MK/Prabhupada 0027 - Тие Не Знаат Дека Има Следен Живот

From Vanipedia
Jump to: navigation, search

Тие Не Знаат Дека Има Следен Живот
- Prabhupāda 0027


Lecture on CC Adi-lila 7.1 -- Atlanta, March 1, 1975

„Значи“ (чита): „Личноста условена со материјално постоење, се наоѓа во сферата на беспомошност. Условената душа, под илузијата на маја т.е надворешната енергија, мисли дека е целосно заштитена од својата земја, општество, пријателство и љубов, не знаејќи дека во моментот на смртта, ништо од овие работи, не може да ја спаси“. Тоа се нарекува маја. Но, материјалистата не верува во тоа. Под дејство на илузијата на маја, материјалистата исто така не верува во смислата на спасувањето. Спасување. Спасувањето значи да се спасиш себеси од повторувањето на кругот на раѓањето и смртта. Тоа е вистинско спасување. Но, материјалистите тоа не го знаат. (чита):„Законите на материјалната природа се толку силни што ниедна од материјалните работи кои ги поседуваме, не може да не спаси од суровите раце на смртта“. Тоа сите го знаат. И тоа е нашиот вистински проблем. Кој не е уплашен од смртта? Сите се плашат од смртта. Зошто? Затоа што било кое живо суштество всушност и не е создадено за умирање. Живото суштество е вечно и поради тоа раѓањето, смртта, староста и болеста претставуваат тегоба за него. Живото суштество е вечно и за него не постои ни смрт „na jāyate“, а тој што не се раѓа, за него не постои смрт „na mriyate kadācit“ (БГ 2.20). Тоа е нашата сегашна позиција и затоа се плашиме од смртта. А тоа е и нашата природна склоност. Значи, спасувањето од смртта е првата обврска на човештвото. Ние го шириме ова Движење за Свесност за Кришна, само со една цел. И тоа треба да биде сечија намера/цел. Тоа е и инструкција на шастрите.

Оние кои се чувари, како Владата, татковците, учителите кои се заштитници на децата, тие би требало да знаат, како да го заштитат светот. „Na mocayed yaḥ samupeta mṛtyum“ (ШБ 5.5.18). И каде денеска во светот, можете да најдете таква философија? Нема таква филозофија. Единствено ова Движење за Свесност за Кришна ја претставува оваа филозофија и не како што сака, туку на основа на авторизираните свети книги, Ведската литература и признатите авторитети, Духовните учители. Тоа е воедно нашата молба до сите. Ние отвараме центри насекаде низ светот за добробит на човечкото општество, затоа што обичните луѓе не ја знаат вистинската цел на животот и не знаат дека постои живот после смртта. Тие работи, тие не ги знаат. Несомнено постои следен живот и вие можете да се подготвите за него веќе во овој сегашен живот. Можете да отидете на повисоките планетарни системи, поради подобар комфор, подобар материјален комфор, а можете да останете и овде, во вашата „сигурна положба“. „Сигурна положба“ значи овој материјален живот. Како што е речено

yānti deva-vratā devān
pitṟn yānti pitṛ-vratāḥ
bhūtāni yānti bhūtejyā
mad-yājino 'pi yānti mām
(БГ 9.25).

Значи можете да се подготвите за подобар живот на рајските планети или за живот во некое подобро друштво на оваа планета или можете да отидете на планети, каде контролата ја имаат различни духови и бедници. Или можете да отидете таму каде Кришна е лично присутен. Сите можности се отворени. „Yānti bhūtejyā bhūtāni mad-yājino 'pi yānti mām“. Едноставно, морате да се подготвите. Исто како што во младоста луѓето се едуцираат и некој ќе постане инжинер, некој ќе постане доктор, некој адвокат или некој друг тип на професионалец, на што ги подготвува нивното образование, на сличен начин можете да се подготвите за вашиот следен живот. Тоа не е тешко да се разбере. Но, материјалистите не веруваат во следен живот, иако е тоа вообичаено здраво-разумско размислување. Всушност има следен живот бидејќи Кришна тоа го вели, а ние можеме да ја разбереме таа филозофија дека има следен живот, со малку интелигенција. Затоа, нашиот предлог е: „Ако веќе морате да се подготвувате за следниот живот, тогаш зошто не би го прифатиле напорот, да се подготвувате да се вратите назад, кај Господ?“ Тоа е нашиот предлог.