KA/Prabhupada 0025 - რასაც გულწრფელად გასცემ, ის იმოქმედებს
Conversation with Yogi Amrit Desai of Kripalu Ashram (PA USA) -- January 2, 1977, Bombay
იოგი ამრიტ დესაი: მე ძალიან მიყვარხართ და ვთქვი, რომ უნდა მოვიდე დარშანა-სთვის.
პრაბჰუპადა: მადლობა.
იოგი ამრიტ დესაი: მე ერთგულებს ვეუბნებოდი. მე ვუთხარი, რომ თქვენ ხართ...
პრაბჰუპადა: თქვენ დოქტორ მიშრასთან ერთად ხართ?
იოგი ამრიტ დესაი: არა, არ ვარ. აქაურ ერთგულებს ვეუბნებოდი. მე ვთქვი, შრი პრაბჰუპადა პირველი კაცია, ვინც ბჰაკტი დასავლეთში მოიტანა, სადაც ყველაზე მეტადაა საჭირო. იმიტომ, რომ იქ იმდენად არიან თავში ჩაკეტილები, ფიქრობენ, ფიქრობენ, ფიქრობენ. სიყვარულის გზა ძალიან ღრმააზროვანია.
პრაბჰუპადა: აბა ნახეთ. თუ ნამდვილად გულწრფელად წარმოადგენ
იოგი ამრიტ დესაი: ძალიან გულწრფელად.
პრაბჰუპადა: ის შესრულდება.
იოგი ამრიტ დესაი: იმიტომაც იზრდება ასე კარგად, რომ გულწრფელია.
პრაბჰუპადა: და ეს ინდოელების მოვალეობაა, გულწრფელი რამ მივცეთ მათ. ეს არის პარა-უპაკარა. ჩემამდე, ყველა სვამი და იოგი იქ მათ მოსატყუებლად მიდიოდა.
იოგი ამრიტ დესაი: არა, მათ ეშინოდათ ჭეშმარიტების გაცემა, იმიტომ რომ, ეშინოდათ, რომ მათ არ მიიღებდნენ.
პრაბჰუპადა: მათ არ იცოდნენ, რა არის ჭეშმარიტება. (სიცილი) არ ეშინოდათ. რატომ? თუ ვინმე ჭეშმარიტების დონეზე იმყოფება, რატომ უნდა ეშინოდეს?
იოგი ამრიტ დესაი: ნამდვილად.
პრაბჰუპადა: მათ არ იცოდნენ, რა არის ჭეშმარიტება, ვივეკანანდადან დაწყებული.
იოგი ამრიტ დესაი: ზუსტად, მართალია. ხედავთ, თქვენი მოსვლის შემდეგ... მე იქ 1960 წელს ვიყავი. იოგას სწავლება დავიწყე. მაგრამ თქვენი ჩამოსვლის შემდეგ უშიშრად დავიწყე ბჰაკტის სწავლება და მანტრების მღერა. ასე რომ, ახლა აშრამში ბევრი ბჰაკტი გვყავს, ბევრი ბჰაკტი. და ეს თქვენი დამსახურებაა, რადგან მე მეშინოდა მათთვის მიმეცა რადგან მე ვფიქრობდი, „ისინი ქრისტიანები არიან. ერთგულება ამდენად არ მოეწონებათ. ისინი არასწორედ გაიგებენ.“ მაგრამ თქვენ სასწაული მოახდინეთ. ღმერთმა, კრიშნამ თქვენი მეშვეობით სასწაული მოახდინა. ეს საოცარია, მსოფლიოს უდიდესი სასწაული. მე ამაში ძლიერ ვარ დარწმუნებული.
პრაბჰუპადა: დიდი მადლობა ამ განხცადებისთვის. თუ წრფელად გასცემ, ეს იმოქმედებს.
იოგი ამრიტ დესაი: ნამდვილად. მეც ამას ვაკეთებ. ყველა... ჩვენ დაახლოებით 180 კაცი გვყავს, ვინც მუდმივად აშრამში ცხოვრობს და ისინი ცელიბატს მისდევენ. ყველა დილის 4:00 იღვიძებს და საღამოს 9:00-თვის იძინებს. და ერთმანეთსაც კი არ ეხებიან. ცალ-ცალკე ცხოვრობენ. სატ-სანგას დროსაც ცალ-ცალკე სხედან. ყველაფერი მკაცრადაა. არც ნარკოტიკები, არც ალკოჰოლო, არც ხორცი, არც ჩაი, არც ყავა, არც ნიორი, არც ხახვი. უმწიკლო.
პრაბჰუპადა: ძალიან კარგი. დიახ. ჩვენ ამას თვალს ვადევნებთ.
იოგი ამრიტ დესაი: დიახ.
პრაბჰუპადა: მაგრამ რაიმე ღვთაება თუ გყავთ?
იოგი ამრიტ დესაი: დიახ. უფალი კრიშნა და რადჰა არიან ჩვენი ღვთაებები. ჩემი გურუა სვამი კრიპალუ-ანანდი. ის არის... ბაროდას ახლოს აქვს აშრამი. ის თავის სადჰანას 27 წლის განმავლობაში ეწეოდა და თორმეტი წელი სრულ დუმილში გაატარა. უკანასკნელი რამოდენიმე წელია რაც წელიწადში ერთხელ ან ორჯერ საუბრობს, რადგან ხალხი ძალიან ითხოვს ამას.
პრაბჰუპადა: არ მღერის?
იოგი ამრიტ დესაი: ის მღერის. დუმილის დროს მისთვის სიმღერა ნებადართულია. რადგან როდესაც ის ამბობს... როდესაც უფლის სახელს ვახსენებთ, ეს დუმილის დარღვევად არ აღიქმება. ამრიგად, ის მღერის.
პრაბჰუპადა: დუმილი ნიშნავს, რომ სისულელეები არ უნდა ვილაპარაკოთ. ჰარე კრიშნა უნდა ვიმღეროთ. ეს არის დუმილი. ამ მატერიალურ რაღაცეებზე ლაპარაკში დროის კარგვის მაგივრად, გვირჩევნია ჰარე კრიშნა ვიმღეროთ. ეს პოზიტიურია. სიჩუმე კი ნეგატიურია. შეეშვი სისულელეებს; აზრიანად ისაუბრე.
იოგი ამრიტ დესაი: ნამდვილად! ეს სწორია.
პრაბჰუპადა: პარამ დრსტვა ნივარტატე (ბგ 2.59). პარამ დრსტვა ნივარტატე. თუ სისულელეებს თავს დაანებებ, მერე პარამ, უზენაესი... პარამ დრსტვა ნივარტატე. როდესაც უკეთესი რამ გაქვს, რა თქმა უნდა, ნაგავს ბუნებრივად ეშვები. ამრიგად ყველაფერი მატერიალური, ეს ნაგავია. კარმა, ჯნანა, იოგა, ეს ყველაფერი მატერიალურია. კარმა, ჯნანა, იოგა. ეგრეთ წოდებულ იოგებამდეც კი, ყველაფერი მატერიალურია.