OR/Prabhupada 0535 - ଆମେ ଜୀବ, ଆମେ କେବେ ମରିବୁ ନାହିଁ, କେବେ ଜନ୍ମ ନେଉନାହୁଁ
Janmastami Lord Sri Krsna's Appearance Day Lecture -- London, August 21, 1973
ମାନ୍ୟବର, ଉଚ୍ଚ କମିଶନର; ସାଥୀଗଣ, ଆପଣ ଏଠାକୁ ଆସିବା ଏବଂ ଏହି ସମାରୋହରେ ଅଂଶଗ୍ରହଣ କରିଥିବାରୁ ମୁଁ ଆପଣଙ୍କୁ ବହୁତ ବହୁତ ଧନ୍ୟବାଦ ଜଣାଉଛି | ଜନ୍ମାଷ୍ଟମି, କୃଷ୍ଣଙ୍କର ଆଗମନ | ମୋତେ ଯେଉଁ ବିଷୟରେ କହିବାକୁ ନିର୍ଦ୍ଦେଶ ଦିଆଯାଇଛି ତାହା ହେଉଛି କୃଷ୍ଣଙ୍କର ଆଗମନ | କୃଷ୍ଣ ଭଗବଦ୍-ଗୀତାରେ କହିଛନ୍ତି,
- ଜନ୍ମ କର୍ମ ଚ ମେ ଦିବ୍ୟମେବଂ
- ଯୋ ବେତ୍ତି ତତ୍ତ୍ଵତଃ
- ତ୍ୟକ୍ତ୍ଵା ଦେହଂ ପୁନର୍ଜନ୍ମ
- ନୈତି ମାମେତି ସୋଽର୍ଜୁନ
- (BG 4.9)
ଏହା ସତ୍ୟ, ଯେ ଆମେ ଜୀବନର ଏପରି ଏକ ପର୍ଯ୍ୟାୟ ହାସଲ କରିପାରିବା, ଯେତେବେଳେ ଆମେ ଆମର ଜନ୍ମ ଏବଂ ମୃତ୍ୟୁକୁ ବନ୍ଦ କରିପାରିବା ... ସ ଅମୃତତ୍ଵାୟ କଳ୍ପତେ | ଆଜି ସକାଳେ, ମୁଁ ଏହି ପଦକୁ ବ୍ୟାଖ୍ୟା କରୁଥିଲି: ଯଂ ହି ନ ବ୍ୟଥୟନ୍ତ୍ୟେତେ ପୁରୁଷଂ ପୁରୁଷର୍ଷଭ ସମଦୁଃଖସୁଖଂ ଧୀରଂ ସୋ ଽମୃତତ୍ଵାୟ କଳ୍ପତେ (BG 2.15) ଅମୃତତ୍ଵାୟର ଅର୍ଥ ହେଉଛି ଅମର | ତେଣୁ ଆଧୁନିକ ସଭ୍ୟତା, ସେମାନଙ୍କର କୌଣସି ଧାରଣା ନାହିଁ, ମହାନ ଦାର୍ଶନିକ, ମହାନ ରାଜନେତା କିମ୍ବା ମହାନ ବୈଜ୍ଞାନିକ, ଯେ ଅମରତାର ପର୍ଯ୍ୟାୟରେ ପହଞ୍ଚିବା ସମ୍ଭବ | ଅମରତତ୍ଵ। ଆମେ ସମସ୍ତେ ଅମର | ଭଗବଦ୍-ଗୀତାରେ ଏହା ଗୀତାରେ, ନ ଜାୟତେ ମ୍ରିୟତେ ବା କଦାଚିନ୍ | ଆମେ ଜୀବ, ଆମେ କେବେ ମରିବୁ ନାହିଁ, କେବେ ଜନ୍ମ ନେଉନାହୁଁ | ନିତ୍ୟଃ ଶାଶ୍ଵତୋଽୟଂ, ନ ହନ୍ୟତେ ହନ୍ୟମାନେ ଶରୀରେ (BG 2.20) | ଆମେ ସମସ୍ତେ, ଆମେ ଶାଶ୍ଵତ, ନିତ୍ୟଃ ଶାଶ୍ଵତୋ; ପୁରାଣ, ପୁରାତନ | ଏବଂ ଏହି ଶରୀରର ବିନାଶ ପରେ, ଆମେ ମରିବା ନାହିଁ | ନ ହନ୍ୟତେ | ଶରୀର ସମାପ୍ତ ହୋଇଯାଏ, କିନ୍ତୁ ମୋତେ ଅନ୍ୟ ଏକ ଶରୀରକୁ ଗ୍ରହଣ କରିବାକୁ ପଡିବ | ତଥା ଦେହାନ୍ତର ପ୍ରାପ୍ତିର୍ଧୀରସ୍ ତତ୍ର ନ ମୁହ୍ୟତି | ଦେହିନୋଽସ୍ମିନ୍ ଯଥା ଦେହେ କୌମାରଂ ଯୌବନଂ ଜରା (BG 2.13) |
ଏହି ସରଳ କଥା, ବର୍ତ୍ତମାନ ମୁହୂର୍ତ୍ତରେ, ସେମାନଙ୍କର ଜ୍ଞାନର ଅଭାବ ଅଛି, ଯେ ଆମେ, ସମସ୍ତ ଜୀବ, କୃଷ୍ଣଙ୍କର ଅଂଶ ବିଶେଷ, ଆମେ ଶାଶ୍ଵତ, ଆମେ ଆନନ୍ଦିତ ଏବଂ ଆମେ ଜ୍ଞାନବାନ | କୃଷ୍ଣଙ୍କୁ ବୈଦିକ ଶାସ୍ତ୍ରରେ ବର୍ଣ୍ଣନା କରାଯାଇଛି:
- ଈଶ୍ଵରଃ ପରମଃ କୃଷ୍ଣଃ
- ସଚ୍ଚିଦାନନ୍ଦବିଗ୍ରହଃ
- ଅନାଦିରାଦିର୍ ଗୋବିନ୍ଦଃ
- ସର୍ବକାରଣକାରଣମ୍
- (Bs 5.1)
ସଚ୍ଚିଦାନନ୍ଦବିଗ୍ରହଃ | ଭଗବାନ, କୃଷ୍ଣ, ଯେତେବେଳେ ମୁଁ କୃଷ୍ଣ କହିବି, ଏହାର ଅର୍ଥ ଭଗବାନ | ଯଦି କୌଣସି ଗୁରୁତ୍ୱପୂର୍ଣ୍ଣ ନାମ ଅଛି ... ଭଗବାନ, ବେଳେବେଳେ କୁହାଯାଏ ଭଗବାନଙ୍କର କୌଣସି ନାମ ନାହିଁ | ତାହା ଏକ ସତ୍ୟ | କିନ୍ତୁ ଭଗବାନଙ୍କର ନାମ ତାଙ୍କ କାର୍ଯ୍ୟକଳାପ ଦ୍ୱାରା ଦିଆଯାଏ | ଯେପରି କୃଷ୍ଣ ମାହାରାଜ ନନ୍ଦଙ୍କର ପୁତ୍ର ହେବାକୁ ସ୍ଵୀକାର କରିଲେ, କିମ୍ଵା ଯଶୋଦାମାୟୀ, କିମ୍ଵା ଦେବକି, କିମ୍ଵା ବାସୁଦେବ | ବାସୁଦେଵ ଏବଂ ଦେବକି କୃଷ୍ଣଙ୍କର ପ୍ରକୃତ ପିତା ଏବଂ ମାତା ଥିଲେ | କେହି କୃଷ୍ଣଙ୍କର ପ୍ରକୃତ ପିତା ଏବଂ ମାତା ନୁହଁନ୍ତି, କାରଣ କୃଷ୍ଣ ହେଉଛନ୍ତି ସମସ୍ତଙ୍କର ମୂଳ ପିତା | କିନ୍ତୁ ଯେତେବେଳେ କୃଷ୍ଣ ଏଠାକୁ ଆସନ୍ତି, ଅବତରଣ କରନ୍ତି, ସେ କିଛି ଭକ୍ତଙ୍କୁ ତାଙ୍କର ପିତା ଏବଂ ମାତା ରୂପେ ସ୍ଵୀକାର କରନ୍ତି | କୃଷ୍ଣ ହେଉଛନ୍ତି ମୂଳ, ଆଦି-ପୁରୁଷମ୍ | ଅଦ୍ୟାମଂ ପୁରାଣ-ପୁରୁଷମ ନବ-ଯୌବନଂ ଚ (Bs 5.33) | ସେ ହେଉଛନ୍ତି ପ୍ରକୃତ ବ୍ୟକ୍ତି | ତେବେ ସେ ବୃଦ୍ଧ ହେବା ଜରୁରୀ କି? ନା। ଅଦ୍ୟାମଂ ପୁରାଣ-ପୁରୁଷମ ନବ-ଯୌବନଂ ଚ | ସର୍ବଦା ନବ ଯୁବକ | ସେ ହେଉଛନ୍ତି କୃଷ୍ଣ |