MRD/Prabhupada 1059 - आल्केच कान कठा जम्मै कठा भगवान्कुङ खास सम्बन्ध लेह्ले
660219-20 - Lecture BG Introduction - New York
कान जाम्मै कठा भगवानकुङ विशेष सम्बन्ध लेह्के तर होस् सम्बन्ध जागदिके काने भक्ति जाट्के परिस्ले छिनिङ् पिहिन काने भगवान्कोके मात्र माले होस्कुङ सम्बन्ध घलिङ महाक्मलिङ् । कुसैद भर्मि भगवान्कुङ भक्त छाना टेध्याङ, होस् कठा भगवान्कुङ सोझो सम्बन्ध छान्ने । होस् काट् अत्यन्त विशद विषय आले । भगवान् हटै भक्तकुङ माझाङ इिर्हिन्च किसिमाङो पाँच सम्बन्ध लेह्ले । सेच मने भक्ति जाट्के हेक्ले, सक्रिय अवस्थाङ भक्ति जाट्के हेक्ले, लफौ हिसाबे भक्ति जाट्के हेक्ले, बा, बोइ हिसाबे भक्ति जाट्के हेक्ले, प्रेमियो रुपाङ घलिङ भक्ति जाट्के हेक्ले ।
हटै अर्जुन र भगवानकुङ सम्बन्ध लफौ लख ल्या । भगवान कानुङ लफा छान्के हेक्लेको । टर इस लफौ सम्बन्ध भौतिक जगताङो लफौ सम्बन्ध टेनाङ आकाश पातालो फरक ले । इस दिव्य लफौ सम्बन्ध टेच .... कान जम्मै कठा मालेह्ले । आल्केच कान कठा जम्मै कठा भगवान्कुङ खास सम्बन्ध लेह्ले तर होस् सम्बन्ध जागदिके काने भक्ति जाट्के परिस्ले । छिनिङ, पिहिन काने भगवान्कोके मात्र माले होस्कुङ सम्बन्ध घलिङ महाक्मलिङ । जम्मै जीवात्मामध्ये लाखौ करोडौँ जीवात्माध्ये कोही–कोही जीवे मात्र भगवान्कुङ शाश्वत सम्बन्ध जाट्के हेक्ले । इस् स्वरुप जागृतियो अवस्थाके स्वरुप–सिद्धि घलिङ टेछिस्ले । इसके स्वरुपो पुर्णता अथवा मुलभुत स्थितियो पुर्णता घलिङ टेके हेक्छिस्ले । अर्जुन भक्त लेकाङ हटै होस्को भगवान्कुङ लफा छान्काङ ।
अब इस भगवद्गीता अर्जुनके भगवाने टेलेको हटै अर्जुने कुटरि स्वीकार जाट्केलेको इस कुरा काने विचार जाट्के परिस्ले, कुटरी अर्जुने भगवद्गिता स्वीकार जाट्काङ । इस अध्याय १० साङले ।
अर्जुन उवाच परं ब्रह्म परं धाम पवित्रं परमं भवान् पुरषं शाश्वतं दिव्यम आदि देवम अजं विभुम् आहुस् त्वाम ऋषयस् सर्वे देवर्षिर नारदस तथा