OR/Prabhupada 0523 - ଅବତାର ଅର୍ଥାତ୍ ଯିଏ ଉଚ୍ଚସ୍ତରରୁ, ଉଚ୍ଚ ଗ୍ରହରୁ ଆସନ୍ତି
Lecture on BG 7.1 -- Los Angeles, December 2, 1968
ମଧୁଦ୍ଵିଶ: ପ୍ରଭୁପାଦ, ଇନ୍କାରନେଶନ ଏବଂ ଅବତାର ମଧ୍ୟରେ ଅନ୍ତର କ'ଣ?
ପ୍ରଭୁପାଦ: ଅବତାର ହେଉଛି ଇନ୍କାରନେଶନ । ଅବତାର ଅର୍ଥାତ୍ ଇନ୍କାରନେଶନ । ଇନ୍କାରନେଶନ, ତୁମର ଶଦ୍ଦକୋଷରେ, ହେଉଛି "କୌଣସି ଶରୀର ଗ୍ରହଣ କରିବା"? ତାହା ନୁହେଁ କି...? କିନ୍ତୁ ଅବତାର...ଅବଶ୍ୟ ବିଭିନ୍ନ ଶ୍ରେଣୀର ଅବତାର ଅଛି । ଅବତାର ଅର୍ଥାତ୍ ଜଣେ ଯିଏ ଆସନ୍ତି...ପ୍ରକୃତ ଶଦ୍ଦ ହେଉଛି 'ଅବତରଣ', ତଳକୁ ଆସିବା । ଅବତାର ଅର୍ଥାତ୍ ଯିଏ ଉଚ୍ଚସ୍ତରରୁ, ଉଚ୍ଚ ଗ୍ରହରୁ ଆସନ୍ତି । ସେମାନେ ଏହି ଦୁନିଆର ଜୀବ ନୁହଁନ୍ତି, ଏହି ଭୌତିକ ଦୁନିଆର । ସେମାନେ ଆଧ୍ୟାତ୍ମିକ ଦୁନିଆରୁ ଆସନ୍ତି । ସେମାନଙ୍କୁ ଅବତାର କୁହାଯାଏ । ତେବେ ଏହି ଅବତାରମାନଙ୍କର ବିଭିନ୍ନ ଶ୍ରେଣୀ ଅଛି । ଶାକ୍ତ୍ୟାବେଶାବତାର, ଗୁଣାବତାର, ଲୀଳାବତାର, ଯୁଗାବତାର, ବହୁତ ସାରା ଅବତାର । ତେବେ ଅବତାର ଅର୍ଥାତ୍ ଜଣେ ଯିଏ ପ୍ରତ୍ୟକ୍ଷ ଭାବରେ ଆଧ୍ୟାତ୍ମିକ ଦୁନିଆରୁ ଆସନ୍ତି । ଏବଂ ଇନ୍କାରନେଶନ, ଅବଶ୍ୟ ଏହି ଶଦ୍ଦ ଅବତାରର ଅନୁବାଦ ହୋଇଛି ଇନ୍କାରନେଶନ ଶଦ୍ଦ ସହିତ, କିନ୍ତୁ ମୁଁ ଭାବୁଛି ଇନ୍କାରନେଶନର ପ୍ରକୃତ ଅର୍ଥ ହେଉଛି "ଯିଏ ଏକ ଶରୀର ଗ୍ରହଣ କରେ ।" ତାହା ନୁହେଁ କି? ତେଣୁ ସେହି ଇନ୍କାରନେଶନ, ସମସ୍ତେ ଭୌତିକ ଶରୀର ଗ୍ରହଣ କରନ୍ତି । କିନ୍ତୁ ଅବତାର...ବିଷ୍ଣୁଙ୍କର ଅବତାର ଅଛନ୍ତି ଏବଂ ଭକ୍ତମାନଙ୍କର ମଧ୍ୟ ଅବତାର ଅଛନ୍ତି । ବିଭିନ୍ନ ଶ୍ରେଣୀର ଅବତାର ଅଛନ୍ତି । ତୁମେ ଏହାକୁ ଭଗବାନ ଚୈତନ୍ୟଙ୍କର ଶିକ୍ଷା ପୁସ୍ତକରେ ପଢ଼, ଯାହା ପ୍ରକାଶିତ ହେଉଛି ।