OR/Prabhupada 0581 - ଯଦି ତୁମେ କୃଷ୍ଣଙ୍କର ସେବାରେ ନିୟୋଜିତ ହେବ, ତୁମେ ନୂଆ ପ୍ରୋତ୍ସାହନ ପାଇବ
Lecture on BG 2.21-22 -- London, August 26, 1973
ଯଦ ମୈଥୁନାଦି ଗୃହମେଧି ସୁଖମ ହି ତୁଚ୍ଛମ (SB 7.9.45) ତେବେ ଏହି ଭୌତିକବାଦୀ ଜୀବନ ଅର୍ଥାତ୍ ଯୌନ ଜୀବନ । ବହୁତ, ବହୁତ ଘୃଣିତ, ତୁଚ୍ଛମ । ଯଦି କେହି ଏହା ବୁଝିପାରେ, ତେବେ ସେ ମୁକ୍ତ ହୋଇଯାଏ । କିନ୍ତୁ ଯଦି, ଯେତେବେଳେ ଜଣେ ତଥାପି ଆକର୍ଷିତ, ତେବେ ଏହା ବୁଝିବାକୁ ହେବ ଯେ ମୁକ୍ତ ହେବା ପାଇଁ ସମୟ ଅଛି । ଏବଂ ଜଣେ ଯିଏ ବୁଝିପାରିଲା ଏବଂ ଏହାକୁ ତ୍ୟାଗ କରିଲା, ଏପରିକି ଏହି ଶରୀରରେ ସେ ମୁକ୍ତ ହୋଇଯାଏ । ତାକୁ କୁହାଯାଏ ଜୀବନ ମୁକ୍ତଃ ସ ଉଚ୍ୟତେ ।
- ଇହା ଯସ୍ୟ ହରେର ଦାସ୍ୟ
- କର୍ମଣା ମନସା ଗିରା
- ନିଖିଳାସ୍ଵ ଅପି ଅବସ୍ଥାସୁ
- ଜୀବନ ମୁକ୍ତଃ ସ ଉଚ୍ୟତେ
ତେବେ କିପରି ଆମେ ଏହି ଇଛାରୁ ମୁକ୍ତ ହୋଇ ପାରିବା? ଇହା ଯସ୍ୟ ହରେର ଦାସ୍ୟ, ଯଦି ତୁମେ କେବଳ କୃଷ୍ଣଙ୍କର ସେବା କରିବାକୁ ଚାହଁ, ତେବେ ତୁମେ ବାହାରି ପାରିବ । ଅନ୍ୟଥା ନୁହେଁ । ତାହା ସମ୍ଭବ ନୁହେଁ । ଭଗବାନଙ୍କର ସେବା କରିବା ବ୍ୟତୀତ ଯଦି ତୁମେ ଆଉ କିଛି ଇଛା କର, ତେବେ ମାୟା ତୁମକୁ ପ୍ରଲୋଭନ ଦେବ, "ଏହାକୁ କାହିଁକି ଉପଭୋଗ କରୁ ନାହଁ?" ସେଥିପାଇଁ ୟମୁନାଚାର୍ଯ୍ୟ କହିଛନ୍ତି,
- ଯଦ ଅବଧି ମମ ଚେତଃ କୃଷ୍ଣ ପଦାରବିନ୍ଦେ
- ନବ ନବ ରସ ଧାମ୍ନି ଉଦୟତମ ରଂତୁମ ଆସୀତ
- ତଦ ଅବଧି ବତ ନାରୀ ସଂଗମେ ସ୍ମର୍ଯମାନେ
- ଭବତି ମୁଖ ବିକାରଃ ସୁସ୍ଥୁ ନିସ୍ଥିବନମ୍ ଚ
"ଯଦ ଅବଧି, ଯେବେ ଠାରୁ, ମମ ଚେତଃ, ମୁଁ ମୋର ଜୀବନ ଏବଂ ଆତ୍ମାକୁ ନିଯୁକ୍ତ କରିଛି, ମୋର ଚେତନା, କୃଷ୍ଣଙ୍କର ପାଦପଦ୍ମ ସେବାରେ..." ଏହି ଶ୍ଳୋକ ୟମୁନାଚାର୍ଯ୍ୟଙ୍କ ଦ୍ଵାରା ଦିଆଯାଇଛି । ସେ ଏକ ମହାନ ରାଜା ଥିଲେ, ଏବଂ ରାଜା, ସାଧାରଣତଃ ଅନୈତିକ ଥାନ୍ତି, କିନ୍ତୁ ସେ ପରେ ସାଧୁ ଭକ୍ତ ହୋଇଗଲେ । ତେଣୁ ତାଙ୍କର ବ୍ୟକ୍ତିଗତ ଅନୁଭବ, ସେ କହୁଛନ୍ତି ଯେ "ଯେବେ ଠାରୁ ମୁଁ ମୋ ମନକୁ କୃଷ୍ଣଙ୍କର ପାଦ ପଦ୍ମ ସେବାରେ ଲୀନ କରିଛି, ଯଦ ଅବଧି ମମ ଚେତଃ କୃଷ୍ଣ ପଦାରବିନ୍ଦେ..." ନବ ନବ । ଏବଂ ସେବା, ଆଧ୍ୟାତ୍ମିକ ସେବା ଅର୍ଥାତ୍ ସବୁ କ୍ଷଣ ନୂଆ । ଏହା ସାଧାରଣ ନୁହେଁ । ଯେଉଁମାନେ ଆଧ୍ୟାତ୍ମିକ ଭାବରେ ଅନୁଭବ କରିଛନ୍ତି, ସେମାନେ କୃଷ୍ଣଙ୍କର ସେବା କରିବା ପାଇଁ ଖୋଜନ୍ତି ଅର୍ଥାତ୍ ନୂତନ ଜ୍ଞାନୋଦୟ, ନୂତନ ଜ୍ଞାନୋଦୟ । ନବ ନବ ରସ ଧାମ୍ନି ଉଦୟତମ ରଂତୁମ ଆସିତ । ଏଠାରେ, ଏହି ଭୌତିକ ଜଗତରେ, ତୁମେ ଉପଭୋଗ କରି ପାରିବ, ଏହା ସାଧାରଣ ହୋଇଯାଏ । ପୁନଃ ପନସ୍ ଚର୍ବିତ, ସେଥିପାଇଁ ତୁମେ ନିରାଶ ହୋଇ ଯାଅ । କିନ୍ତୁ ଯଦି ତୁମେ ନିଜକୁ କୃଷ୍ଣଙ୍କର ସେବାରେ ନିୟୋଜିତ କରିବ, ତୁମେ ନୂଆ ଏବଂ ନୂଆ ପ୍ରୋତ୍ସାହନ ପାଇବ । ତାହା ହେଉଛି ଆଧ୍ୟାତ୍ମିକ । ଯଦି ତୁମେ ଏହାକୁ ପୁରୁଣା ପାଇବ, ତେବେ ତୁମେ ଜାଣିବା ଉଚିତ୍ ଯେ ତୁମେ ଏପର୍ଯ୍ୟନ୍ତ ଆଧ୍ୟାତ୍ମିକ ଭାବରେ ସେବା କରୁ ନାହଁ, ତୁମେ ଭୌତିକ ଭାବରେ ସେବା କରୁଛ । ଔପଚାରିକତା, ରୁଢ଼ିବାଦୀ । କିନ୍ତୁ ଯଦି ତୁମେ ନୂଆ ନୂଆ ଶକ୍ତି ଅନୁଭବ କରିବ, ତେବେ ତୁମେ ଜାଣି ପାରିବ ଯେ ତୁମେ ଆଧ୍ୟାତ୍ମିକ ଭାବରେ ସେବା କରୁଛ । ଏହା ହେଉଛି ପରୀକ୍ଷା । ତୁମର ଉତ୍ସାହ ବୃଦ୍ଧି ହେବ, କମିବ ନାହିଁ ।