MK/Prabhupada 0059 - Не ја заборавајте вашата вистинска работа

From Vanipedia
Jump to: navigation, search

Не ја заборавајте вашата вистинска работа
- Prabhupāda 0059


Lecture on BG 2.14 -- Mexico, February 14, 1975

Потоа, прашањето е „Ако сум вечен, зошто има толку многу мизерни услови за живот? И зошто јас сум принуден да умрам? " Ова е всушност интелигентно прашање: „Ако сум вечен, тогаш зошто ќе останам во ова материјално тело кое е подложено на смрт, раѓање, старост и болест?" Затоа Кришна поучува дека оваа бедна состојба на животот е резултат на ова материјално тело. Оние кои се карми, значи оние кои се ангажирани за задоволување на сетилата ... Тие се нарекуваат карми. Кармите не се грижат за иднината; тие едноставно сакаат непосредни услови за живот. Исто како дете без грижата на родителите, тоа си игра цел ден и не се грижи за иднината, не се образува. Но, во човечката форма на живот, ако сме всушност интелигентни, ние ќе се обидеме да го дадеме најдоброто, за да го добиеме тој живот или тело каде што нема повеќе смрт, раѓање, старост и болест. Ова движење за свесноста за Кришна значи да се едуцираат луѓето за таа цел. Сега, човек може да каже „Ако едноставно се посветам на свесноста за Кришна, тогаш, како ќе бидат обезбедени моите материјални потреби?" Одговорот е таму во Бхагавад-гита, дека секој што е едноставно ангажиран во свесноста за Кришна, за неговите потреби за живот, ќе се грижи Кришна. Кришна се грижи за одржувањето на секого. Eko yo bahūnām vādādāti kāmān: „Тој еден, Врховната Личност, ги одржува потребите на сите живи суштества." За посветеникот, кој се обидува да се врати дома, назад кон Бога, нема да има сиромаштија. Бидете сигурни. Кришна вели во Бхагавад-гита, teṣāṁ satata-yuktānāṁ yoga-kṣemaṁ vahāmy aham: (БГ 9.22) „Посветеник кој е ангажиран секогаш во Мојата служба, Јас се грижам како ќе се исполнат неговите потреби за живот." Практичен пример е тоа што во движењето за свесност за Кришна имаме сто центри, и во секој храм живеат не помалку од дваесет и пет, до 250 посветеници. Немаме фиксни средства на приход, а ние трошиме во сите центри осумдесет илјади долари месечно. Но, со милоста на Кришна не сме сиромашни; сè добиваме. Луѓето понекогаш се изненадени „Овие луѓе не работат, немаат никаква професија, само пеат Харе Кришна. Како живеат?" Тоа не е прашање. Ако мачките и кучињата можат да живеат со милоста Божја, посветениците можат да живеат многу удобно со милоста Божја. Не постои такво прашање, но ако некој мисли дека „Јас сум ја прифатил свесноста за Кришна, но страдам за толку многу работи," за нив или за сите нас, упатството е mātrā-sparśās tu kaunteya śītoṣṇa-sukha-duḥkha-dāḥ: (БГ 2.14) „Овие болки и задоволства се исто како зимата и летото." Во зима водата е болна, а летото водата е пријатна. Значи каква е положбата на водата? Таа е пријатна или болна? Таа не е ниту болна, ниту пријатна, но во одредена сезона, со допир на кожата изгледа дека е болна или пријатна. Таквите болки и задоволства се објаснети овде: „Тие доаѓаат и си одат. Тие не се постојани." Āgama apāyinaḥ anityāḥ (БГ 2.14) значи „Тие доаѓаат и си одат, затоа тие не се постојани." Затоа Кришна советува, tāṁs titikṣasva bhārata (БГ 2.14): „Само толерирај.“ Но, не ја заборавајте вашата вистинска работа, свесноста за Кришна. Не грижете се за овие материјални болки и задоволства.