NE/Prabhupada 0125 - समाज यस्तो दुषित छ
Lecture on SB 1.5.23 -- Vrndavana, August 4, 1974
जो मानिस शुद्रभन्दा कम छन्, तिनीहरुलाई पञ्चम, पाँचौं श्रेणीको भनिन्छ | पहिलो श्रेणी, ब्राह्मण, दोस्रो श्रेणी, क्षत्रिय, तेस्रो श्रेणी, वैश्य, चौथो श्रेणी, शुद्र र अरु सबै-पाँचौं श्रेणी | तिनीहरुलाई चण्डाल भनिन्छ | चण्डालहरु.... सफाई गर्ने, सार्की, र..... तल्लो श्रेणी | अझै पनि, भारतमा यी पाँचौं श्रेणीका व्यक्तिहरु मात्रै, तिनीहरु मासु, सुँगुर र कहिलेकहीं गाई खान्छन् | पाँचौं श्रेणी | अहिले यो चलन बनेको छ | र उसलाई पहिलो श्रेणीको व्यक्ति मानिन्छ | हेर्नुहोस् त | पाँचौं श्रेणीका व्यक्तिको जे कार्य हुन्थ्यो, त्यो तथाकथित राजनीतिज्ञको कार्य भएको छ | तपाईले देख्नुभयो | यदि तपाई पाँचौं श्रेणीका व्यक्तिबाट शासित हुनुहुन्छ भने तपाई कसरी खुसी हुनुहुन्छ | त्यो सम्भव छैन | सामाजिक शान्ति कसरी हुन सक्छ | त्यो सम्भव छैन | तर पाँचौं श्रेणीका व्यक्ति पनि, ऊ कृष्ण भावनामृत अभियानबाट शुद्ध हुन सक्छ | तसर्थ यो अभियानको ठुलो आवश्यकता छ | किनकि वर्तमान समयमा पहिलो दर्जाका मानिसहरु छैनन्, पहिलो श्रेणीका छैनन्, दोस्रो श्रेणीका छैनन् | हुनसक्छ तेस्रो श्रेणीका, चौथो श्रेणीका, पाँचौं श्रेणीका, छैटौं श्रेणीका, त्यस्तै | तर तिनीहरु शुद्ध हुन सक्छन् | त्यो...केवल विधि भनेको यो कृष्ण भावनामृत अभियान हो | जो पनि शुद्ध हुन सक्छ । मां हि पार्थ व्यपाश्रित्य ये ऽपि स्युः पाप-योनयः (भ गी ९।३२) | तिनीहरुलाई पाप-योनि भनिन्छ, तल्लो श्रेणी, पापी परिवारमा जन्मेका | पाप-योनि | कृष्ण भन्नुहुन्छ, ये ऽपि स्युः पाप-योनयः | यो चिन्ता नगर्नुहोस् कि कुन प्रकारको पाप-योनि | मां हि पार्थ व्यपा...."यदि उसले मेरो शरण लिन्छ भने..." त्यो शरण लिन सकिन्छ किनकि कृष्णका प्रतिनिधिले प्रचार गरिरहेका छन् |
यहाँ कुनै कमी छैन | मानिसले केवल उहाँको शरण लिनुपर्छ | त्यति हो | जस्तै चैतन्य महाप्रभुको लक्ष्य यस प्रचारक सिर्जना गर्नु हो | "सबैतिर जाऊ |" आमार आज्ञाय गुरु हञा तारऽ एइ देश (चै च मध्य ७।१२८) | "जाऊ |" उहाँले नित्यानन्द प्रभु, हरिदास ठाकुरलाई प्रचार गर्न पठाउने गर्नुहुन्थ्यो | "कृपया हरे कृष्ण जप्नुहोस् | कृपया हरे कृष्ण जप्नुहोस् | कृपया कृष्णमा शरणागत हुनुहोस् |" एकपटक बाटोमा भिड थियो | नित्यानन्द प्रभु र हरिदास ठाकुरले देख्नुभयो र उहाँहरुले सोध्नुभयो, "यो भिड के हो ?" "यहाँ दुई दाजुभाई छन्, जगाइ र माधाइ, ज्यादै उपद्रो गर्ने | तिनीहरु जड्याहा, स्त्रीलम्पट र मांसभक्षक छन्, र तिनीहरु सधैँ उपद्रो मच्चाउँछन् |" नित्यानन्द प्रभुले तत्काल विचार गर्नुभयो,"पहिला यी व्यक्तिहरुको उद्वार किन नगर्ने ? तब मेरो प्रभुको नामको महिमा गाइनेछ | श्री चैतन्य महाप्रभुको नामको महिमा गाइनेछ |"
यो शिष्यको कर्तव्य हो, कसरी आध्यात्मिक गुरु, परम्पराको महिमागान गर्ने | म आफ्नो गुरुको महिमा गाउँछु, तपाई आफ्नो गुरुको | र यदि हामीले केवल यो गर्यौं भने कृष्णको महिमा गाइन्छ | यो निर्णय नित्यानन्द प्रभुको थियो, कि "पहिला यी पतित जीवको उद्वार किन नगर्ने ?" किनकि चैतन्य महाप्रभुको अवतार पतित जीवको उद्वारको लागि हो | र...र यस युगमा पतित जीवको कुनै कमी छैन |
- पतित-पावन-हेतु तव अवतार
- मो सम पतित प्रभु ना पाइबे आर
नरोत्तम दस ठाकुरले श्री चैतन्य महाप्रभुको चरणकमलमा आफ्नो शिर राख्नुभएको छ, कि "मेरो प्रिय प्रभु, हजुरको अवतार यी सबै पतित जीवलाई फिर्ता लानको लागि हो | तर म पतित जीवको पनि सबभन्दा निच छु | त्यसैले मेरो दाबी पहिलो छ | कृपया मेरो उद्वार गर्नुहोस् |" मो सम पतित प्रभु ना पाइबे आर | "हजुर, तपाईको उद्देश्य भनेको पतितको उद्वार हो | त्यसैले म पहिलो श्रेणीको पतित छु | कृपया मलाई स्वीकार्नुहोस् |"
कलि युगमा मानिसहरु दु:ख पाइरहेका छन् | तिनीहरु सबै पतित छन्, सबै मांसभक्षक, सबै जड्याहा, सबै पाँचौं श्रेणी, छैटौं श्रेणीका मानिसहरु | तिनीहरु घमण्डी छन्, तर तिनीहरु वास्तवमा पाँचौं, छैटौं र दशौँ श्रेणीका मानिस हुन्, सज्जन मानिस पनि होइनन् | तसर्थ मेरो गुरु महाराजले भन्ने गर्नुहुन्थ्यो कि "कुनै सज्जन व्यक्ति पनि यहाँ बस्न सक्दैन | समाज धेरै दुषित छ |" र...तर यहाँ चैतन्य महाप्रभुको सेवा गर्ने मौका छ | समाज यस्तो पतित भएको कारण यहाँ चैतन्य महाप्रभुको सेवा गर्ने राम्रो मौका छ | किनकि चैतन्य महाप्रभुको अवतार यी पतित जीवको उद्वारको लागि हो | तपाईले मौका पाउनुभएको छ सेवा गर्ने, श्री चै......,श्री चैतन्य महाप्रभुलाई खुसी बनाउने, किनकि उहाँ चाहनुहुन्थ्यो कि पतित जीवको उद्वार होस् | कृष्ण पनि चाहनुहुन्थ्यो । यदा यदा हि ग्लानिर् भवति भारत, धर्मस्य ग्लानिर् भवति भारत | कृष्ण आउनुहुन्छ....यो....भगवानको कार्य त्यसरी चलिरहेको छ | उहाँ यी सबै धूर्त, यस भौतिक जगतमा कुहिरहेकालाई फिर्ता लान धेरै व्याकुल हुनुहुन्छ | कृष्ण सधैँ व्याकुल हुनुहुन्छ | उहाँ आफैं आउनुहुन्छ | उहाँ भक्तको रुपमा आउनुहुन्छ | उहाँ आउनुहुन्छ, आफ्नो आधिकारिक सेवक, आधिकारिक छोरा पठाउनुहुन्छ |
यी सबै पतित जीवलाई फिर्ता लानु नै कृष्णको चिन्ताको विषय हो | तसर्थ यी नै हाम्रा अवसर हुन् | योगिनीहरु, योगिन:, उनीहरु विश्वभरि भ्रमण गर्दैछन् | केवल वर्षा मौसममा उनीहरु आराम गर्दथे | यो होइन कि अरु मौसममा खाने र सुत्ने मात्र | होइन | किनकि वर्षा मौसममा भ्रमण गर्न असुविधा हुन्छ, तसर्थ चार महिनामात्र | चार महिनामा, उनीहरु जहाँ बस्दथे, केवल कसैबाट सेवा पाएर, जस्तै एउटा युवा सेवक, तिनीहरुको उद्वार हुन्थ्यो | त्यहाँ प्रचारको कुरा नै थिएन | केवल सेवा गर्ने मौका दिंदा पतित जीवको उद्वार हुन्थ्यो | तर तपाई सक्षम हुनुपर्छ, कुनै कारण बिना सेवा नलिने | तब तपाई नरक जानुहुन्छ | यदि तपाई वास्तवमा आध्यात्मिक अवस्थामा हुनुहुन्छ भने अरुलाई तपाईको सेवा गर्ने थोरै मौका दिएर उसको उद्वार हुन्छ | सिद्धान्त बुझ्ने कुरा नै छैन | एक भक्त त्यस्तो पूर्ण हुनुपर्छ | चलन छ कि, जब मानिसले भक्तलाई देख्छ, ऊ निहुरिन्छ र लिन्छ....., चरण छुन्छ | यो चलन छ | किनकि चरण छोएर..... महत्-पाद-रजो-ऽभिषेकम् | यदि कोहि वास्तवमा आध्यात्मिक जीवनमा उन्नत भएका छन् र मानिसहरु उनको चरणकमल छुने मौका लिन्छन् भने मानिसहरु भक्त बन्छन् | यो विधि हो |