AM/Prabhupada 0039 - የአሁኑ ዘመን መሪዎች ልክ እንደ አሻንጉሊት ወይንም ፓፔት ይቆጠራሉ፡፡
Lecture on SB 1.10.3-4 -- Tehran, March 13, 1975
ልክ እንደ ዩዲስቲር የሆነ እንከን የሌለበት ንጉስ: የአገሩን መሬት እና ባህር ይቅርና: መላ ምድርን ሊገዛ ይችላል:: ይህ እንገን የሌለው ንጉስ ነው:: (ንባብ): "ፕሪሞ ጄኒቸር" የሚባለው የእንግሊዞች ህግ: የቤተሰብ ውርስን： በመጀመሪያ ለተወለደ ልጅ ያመራ ነበር: በጥንት ግዜም ንጉስ ማሃራጃ ዩድሂስቲር： ምድርን እና ባህሮቹን ሲገዛ: ይህን የመሰለ ህግ： ህብረተሰቡ ይከተል ነበር:: ይህም ህግ መላ አለምን ከእነ ባህሯ ይመለከት ነበር:: (ንባብ): "በዚያን ግዜ የሃስቲናፑር ንጉስ: (አሁን የደልሂ ወገን የሆነበት ስፍራ) : ያንን ግዜ ንጉሱ ባህርንም አጠቃሎ: የአለም ገዢ ነበር:: ይህም ግዛት እስከ ማሃራጅ ፓርክሺት: የማሃራጅ ዩዲስቲር የልጅ ልጅ ድረስ ተተላልፎ ነበር:: የንጉስ ማሃራጅ ዩዲስቲር ታናናሽ ወንድሞችም: እንደ ሚኒስቴር ሁነው: የተለያዩ ግዛቶችን ያስተዳድሩ ነበር:: በነዚህም መንፈሳዊ እና ክቡራን በሆኑ የንጉሳውያን ወንድማማቾች መሃከልም ሙሉ በሙሉ የሆነ ትብብር ነበረ:: ንጉስ ማሃራጅ ዩድሂስቲር: ምርጥ ንጉስ እና የጌታ ክርሽና አገልጋይ እና ተወካይ ነበረ:: ንጉስ የፈጣሪ አምላክ ክርሽና ተወካይ መሆን አለበት:: ይህም የአለምን ነገስታት ለማስተዳደር ነው:: ይህም የሚመሳሰለው እንደ ገነት ንጉስ: "ንጉስ ኢንድራ" ነው:: ደሚጎዶች (መላእክት) እነ ኢንድራ: ቻንድራ: ሱርያ: ቫሩና: ቫዩ: የመሳሰሉት：የህዋ ውስጥ የሚገኙትን የተለያዩ ፕላኔቶች የሚያስተዳድሩ ናቸው： እንደዚሁም ሁሉ ማሃራጅ ዩዲስቲር ከእነርሱ አንዱ ሁኖ ምድርን ያስተዳድር ነበር： ማሃራጅ ዩድሂስቲር እንደ አሁን ግዜ የዲሞክራሲ የፖለቲካ መሪዎች：የመንፈሳዊ ብልጽግና የሚጎለው መሪ አልነበረም： ማጃራጅ ዩድሂስቲር：በተከበረው ቢሽማዴቭ እና ፍጹም በማይወድቀው ጌታም： ትእዛዝ ይተዳደር ነበር： ስለዚህም ፍጹም ሙሉ እውቀት ነበረው： የአሁኑ ግዜ ተመርጦ የሚያገለግል የአገር መሪ：ልክ እንደ ፓፔት ይቆጠራል：ምክንያቱም የንጉሳትን የመሰለ ሃይል የለውም： እንደ ማሃራጅ ዩድሂስቲር ቢገለፅለት እንኳን： በራሱ ፍቃድ： በኮንስቲቲውሽናል ደረጃው ምክንያት ምንም ነገር ለማድረግ አይችልም： በዚህም ምክንያት በአለም ላይ ብዙ የሚቃረኑ እና የሚጣሉ ብዙ ህገ መንግስቶች ይገኛሉ： ይህም ወይ በአይዲዎሎጂ ልዩነት ወይም ደግሞ በግል ስስት የተነሳሳ ፍላጎት ሊሆን ይችላል： ነገር ግን እንደ ንጉስ ማሃራጅ ዩዲስትቲር የመሰለ ንጉስ የራሱ የሆነ አይደኦሎጂ የለውም： ይህም ንጉስ ይከተል የነበረውም：ፍጹም ወዳቂ ያልሆነውን የፈጣሪ አምላክን ትእዛዝ እና የአምላክ ተወካዮችን ትእዛዝ ነበር： እንዲ ሁም የአምላክ ሃይል የተሰጠውን ቢሽማዴቭን ነበር： በሻስትራ ቅዱስ መጻህፍቶች ውስጥ：ታላቅ የፈጣሪ ሃይል ያላቸውን አገልጋዮች እንድንከተል ተደንግጓል： እንዲሁም መከተል ያለብን ፍጹም ወዳቂ ያልሆነውን ፈጣሪ አምላካችንን ሲሆን： ይህም ያለ ምንም የራስ ጥቅም ፍላጎት እና በግል ያልተፈጠረ አይዲዎሎጂ ሳይጨመርበት ነው： በዚህም ስነስርአታዊ አመራት በመከተል： ማሃራጅ ዩድሂስቲር አለምን ከነባህርዋ ሊያስተዳድር በቅቶ ነበር： ምክንያቱም መመሪያዎቹ： ፍጹም እና ወዳቂ ያልነበሩ ነበር：ይህም አመራር በምድር ብቻ ሳይሆን በዩኒቨርስም ውስጥ የሚሰራ ነው： የአንድ አለም አመራር ሊሰራ የሚችለው：ይህን የመሰለ ፍጹም ሊወድቅ የማይችል አመራር ሲኖር ብቻ ነው： ወዳቂ የሆነ የሰው ዘር： ፍጹም የሆነ በአለም ላይ ሁሉም ሊቀበለው የሚችለውን አይዲዎሎጂ ሊፈጥር አይችልም： ፍጹም የሆነ እና ወዳቂ ያልሆነው ፈጣሪ አምላካችን ብቻ ነው：ይህን የመሰለ ፕሮግራም ሊፈጥር የሚችለው： ይህንንም በሁሉም ቦታ ሊቀበሉት የሚችሉ እና：መላ አለም ሊከተለው የሚችለው ይሆናል： ሰብአዊ ስሜት የሌለው መንግስት ሳይሆን： ጥሩ መሪው ሰው ነው ለውጥ ሊያመጣ የሚችለው： መሪው ንጉስ ፍጹም የፈጣሪን ትእዛዝ የሚከተል ከሆነ：የሚያስተዳድረው መንግስትም በጣም ጥሩ አመራር ይኖረዋል： መሪው ሰው ግን ሞኝ ከሆነ： መንግስቱም የሞኞች ገነት ሁኖ ይቀራል：ይህ የተፈጥሮ ህግ ነው： በአለም ላይ ብዙ ውድቀት ያላቸውን ንጉሶች እና የመንግስት ሃላፊዎችን በታሪክ አይተናል： ስለዚህም የመንግስት መሪዎች እንደ ማሃራጅ ዩድሂስቲር በደንብ በመንፈሳዊ ትምህርት የዳበሩ እንዲሆን ያስፈልጋል： ሙሉ የፈላጭ ቆራጭ ሃይልም እንዲኖራቸው ያስፈልጋል： የአለም ንጉስ ሊሰራ የሚችለው እንደ ማሃራጅ ዩድሂስቲር የሆነ እንከን የሌለው የአምላክ አገልጋይ መሪ ሲኖር ነው： በዚያን ግዜ መላው አለም በጣም ደስተኛ ነበረ：ምክንያቱም እንደ ማሃራጅ ዩዲስትር የመሰሉ መሪዎች በየክፍለ መንግስቱ ነበሩ： እነዚህ ንጉሳንም የማሃራጅ ዩዲስትርን ፈለግ ተከትለው：ለአለም ጥሩ አርአያ እና ምሳሌ ይፍጠሩ： ሞናርክም እንዴት ጥሩ መንግስት ሊፈጥር እንደሚችልም ይረዱት： ሁሉ ትእዛዞች ሁሉ በሻስትራ ቅዱስ መፃህፍቶች ውስጥ ተደንግገዋል：እንዚህም ነገስታቶች ይህንን መመሪያ ቢከተሉ ትክክለኛ አመራር ይኖራቸዋል： ሃይልም ይኖራቸዋል： በአመራራቸውም እንከን የለሽ ስለሚሆኑ： የጌታ ክርሽና የምድር ተወካዮች ይሆናሉ： ስለዚህም እንዲህ ተብሏል： “ካማም ቫቫርሻ ፓርጃንያሃ” （ሽ ብ 1 10 4） “ፓርጃንሃሃ” ማለት ዝናብ ማለት ነው： ዝናብ ለህይውታችን መሰረታዊ እና በጣም ወሳኝ የሆነ ሃብት ነው： ስለዚህም ክርሽና በብሃገቫድ ጊታ እንዲህ ብሏል：“አናድ ብሃቫንቲ ብሁታኒ ፓርጃናያድ አና ሳምብሃቫ” （ብጊ 3 14） የሰውን ልጅም ሆነ：እንስሳንም ለማስደሰት ከፈለጋችሁ： እንስሳዎችንም ጭምር： እነዚህ የመንግስት መሪዎች አንዳንድ ግዜ የሰውን ልጅ እንዴት እንደሚንከባከቡ ለማሳየት ይሞክራሉ： ነገር ግን የአገሪቱን እንስሳዎች ይዘነጓቸዋል： ለምን？ ለምን ይህ እኩልነት ጠፋ？ እንስሶችም እዚሁ በአገሪቱ ምድር ላይ ተወልደዋል：እነርሱም እንደኛ ህይወት ያላቸው ነፍሶች ናቸው： ምንም እንኳን እንስሳ ቢሆኑ እና እንደኛ እውቀት ባይኖራቸውም： በእርግጥ የራሳቸው የሆነ እውቀት አላቸው：ምንም እንኳን ይህ እውቀት እንደ የሰው ልጅ እውቀት ባይሆንም： ታድያ እውቀቱ ባይኖራቸው ከብት የማረጃ ቤት ከፍተን እንስሶችን መግደል ይገባናልን？ይህ ፍትህ ያለው አመራር ነው ማለት እንችላለን？ ይህ ብቻ ሳይሆን ማንም ሰው እንኳን መንግስትን ለመጠጋት ሲመጣ：ንጉሱ መጠጊያ እንዲሰጣቸው ያስፈልጋል： ለምን ልዩነት ማድረግ ያስፈልጋል？ ማንም ለጥገኝተት የሚመጣ ሰው እና “ጌታዬ እኔ በእርስዎ መንግስት ውስጥ መኖር እፈልጋለሁ” የሚል ሰው ጥገኝነት ሊሰጠው ይገባል： ለምን እንዲህስ ይባላል？ ”አይፈቀድም：መግባት አትችልም：አንተ አሜሪካዊ ነህ：አንተ ህንድ ነህ：አንተ እንዲህ ነህ“ አይደለም：ብዙ ነገር መውጠንጠን ያስፈልገዋል：የአምላክንም መመሪያ ቢከተሉ ደግሞ： ይህም ማለት የቬዲክ ቅዱስ መመሪያዎችን ቢከተሉ：ንጉሳኑ እንከን የሌላቸው መሪዎች ሊሆኑ ይችሉ ነበር： ተፈጥሮም ይህን ትደግፍ ነበረ：ስለዚህም በማሃራጅ ዩዲስትር መንግስት አመራር ግዜ： ”ካማም ቫቫርሳ ፓርጃንያሃ ሳርቫ ካማ ዱግሃ ማሂ （ሽ ብ 1 10 4 ） “ማሂ” መሬት：ለህይወት የሚያስፈልገውን ነገር ሁሉ ከመሬት ማግኘት እንችላለን： ከሰማይ አይወድቅልንም： እንድ ዝናብ ከሰማይ ሊወድቅ ይችላል： ነገር ግን እንዴት ከመሬት በተለያዩ ሳይንሳዊ ሂደቶች： ይህ እንደሚከሰት አይረዱም： በተለያዩ በተመቻቹ ሁኔታዎች እና በአስትራል ግፊት：ዝናብ ወደ መሬት ይወርዳል： ከዚያም ብዙ ነገሮች ይመረታሉ：ይህም ውድ የሆኑ ድንጋዮች እና ፐርሎች ሳይቀሩ ነው： እነዚህ ሁሉ እንዴት እንደሚመረቱ አይረዱም： እንደዚሁም ሁሉ ንጉሱ የአማላክ በረከት ያለው ከሆነ： ተፈጥሮም ሊተባበረው ይችላል： ነገር ግን ንጉሱ እና መንግስት： በረከት የሌለው አመራር ከያዙ：ተፈጥሮም ሊተባበራቸው አይችልም：