृष्णले उनीहरुलाई सोध्नुभयो :“अब तिमीहरु सुरक्षित रुपले आ–आफ्ना पिताका घरमा जान सक्छौ” उनीहरुले जवाफ दिए: "प्रभु, यदि हामी आफ्नो पिताको घरमा जान्छौं भने हाम्रो भविष्य के हुनेछ ? कसैले हामीसँग विवाह गर्नेछैनन् | किनकि यो राक्षसले हाम्रो अपहरण गर्यो |" "तब तिमीहरु के चाहन्छौ ?" "हामी चाहन्छौं कि हजुर हाम्रो पति बन्नुहोस् |" कृष्ण धेरै दयालु हुनुहुन्छ | "हुन्छ |" उहाँले तत्काल स्वीकार्नुभयो | ती कृष्ण हुनुहुन्छ | जब उनीहरुलै घर ल्याइयो, यो होइन कि १६,००० पत्नीहरुले कृष्णलाई भेट्न १६,००० रात प्रतिक्षा गर्नुपर्नेछ | (हाँसो चल्छ) कृष्णले आफुलाई १६,००० रुपमा विस्तार गर्नुभयो र १६,००० महल सिर्जना गर्नुभयो र हरेक महलमा राम्रो व्यवस्था...... यसको विवरण...... ती भगवान हुनुहुन्छ | जो धुर्त छन्, तिनीहरुले बुझ्न सक्दैनन् | तिनीहरु कृष्णको नि| उहाँले १६,००० पत्नीहरुसँग विवाह गर्नुभयो | (हाँसो चल्छ) उहाँ कामुक भए पनि उहाँ असिमित रुपमा कामुक हुनुहुन्छ | (हाँसो चल्छ) किनकि उहाँ असिमित हुनुहुन्छ | किन 16,००० ? यदि उहाँले १६ लाख पत्नीसँग विवाह गर्नुहुन्छ भने पनि त्यो पूर्ण हुन्छ | ती कृष्ण हुनुहुन्छ |

<!-- END TRANSLATED TEXT -->