NE/Prabhupada 0152 - एउटा पापी मानिस कृष्ण भावनाभावित हुन सक्दैन
Lecture on BG 1.31 -- London, July 24, 1973
सबजना यस गृह-क्षेत्र-सुताप्त-वित्तै: (श्री भा ५।५।८), गृहस्थ जीवन र केहि जमिनसँग खुसी हुन चाहन्छन् | पहिलेका दिनहरुमा कुनै उद्योग थिएनन् | तसर्थ उद्योगको कुनै अर्थ छैन | जमिन | यदि तपाईसँग जमिन हुन्छ, तपाईले खानेकुरा उत्पादन गर्न सक्नुहुन्छ | तर वास्तवमा हाम्रो जीवन त्यस्तो हो | यहाँ, यस गाउँमा हामीले धेरै खाली जमिन देख्छौं, तर तिनीहरु आफ्नो खानेकुरा उत्पादन गर्दैनन् | तिनीहरु विचरा गाईलाई आफ्नो खाना बनाउँछन्, उनीहरुलाई मारेर खान्छन् | यो राम्रो होइन | गृह-क्षेत्र | तपाई गृहस्थ बन्नुहोस्, तर तपाईले आफ्नो जमिनबाट खानेकुरा उत्पादन गर्नुहोस्, गृह-क्षेत्र | र खानेकुरा उत्पादन गरे पछी, बच्चा जन्माउने, गृह-क्षेत्र-सुत-आप्त-वित्त | भारतको गाउँमा गरिब मानिस, कृषकबीच अझै चलन छ कि यदि कृषकसँग एउटा गाई छैन भने उसले विवाह गर्नेछैन | जरु र गरु | जरु भनेको पत्नी र गरु भनेको गाई | एक मानिसले तब पत्नी राख्न पाउँछ, जब उसले गाई पनि राख्न सक्छ | जरु र गरु | किनकि यदि तपाईले एक पत्नी राख्नुहुन्छ भने तत्काल बच्चाहरु हुन्छन् | तर यदि तपाईले उनीहरुलाई गाईको दुध दिन सक्नुहुन्न भने बच्चाहरु अस्वस्थ हुन्छन् | उनीहरुले दुध खानुपर्छ | त्यसैले गाईलाई माता मानिन्छ | एक माताले बच्चालाई जन्माउँछिन् र अर्की माताले दुध प्रदान गर्छिन् |
सबजना गौ-माताप्रति आभारी हुनुपर्छ किनकि उनले दुध प्रदान गर्छिन् | हाम्रो शास्त्र अनुसार सात माता छन् | आदौ माता, वास्तविक माता जसबाट मैले आफ्नो जन्म लिएको छु | आदौ माता, उनी माता हुन् | गुरु-पत्नी, गुरुकी श्रीमती | उनी पनि माता हुन् | आदौ माता गुरु-पत्नी, ब्राह्मणी | आदौ माता गुरु-पत्नी, ब्राह्मणी राज-पत्निका, रानी पनि माता हुन् | त कति भए ? आदौ माता गुरु-पत्नी, ब्राह्मणी राज-पत्निका, अनि धेनु | धेनु भनेको गाई | उनी पनि माता हुन् | र धात्री | धात्री भनेको सुसारे माता | धेनु धात्री तथा पृथ्वी, पृथ्वी पनि | पृथ्वी पनि माता हुन् | साधारणतया मानिसहरु आफु जन्मिएको मातृभूमिको ख्याल राख्छन् | त्यो राम्रो हो | तर त्योसँगै तिनीहरुले गौ-माताको पनि ख्याल राख्नुपर्छ | तर तिनीहरुले माताको ख्याल राख्दैनन् | तसर्थ तिनीहरु पापी छन् | तिनीहरुले पीडा भोग्नुपर्छ | तिनीहरुले युद्ध, महामारी, भोकमरी सहनुपर्छ | जब मानिस पापी हुन्छन्, तत्काल प्रकृतिको सजाय स्वत: आउँछ | तपाईले नकार्न सक्नुहुन्न |
तसर्थ कृष्ण भावनामृत अभियान भनेको सम्पूर्ण समस्याको समाधान हो | मानिसलाई पापी नबन्न सिकाउने | किनकि एउटा पापी मानिस कृष्ण भावनाभावित हुन सक्दैन | कृष्ण भावनाभावित हुनु भनेको उसले आफ्ना पापी गतिविधिहरु त्याग्नुपर्छ |