AK/Prabhupada 0121 - Ultimately Krishna is Working
Morning Walk At Cheviot Hills Golf Course -- May 17, 1973, Los Angeles
Kṛṣṇa-kāntī: Sɛnea onipa adwene yɛ adwuma fa no ɛyɛ anwonwasɛm kɛse de ma adunsifo (dokitafo).
Prabhupāda: Yiw. Yiw
Kṛṣṇa-kāntī: Ɛyɛ wɔn nwowa.
Prabhupāda: Nanso, wɔyɛ asesaafo. Wonnim sɛ ɛnnyɛ adwene no na ɛreyɛ adwuma. Ɛyɛ ɔkra no na ɔreyɛ adwuma no. Saa ara, sɛnea abaefo afiri kɔmputa te. Asesaafo dwene sɛ ɛyɛ kɔmputa na ɛreyɛ adwuma. Daabi.Onipa no na ɔreyɛ adwuma no. Ɔsɔ afiri no a, na ayɛ adwuma. Annyɛ saa a, mfaso bɛn nɛ ɛwɔ afiri yi ho? Fa afiri si ho mfe mpem mpem, ɛrennyɛ adwuma. Sɛ onipa begyina ho na ɔsɔ a, na afiri no asan yɛ adwuma. Enti hena na ɔreyɛ adwuma no?Afiri no anaasɛ onipa na ɔreyɛ adwuma no? Na, onipa nso yɛ afiri. Ahoɔden a ɔde yɛ adwuma, ɛyɛ Awurade a ɔte ne mu no na ɔde ma. Enti, Awurade na ɔyɛ adwuma no. Funu rentumi nnyɛ adwuma. Enti, mfe dodow ahe na onipa bedi wɔ asase yi so? Eyi gyina bere dodow a Awurade honhom te ne mu no, na ɔkra no nso te ne mu. Sɛ mpo, ɔkra no wɔ ho, na Awurade amma no nimdeɛ a, ɔrentumi nnyɛ adwuma. Mattaḥ smṛtir jñānam apohanaṁ ca (BG 15.15). Awurade rema me nimdeɛ, "Sɔ afiri yi." Na m'asɔ. Enti ne nyinaa mu no, Kṛṣṇa na ɔreyɛ adwuma. Onipa foforo bi a onni nimdeɛ rentumi nnyɛ saa adwuma no esiane sɛ onni ho nimdeɛ. Na onipa a ɔwɔ afiri no ho nimdeɛ no de obetumi de afiri no ayɛ adwuma. Enti eyi na ɛrekɔ so. Ne nyinaa fi Kṛṣṇa. Mpɛnsɛnpɛnsɛnmu a wore yɛ ne nsɛm a woreka, ɛno nso Kṛṣṇa na ɛre yɛ ne nyinaa. Kṛṣṇa na ɔde ma wo...Wo, wobɔmpae srɛ Kṛṣṇa se ɔmma wo ade. Na Kṛṣṇa de ma wo. Mpɛn bi wɔ hɔ a yehu sɛ nhyehyɛe yi yɛ adwuma fɛfɛ Enti sɛ Kṛṣṇa hu sɛ wore brɛ dwumadi bi ho a Ose "Eye, yɛ w'ade. Ɛtesɛ nea Yaśodā Mā pere biara sɛ ɔbɛkyekyere Kṛṣṇa nanso, w;antumi no. Nanso, Kṛṣṇa penee no amono mu hɔ ara ɔkyekyeree no. Saa ara nea esi w'akwan mu no kyerɛ sɛ Kṛṣṇa boa wo: Eye w'abrɛ saa adwuma yi ho, gye mfaso yi." Biribiara yɛ Kṛṣṇa. mattaḥ sarvaṁ pravartate (BG 10.8). W'ama yɛn saa nkyerɛase yi. Mattaḥ smṛtir jñānam apohanaṁ ca (BG 15.15). Biribiara firi Kṛṣṇa hɔ na ɛba..
Svarūpa Dāmodara: Nea wɔka ne sɛ "Kṛṣṇa amma me kwankyerɛ wɔ saa dwumadi yi mu".
Prabhupāda: Yiw, Ɔno na Ɔde ma. Annyɛ saa a ɔkwan bɛn so na wofaso yɛ? Nea woreyɛ biara no, ɛyɛ Kṛṣṇa adom. Na wo kɔso sɔre no a, Kṛṣṇa bɛma wo nea ehia wo nyinaa Kṛṣṇa bɛma wo nea ehia wo, Ɔbɛyɛ wo adɔe sɛnea wopɛ no pɛpɛɛpɛ, ɛmmoro so. Ye yathā māṁ prapadyante tāṁs tathaiva... Sɛnea wode woho to hɔ ma Kṛṣṇa no ɛno so na Ɔhwɛ na W'ama wo nimdeɛ. Wode wo ho nyinaa ma No a, nimdeɛ ama ama no ɛbɛ ba. W'akyerɛ eyi ase wɔ Bhagavad-gītā mu. Ye yathā māṁ prapadyante tāṁs tathaiva bhajāmy aham (BG 4.11).