AM/Prabhupada 0664 - ባዶ የሆነ ፍልስፍና ሌላ ምትሀት ነው፡፡ ባዶ የሆነ የገር ሊኖር አይችልም፡፡

From Vanipedia
Jump to: navigation, search

ባዶ የሆነ ፍልስፍና ሌላ ምትሀት ነው፡፡ ባዶ የሆነ የገር ሊኖር አይችልም፡፡
- Prabhupāda 0664


Lecture on BG 6.13-15 -- Los Angeles, February 16, 1969

ታማላ ክርሽና፡ ብሀገቨድ ጊታ እንዲህ ይላል፡፡ ”የቁሳዊ ዓለም በትእይንት አለመኖር ማለት“ ”ወደ ባዶነት መግባት ማለት አይደለም፡፡ ይህም በሰፊው የታመነበት ሆኖ ስህተተኛ ሀሳብ ነው፡፡“

ፕራብሁፓድ፡ አዎን ስለዚህ የቁሳዊ ዓለም ከትእይንት መጥፋት እንዲህ ማለት አይደለም፡፡ ምክንያቱም እኔ ባዶ ባለመሆኔ መንፈስ ወይንም ነፍስ ሆኜ እገኛለሁ፡፡ እኔ ባዶ ብሆን ኖሮ እንዴት ይህን ገላ እንዲዳብር እና እንዲያድግ ምክንያት ለመሆን በቃሁ? እኔ ባዶ አይደለሁም፡፡ እኔ ዘር ነኝ፡፡ ልክ ዘር በመሬት ላይ እንደምትዘሩት፡፡ ይህም ዘር ወደ ትልቅ ዛፍ ወይንም ተክል ይቀየራል፡፡ እንደዚሁም ሁሉ ይህ ዘር ወደ እናት ማህፀን በአባት ተሰጥቶ ልክ እንደ ዛፉ ገላው ሲያድግ ይገኛል፡፡ ይህም ገላ በትእይንት አለ፡፡ ባዶነቱ የታለ? ”አሀም ቢጃ ፕራዳህ ፒታ“ (ብጊ፡ 14.4) በ14ኛው ምእራፍም ይህንን ታዩታላችሁ፡፡ ይህም የመጀመሪያው ዘር የተሰጠው በክርሽና ነው፡፡ ይህም ዘር በቁሳዊ ዓለም ማህፀን ውስጥ ይቀመጣል፡፡ ከዚያም በኋላ ብዙ ህያው ነዋሪዎች በትእይንት ሲቀርቡ እናያለን፡፡ ይህንንም መቀናቀን አይቻልም፡፡ ምክንያቱም ፍጥረት በተግባራዊ ህይወታችን እንደምናየው የመፈጠር ስርዓቱ በዚሁ ሂደት ነው፡፡ አባት ወደ እናት ማህፀን ውስጥ ዘሩን እንደሚያስቀምጥ እንረዳለን፡፡ እናትም ሕፃኑ እንዲያድግ የሚያስፈልገውን ሁሉ ፕሮቲን ትሰጣለች፡፡ ስለዚህ ባዶ የሚባል ነገር የለም፡፡ ይህም ዘር ባዶ ቢሆን ኖሮ ሕፃኑ እንዴት ሊያድግ ይችል ነበረ፡፡ ስለዚህ “ኒርቫና” ማለት ቁሳዊ አካል ደግሞ አለመያዝ ማለት ነው፡፡ ነገር ግን ነፍስን ባዶ ለማድረግ አታሰላስሉ፡፡ ይህ ስሜት ሊሰጥ የማይችል ነው፡፡ ባዶ እናንተ ባዶ አይደላችሁም፡፡ ባዶ መሆን ያለበትም ይህንን ቁሳዊ አካላችንን ከነፍስ ባዶ ማድረግ ነው፡፡ ይህንን መከራ የሞላበትን ገላ ከነፍስ ባዶ ማድረግ አለብን፡፡ የመንፈሳዊ ገላችሁንም ለማሳደግ ሞክሩ፡፡ ይህም የሚቻል ነገር ነው፡፡ “ያድ ጋትቫ ና ኒቫርታንቴ ታድ ድሀማ ፓራማም ማማ” (ብጊ፡ 15.6) እነዚህ ነገሮች ያሉ ናቸው፡፡ እኛም ይህንን ለመረዳት አእምሮዋችንን በጣም ማዳበር ይገባናል፡፡ የሕይወታችን ችግር ምንድን ነው? ይህንንስ አስፈላጊ የሰው ልጅ ህይወት እንዴት አድረገን ነው በትክክል መጠቀም ይምንችለው? የሚያሳዝነው ነገር ግን ይህ እውቀት በዓለም ላይ ብዙ የማይታይ ነው፡፡ ይህም እንቅስቃሴያችን ብቻ ነው ምናልባት በዓለም ላይ ይህንን የሚያስተምረው፡፡ ይህም ሰለ ትክክለኛው የሕይወታችን ችግሮች፡፡ ስለ የሰው ልጅ ሕይወታችን በጣም አስፈላጊነት፡፡ የክርሽና ንቃት እንቅስቃሴያችን የተመሰረተው በዚሁ ነው፡፡ ቀጥል፡፡

ታማላ ክርሽና፡ “በአብዩ አምላክ የቁሳዊ ዓለማት ፍጥረት ባዶ የሚባል ነገር የለም፡፡ የሚኖረውም ከትእይንት መሰወር ብቻ ነው፡፡”

ፕራብሁፓድ፡ ባዶ ምንድነው? በሁሉም ቦታ እያያችሁ ነው፡፡ በመሬት ውስጥ በአፈር ውስጥ እንኳን ባዶ የሚባል ነገር አታገኙም፡፡ በመሬት ባዶ ነገር የለም በሰማይም ባዶ ነገር የለም፡፡ በአየርም ባዶ ነገር የለም በውሀም ባዶ ነገር የለም፡፡ በእሳትም ባዶ ነገር የለም፡፡ ታድያ ባዶ የት ነው የምታዩት? የት ነው ባዶን የምታገኙት? ይህ የባዶ ፍልስፍና ምትሀታዊ ነው፡፡ ባዶ የሚባል ነገር የለም፡፡