OR/Prabhupada 0064 - ସିଦ୍ଧି ଅର୍ଥାତ୍ ଜୀବନର ପୂର୍ଣ୍ଣତା
Lecture on SB 6.1.15 -- Denver, June 28, 1975
କେଚିତ ଅର୍ଥାତ୍ "କେହିଜଣେ ।" "ବହୁତ ଦୁର୍ଲଭ ।" "କେହିଜଣେ" ଅର୍ଥାତ୍ "ବହୁତ ଦୁର୍ଲଭ ।" ବାସୁଦେବ-ପରାୟନାଃ ହେବା ଏତେ ସହଜ ନୁହେଁ । ଗତକାଲି ମୁଁ ବର୍ଣ୍ଣନା କରୁଥିଲି ଯେ ଭଗବାନ, କୃଷ୍ଣ, କୁହନ୍ତି ଯେ ଯତତାମପି ସିଦ୍ଧାନାଂ କଶ୍ଚିନ୍ଣାଂ ବେତ୍ତି ତତ୍ତ୍ଵତଃ, ମନୁଷ୍ୟାଣାଂ ସହସ୍ରେଷୁ କଶ୍ଚିଦ୍ ଯତତି ସିଦ୍ଧୟେ (BG 7.3) । ସିଦ୍ଧି ଅର୍ଥାତ୍ ଜୀବନର ପୂର୍ଣ୍ଣତା । ସାଧାରଣତଃ ସେମାନେ ଏହାକୁ ଯୋଗ ଅଭ୍ୟାସର ଅଷ୍ଟ-ସିଦ୍ଧି ଭାବନ୍ତି - ଅନିମା, ଲଘିମା, ମହିମା, ପ୍ରାପ୍ତି, ସିଦ୍ଧି, ଈଶୀତ୍ଵ, ବଶୀତ୍ଵ, ପ୍ରକାମୟ । ତେଣୁ ଏଗୁଡିକୁ ସିଦ୍ଧି କୁହାଯାଏ, ଯୋଗ ସିଦ୍ଧି । ଯୋଗ ସିଦ୍ଧି ଅର୍ଥାତ୍ ତୁମେ କ୍ଷୁଦ୍ରରୁୁ କ୍ଷୁଦ୍ରତମ ହେଇପାରିବ । ଆମର ବାସ୍ତବରେ ପରୀସିମା ଅତି, ଅତି ଛୋଟ । ତେଣୁ ଯୋଗ ସଦ୍ଧି ଦ୍ଵାରା, ଯଦିଓ ଆମେ ଏହି ଭୌତିକ ଶରୀର ଧାରଣ କରିଛୁ, ଜଣେ ଯୋଗୀ କ୍ଷୁଦ୍ରତମ ଆକାର ଧାରଣ କରିପାରିବ । ଏବଂ କୌଣସି ପ୍ରକାରରେ ତାଙ୍କୁ ବନ୍ଧିତ କର, ସେ ବାହାରକୁ ଆସିଯିବେ । ତାହାକୁ ଅନିମା ସିଦ୍ଧି କୁହାଯାଏ । ସେହିପରି ମହିମା ସିଦ୍ଧି, ଲଘିମା ସିଦ୍ଧି ମଧ୍ୟ ଅଛି । ସେ ତୁଳା ପଟି ଠାରୁ ମଧ୍ୟ ହାଲୁକା ହେଇପାରିବ । ଯୋଗୀ ମାନେ, ସେମାନେ ବହୁତ ହାଲୁକା ହେଇପାରିବେ, ଏବେ ମଧ୍ୟ ଭାରତରେ ଯୋଗୀ ମାନେ ଅଛନ୍ତି । ଅବଶ୍ୟ ହିଁ, ଆମ ପିଲାଦିନେ ଆମେ ଜଣେ ଯୋଗୀଙ୍କୁ ଦେଖିଥିଲୁ, ସେ ମୋ ବାପାଙ୍କୁ ଦେଖା କରିବାକୁ ଆସନ୍ତି । ସେ କହୁଥିଲେ ଯେ ସେ ଅଳ୍ପ ମୁହୂର୍ତ୍ତରେ ଯେକୌଣସି ସ୍ଥାନକୁ ଯାଇପାରନ୍ତି । ଏବଂ ବେଳେବେଳେ ସେ ପ୍ରାତଃ କାଳରେ ଜଗନ୍ନାଥ ପୁରୀ, ରାମେଶ୍ଵର, ହରିଦ୍ଵାରକୁ ଯାଉଥିଲେ, ଏବଂ ସ୍ନାନ କରୁଥିଲେ ଗଙ୍ଗା ଏବଂ ଅନ୍ୟ ବିଭିନ୍ନ ନଦୀ ମାନଙ୍କରେ । ତାହାକୁ ଲଘିମା ସିଦ୍ଧି କୁହାଯାଏ । ସେ କହୁଥିଲେ ଯେ "ଆମେ ଆମ ଗୁରୁଙ୍କ ସହିତ ବସିଛୁ ଏବଂ ଖାଲି ଛୁଉଁଛୁ । ଆମେ ଏଠାରେ ବସିଛୁ, ଏବଂ କିଛି କ୍ଷଣ ପରେ ଆମେ ଏକ ଭିନ୍ନ ସ୍ଥାନରେ ବସିଥିବୁ ।" ଏହାକୁ ଲଘିମା ସିଦ୍ଧି କୁହାଯାଏ ।
ତେଣୁ ଅନେକ ଯୋଗ ସିଦ୍ଧି ଅଛି । ଲୋକମାନେ ଏହି ଯୋଗ ସିଦ୍ଧି ଦେଖି ବହୁତ ଦ୍ଵନ୍ଦରେ ପଡ଼ିଯାଆନ୍ତି । କିନ୍ତୁ କୃଷ୍ଣ କୁହନ୍ତି, ଯତତାମପି ସିଦ୍ଧାନାଂ: (BG 7.3) "ଏହିପରି ଅନେକ ସିଦ୍ଧମାନଙ୍କ ମଧ୍ୟରୁ, ଯିଏ ଯୋଗ-ସିଦ୍ଧି ପ୍ରାପ୍ତ କରିଛନ୍ତି," ଯତତାମପି ସିଦ୍ଧାନାଂ କଶ୍ଚିନ୍ଣାଂ ବେତ୍ତି ତତ୍ତ୍ଵତଃ (BG 7.3), "କେହିଜଣେ ମୋତେ ବୁଝିପାରେ ।" ତେଣୁ ଜଣେ କିଛି ଯୋଗ ସିଦ୍ଧି ପ୍ରାପ୍ତ କରିପାରେ; ତଥାପି କୃଷ୍ଣଙ୍କୁ ବୁଝିବା ସମ୍ଭବ ନୁହେଁ । ତାହା ସମ୍ଭବ ନୁହେଁ । କୃଷ୍ଣଙ୍କୁ କେବଳ ସେହି ବ୍ୟକ୍ତି ବୁଝିପାରିବ ଯିଏ ତାର ସର୍ବସ୍ଵ କୃଷ୍ଣଙ୍କୁ ସମର୍ପିତ କରିଦେଇଛି । ସେଥିପାଇଁ କୃଷ୍ଣ ତାହା ଚାହାନ୍ତି, ଦାବି କରନ୍ତି ଯେ, ସର୍ବଦର୍ମାନ୍ ପରିତ୍ୟଜ୍ୟ ମାମେକଂ ଶରଣଂ (BG 18.66) । କୃଷ୍ଣଙ୍କୁ କେବଳ ତାଙ୍କ ସୁଧ ଭକ୍ତ ଦ୍ଵାରା ବୁଝାଯାଇପାରିବ, ଅନ୍ୟ କାହାଠାରୁ ନୁହେଁ ।