OR/Prabhupada 0056 - ଶାସ୍ତ୍ରରେ ବାର ଜଣ ଅଧିକାରିଙ୍କ ବିଷୟରେ ଉଲ୍ଲେଖ କରାଯାଇଛି
Lecture on SB 7.6.1 -- Madras, January 2, 1976
- ଶ୍ରୀ ପ୍ରହରାଦ ଉବାଚ
- କୋମାର ଆଚରେତ ପ୍ରାଜ୍ଞେ
- ଧର୍ମାନ୍ ଭାଗବତାନ୍ ଇହ
- ଦୁର୍ଲଭଂ ମାନୁଷଂ ଜନ୍ମ
- ତଦ ଅପି ଅଧ୍ରୁବମ୍ ଅର୍ଥଦମ୍
- (SB 7.6.1)
ସେ ହେଉଛନ୍ତି ପ୍ରହଲାଦ ମାହାରାଜା । କୃଷ୍ଣ ଚେତନା ଅଧିକାରୀମାନଙ୍କ ମଧ୍ୟରୁ ସେ ହେଉଛନ୍ତି ଜଣେ । ଶାସ୍ତ୍ରରେ ବାରଜଣ ଅଧିକାରିଙ୍କ ବିଷୟରେ ଉଲ୍ଲେଖ କରାଯାଇଛି
- ସ୍ଵୟମ୍ଭୁର ନାରଦଃ ଶମ୍ଭୁଃ
- କୁମାରଃ କପିଳେ ମନୁଃ
- ପ୍ରହଲାଦେ ଜନକେ ଭୀଷ୍ମେ
- ବଳିର ବୈୟ୍ୟାସକିର ବୟମ୍
- (SB 6.3.20)
ଧର୍ମର ଅଧିକାରିମାନଙ୍କ ସମ୍ଵନ୍ଧରେ ଏହା ହେଉଛି ୟମରାଜଙ୍କର ଉକ୍ତି । ଧର୍ମ ଅର୍ଥାତ୍ ଭାଗବତ- ଧର୍ମ । ମୁଁ ଭାବୁଛି ମୁଁ ଗତକାଲି ରାତିରେ ବର୍ଣ୍ଣନା କରିଥିଲି, ଧର୍ମ ଅର୍ଥାତ୍ ଭାଗବତ ଅଟେ । ଧର୍ମଂ ତୁ ସାକ୍ଷାଦ୍ ଭଗବତ୍-ପ୍ରଣୀତଂ (SB 6.3.19) । ଯେପରିକି ଆମର ଶ୍ରୀ ମୂଖ୍ୟ ନ୍ୟାୟାଧିଶ ଆଇନ୍ ଉପରେ ମତ ଦିଅନ୍ତି । ତେଣୁ ଆଇନ ସାଧାରଣ ଲୋକ କିମ୍ଵା କୌଣସି ବ୍ୟାପାରି ଦ୍ଵାରା ନିର୍ମାଣ କରାଯାଇପାରିବ ନାହିଁ । ନା । ଆଇନ କେବଳ ରାଜ୍ୟ ଦ୍ଵାରା, ସରକାରଙ୍କ ଦ୍ଵାରା ନିର୍ମାଣ କରାଯାଇପାରିବ । କେହି ନିର୍ମାଣ କରିପାରିବେ ନାହିଁ । ତାହା ହୋଇପାରିବ ନାହିଁ... ଯଦି ଉଚ୍ଚ ନ୍ୟାୟାଳୟରେ, କେହି ଓକିଲାତି କରେ, "ମହାଶୟ, ମୋର ନିଜର ଆଇନ ଅଛି," ତାହା ଶ୍ରୀ ନ୍ୟାୟାଧିଶ ଗ୍ରହଣ କରିବେ ନାହିଁ । ତେଣୁ ସେହିପରି, ଧର୍ମ ତୁମେ ନିର୍ମାଣ କରିପାରିବ ନାହିଁ । ତୁମେ ଜଣେ ବଡ଼ ମଣିଷ ହୋଇପାର... ଏପରିକି ପ୍ରଧାନ ବିଚାରପତି, ସେ ମଧ୍ୟ ଆଇନ ବନେଇପାରନ୍ତି ନାହିଁ । ଆଇନ ରାଜ୍ୟ ଦ୍ଵାରା ଦିଆଯାଏ । ସେହିପରି, ଧର୍ମ ର ଅର୍ଥ ଭାଗବଦ୍ ଧର୍ମ ଏବଂ ଅନ୍ୟ ତଥାକଥିତ ଧର୍ମ ଗୁଡ଼ିକ, ସେଗୁଡିକ ଧର୍ମ ନୁହେଁ । ସେଗୁଡିକୁ ଗ୍ରହଣ କରାଯିବ ନାହିଁ । ଠିକ୍ ସେହିପରି, ତୁମ ଘରେ ଦିଆଯାଇଥିବା ଆଇନକୁ ଗ୍ରହଣ କରାଯିବ ନାହିଁ । ସେଥିପାଇଁ ଧରମମ୍ ତୁ ସାକ୍ସାଦ୍ ଭଗବଦ୍ ପ୍ରଣିତାମ (SB 6.3.19) ।
ଆଉ ଭଗବଦ୍ ପ୍ରଣିତାମ ଧର୍ମ କ'ଣ? ଏହା ଭଗବଦ୍ ଗୀତାରେ ବର୍ଣ୍ଣନା କରାଯାଇଛି, ଆମେ ଜାଣିଛୁ, ସମସ୍ତେ । ସେ ଆସିଥିଲେ, କୃଷ୍ଣ ଆସିଥିଲେ । ତାଙ୍କ ଲକ୍ଷ୍ୟ ଥିଲା ଧର୍ମସଂସ୍ଥାପନାର୍ଥାୟ, ଧାର୍ମିକ ସିଦ୍ଧାନ୍ତ ମାନଙ୍କର ସ୍ଥାପନା ପାଇଁ, ବା ପୁନଃସ୍ଥାପନା । ଧର୍ମସ୍ୟ ଗ୍ଲାନିର୍ଭବତି ଭାରତ । ୟଦା ୟଦା ହି ଧର୍ମସ୍ୟ ଗ୍ଲାନିର୍ଭବତି ଭାରତ (BG 4.7) । ତେଣୁ ବେଳେବେଳେ ଗ୍ଲାନି ହୁଏ, ଧର୍ମର ସିଦ୍ଧାନ୍ତ ମାନଙ୍କୁ ନର୍ବାହନ ସମୟରେ ଗ୍ଲାନି ଘଟେ । ସେହି ସମୟରେ କୃଷ୍ଣ ଆସନ୍ତି, ପରିତ୍ରାଣାୟ ସାଧୁନାଂ ବିନାଶାୟ ଚ ଦୁଷ୍କୃତାମ୍ (BG 4.8) । ଯୁଗେ ଯୁଗେ ସମ୍ଭବାମି । ତେଣୁ ଏହି ଧର୍ମ, ଶ୍ରୀ କୃଷ୍ଣ ତଥାକଥିତ ଧର୍ମ ଗୁଡିକୁ ପୁନଃ ସଂଗଠନ କରିବା ପାଇଁ ଆସିନଥିଲେ: ହିନ୍ଦୁ ଧର୍ମ, ମୁସଲମାନ୍ ଧର୍, ଇଶାଇ ଧର୍ମ, ବୌଦ୍ଧ ଧର୍ମ । ନୁହେଁ । ଶ୍ରୀମଦ୍ ଭାଗବତ ଅନୁସାର କୁହାଯାଇଛି, ଧର୍ମଃ ପ୍ରୋଜିତାଃ କୌତବ (SB 1.1.2) । ଏହି ଧର୍ମ ଯାହା ଏକ ପ୍ରକାରର ଠକିବା ପ୍ରକ୍ରିୟା, ସେହି ଭଳି ଧର୍ମକୁ ପ୍ରୋଜ୍ଜହିତ । ପ୍ରକୃଷ୍ଟ ରୂପେନ ଉଜ୍ଜହିତ, ମାନେ ଏହାକୁ ବାହାରକୁ ଫିଙ୍ଗିଦେବା ଉଚିତ୍, ବା ବାଦାରକୁ ତଡ଼ିଦେବା ଉଚିତ୍ ତେଣୁ ପ୍ରକୃତ ଧର୍ମ ହେଉଛି ଭଗବଦ୍ ଧର୍ମ, ପ୍ରକୃତ ଧର୍ମ । ସେଥିପାଇଁ ପ୍ରହଲାଦ ମହାରାଜା କହିଥିଲେ, କୌମାର ଆଚରେତ ପ୍ରାଜ୍ଞୋ ଧର୍ମାନ୍ ଭାଗବତାନ୍ ଇହ (SB 7.6.1) । ପ୍ରକୃତରେ ଧର୍ମ ମାନେ ଭଗବାନ୍, ଆମର ଭଗବାନ୍ ଙ୍କ ସହ ସମ୍ବନ୍ଧ, ଏବଂ ସେହି ସମ୍ବନ୍ଧ ଅନୁସାରେ ଆମକୁ ଚାଲିବାକୁ ହେବ, ତେବେ ଆମେ ଜୀବନର ସର୍ବଶ୍ରେଷ୍ଠ ଲକ୍ଷ୍ୟ ପାଇପାରିବା । ଏହାହିଁ ଧର୍ମ ଅଟେ