OR/Prabhupada 0208 - ସେହି ବ୍ୟକ୍ତିର ଶରଣ ନିଅ ଯିଏ ହେଉଛି କୃଷ୍ଣଙ୍କର ଭକ୍ତ
Lecture on SB 6.1.16 -- Denver, June 29, 1975
ଜଣେ ବୈଷ୍ଣବ କୌଣସି ପାପୀ କାର୍ଯ୍ୟକଳାପ କରେ ନାହିଁ, ଏବଂ ସେ ଯାହା କିଛି ଅତୀତରେ କରିଛି, ତାହା ମଧ୍ୟ ସମାପ୍ତ ହୋଇଯାଏ । ଏହା କୃଷ୍ଣ କହିଛନ୍ତି । କିମ୍ଵା ଅନ୍ୟ ଶଦ୍ଦରେ, ଯଦି ତୁମେ ଭକ୍ତିର ସହିତ ଭଗବାନଙ୍କର ସେବାରେ ନିଜକୁ ନିଯୁକ୍ତ କରିବ, ତେବେ ନିଶ୍ଚିତ ଭାବରେ ତୁମେ ପାପୀ କାର୍ଯ୍ୟକଳାପର ସମସ୍ତ ପ୍ରତିକ୍ରିାୟାରୁ ମୁକ୍ତ ହୋଇଯିବ ।
ତେବେ ଏହା କିପରି ସମ୍ଭବ? ଯଥା କୃଷ୍ଣାର୍ପିତ-ପ୍ରାଣଃ । ପ୍ରାଣଃ, ପ୍ରାଣଃ ଅର୍ଥେର ଧିୟା ବାଚା । ପ୍ରାଣ, ପ୍ରାଣ ଅର୍ଥାତ୍ ଜୀବନ । ଜଣେ ଯିଏ ତାର ଜୀବନ ଭଗବାନଙ୍କର ସେବାରେ ସମର୍ପଣ କରିଛି, ସେହି ବ୍ୟକ୍ତି । କିପରି କୃଷ୍ଣଙ୍କର ସେବାରେ ଜୀବନକୁ ସମର୍ପଣ କରିବା ସମ୍ଭବ ହେବ? ତାହା ମଧ୍ୟ ଏଠାରେ କୁହାଯାଇଛି: ତତ୍-ପୁରୁଷ-ନିଶେବାୟ । ତୁମକୁ ସେହି ବ୍ୟକ୍ତିର ଶରଣ ନେବାକୁ ହେବ ଯିଏ କୃଷ୍ଣଙ୍କର ଭକ୍ତ, ଏବଂ ତୁମକୁ ସେବା କରିବାକୁ ହେବ । ଅର୍ଥାତ୍ ତୁମକୁ ଏକ ଭକ୍ତକୁ ସ୍ଵୀକାର କରିବାକୁ ହେବ, ଏକ ବାସ୍ତବ ଭକ୍ତ, ଏକ ଶୁଦ୍ଧ ଭକ୍ତ, ତୁମର ମାର୍ଗ ଦର୍ଶକ ରୂପରେ । ତାହା ହେଉଛି ଆମର ପ୍ରକ୍ରିୟା । ରୂପ ଗୋସ୍ଵାମୀ ଭକ୍ତି ରସାମୃତ ସିନ୍ଧୁରେ କହିଛନ୍ତି, "ପ୍ରଥମ ପ୍ରକ୍ରିୟା ହେଉଛି, ପ୍ରଥମ ସୋପାନ ହେଉଛି ଆଦୌ ଗୁରୁବାଶ୍ରୟମ ଗୁରୁ ସ୍ଵୀକାର କରିବା ।" ଗୁରୁ ସ୍ଵୀକାର କରିବା ଅର୍ଥାତ୍ କୃଷ୍ଣଙ୍କର ପ୍ରତିନିଧି । ଯିଏ କୃଷ୍ଣଙ୍କର ପ୍ରତିନିଧି ନୁହେଁ, ସେ ଗୁରୁ ହୋଇପାରିବ ନାହିଁ । ଗୁରୁ ଅର୍ଥାତ୍ ନୁହେଁ ଯେ କୌଣସି ନିରର୍ଥକ ବ୍ୟକ୍ତି ଗୁରୁ ହୋଇପାରିବ । ନା । କେବଳ ତତ୍-ପୁରୁଷ । ତତ୍-ପୁରୁଷ ଅର୍ଥାତ୍ ଯିଏ ପରମ ପୁରୁଷ ଭଗବାନଙ୍କୁ ସବୁକିଛି ରୂପେ ସ୍ଵୀକାର କରିଛି । ତତ୍-ପୁରୁଷ-ନିଶେବାୟ । ଅର୍ଥାତ୍ ବୈଷ୍ଣବ, ଶୁଦ୍ଧ ଭକ୍ତ । ତେଣୁ ଏହା ଅତ୍ୟନ୍ତ କଷ୍ଟକର ନୁହେଁ । କୃଷ୍ଣଙ୍କର କୃପାରୁ ଶୁଦ୍ଧ ଭକ୍ତ ଅଛନ୍ତି, ତେଣୁ ଜଣକୁ ତାଙ୍କର ଶରଣ ନେବାକୁ ହେବ । ଆଦୌ ଗୁରୁବାଶ୍ରୟମ । ତାପରେ ସଦ୍-ଧର୍ମ-ପୃଚ୍ଛାତଃ: ଏକ ଯଥାର୍ଥ ଆଧ୍ୟାତ୍ମିକ ଗୁରୁ ସ୍ଵୀକାର କରିବା ପରେ, ଜଣେ ଜିଜ୍ଞାସୁ ହେବା ଉଚିତ୍ କୃଷ୍ଣଙ୍କର ବିଜ୍ଞାନ କ'ଣ ତାହା ଜାଣିବା ପାଇଁ । ସଦ୍-ଧର୍ମ-ପୃଚ୍ଛାତ୍ ସାଧୁ-ମାର୍ଗ-ଅନୁଗମନମ୍ । ଏବଂ ଏହି କୃଷ୍ଣ ଚେତନା ଅର୍ଥାତ୍ ଜଣେ ଏକ ଭକ୍ତର ପଦାନୁସରଣ କରିବା ଉଚିତ୍, ସାଧୁ-ମାର୍ଗ-ଅନୁଗମନମ୍ ।
ତେଣୁ ସେ ସାଧୁମାନେ କିଏ? ତାହା ମଧ୍ୟ ଶାସ୍ତ୍ରରେ କୁହାଯାଇଛି, ଆମେ ଅଗରୁ ଆଲୋଚନା କରିଛୁ ।
- ସ୍ଵୟଂଭୂର୍ ନାରଦଃ ଶମ୍ଭୁଃ
- କୁମାରଃ କପିଳୋ ମନୁଃ
- ପ୍ରହଲାଦୋ ଜନକୋ ଭୀଷ୍ମୋ
- ବଲିର ବ୍ୟୈସକିର ବୟମ
- (SB 6.3.20)
ସେହି ଦୁଇ..., ବାରଜଣ ବ୍ୟକ୍ତିଙ୍କୁ ବିଶେଷ ଭାବରେ ଉଲ୍ଲେଖ କରାଯାଇଛି, ଯେ ସେମାନେ ହେଉଛନ୍ତି ମହାଜନ, ସେମାନେ ଅଧୀକୃତ, ଯଥାର୍ଥ ଗୁରୁ, ଏବଂ ତୁମକୁ ସେମାନଙ୍କର ପଥ ଅନୁସରଣ କରିବାକୁ ହେବ । ଏହା କଷ୍ଟକର ନୁହେଁ । ତେଣୁ ସ୍ଵୟଂଭୁ ଅର୍ଥାତ୍ ଭଗବାନ ବ୍ରହ୍ମା । ସ୍ଵୟଂଭୁ ନାରଦଃ ଶମ୍ଭୁଃ । ଶମ୍ଭୁ ଅର୍ଥାତ୍ ଭଗବାନ ଶିବ । ତେଣୁ ସେମାନଙ୍କ ମଧ୍ୟରୁ ପ୍ରତ୍ୟେକ...ଏହି ବାରଜଣ ମହାଜନଙ୍କ ମଧ୍ୟରୁ, ଚାରିଜଣ ମହତ୍ତ୍ଵପୂର୍ଣ୍ଣ । ତାହା ହେଉଛି ସ୍ଵୟଂମ୍ଭୁ, ଅର୍ଥାତ୍ ବ୍ରାହ୍ମଣ, ଏବଂ ତାପରେ ଶମ୍ଭୁ, ଭଗବାନ ଶିବ, ଏବଂ ତାପରେ କୁମାରଃ । ଏବଂ ଅନ୍ୟ ଏକ ସଂପ୍ରଦାୟ ଅଛି, ଶ୍ରୀ ସଂପ୍ରଦାୟ, ଲକ୍ଷ୍ମୀଙ୍କ ଠାରୁ । ତେଣୁ ଆମକୁ ଏକ ଆଧ୍ୟାତ୍ମିକ ଗୁରୁ ସ୍ଵୀକାର କରିବାକୁ ହେବ ଯିଏ ଠିକ୍ ଭାବରେ ଏହି ଚାରି ସଂପ୍ରଦାୟରୁ ଗୁରୁଶିଷ୍ୟ ପରମ୍ପରାରେ ଆସୁଥିବେ । ତେବେ ଆମେ ଫାଇଦାରେ ରହିବା । ଯଦି ଆମେ ଏକ ତଥା କଥିତ ଗୁରୁ ସ୍ଵୀକାର କରିବା, ତେବେ ଏହା ସମ୍ଭବ ହେବ ନାହିଁ । ଆମକୁ ଗୁରୁଶିଷ୍ୟ ପରମ୍ପରାରେ ଗୁରୁ ସ୍ଵୀକାର କରିବାକୁ ହେବ । ସେଥିପାଇଁ ଏଠାରେ ଏହା କୁହାଯାଇଛି, ତତ୍-ପୁରୁଷ-ନିଶେବୟାଃ ଆମକୁ ଶ୍ରଦ୍ଧାର ସହିତ ଏବଂ ସର୍ବଦା ବିଶ୍ଵସ୍ଥ ଭାବରେ ତାଙ୍କର ସେବା କରିବାକୁ ହେବ । ତେବେ ଆମର ଉଦ୍ଦେଶ୍ୟ ପୁରା ହେବ । ଏବଂ ତୁମେ ଯଦି ଏହି କାର୍ଯ୍ୟ ଗ୍ରହଣ କରିବ, କୃଷ୍ଣଙ୍କୁ ଜୀବନ ସମର୍ପଣ କରିବା ଏବଂ ସର୍ବଦା କୃଷ୍ଣଙ୍କ ସେବାରେ ନିଯୁକ୍ତ ରହିବା ତତ୍-ପୁରୁଷଙ୍କର ନିର୍ଦ୍ଦେଶ ଅନୁସାରେ ଅର୍ଥାତ୍ ଯାହାର କୃଷ୍ଣ ଚେତନା ପ୍ରଚାର କରିବା ବ୍ୟତୀତ ଅନ୍ୟ କୌଣସି କାର୍ଯ୍ୟ ନାହିଁ - ତେବେ ଆମର ଜୀବନ ସଫଳ ହେବ । ଆମେ ସମସ୍ତ ପାପୀ ପ୍ରତିକ୍ରିୟାରୁ ମୁକ୍ତ ହୋଇଯିବା, ଏବଂ ଶୁଦ୍ଧିକରଣ ବିନା... କାରଣ କୃଷ୍ଣ, କିମ୍ଵା ଭଗବାନ ହେଉଛନ୍ତି, ଶୁଦ୍ଧ । ଅର୍ଜୁନ କହିଛନ୍ତି, ପରଂ ବ୍ରହ୍ମ ପରଂ ଧାମ ପବିତ୍ରଂ ପରମଂ ଭବାନ୍: "ମୋର ଭଗବାନ କୃଷ୍ଣ, ଅପଣ ହେଉଛନ୍ତି ପବିତ୍ରତମ ।" ତେଣୁ ଯେପର୍ଯ୍ୟନ୍ତ ଆମେ ଶୁଦ୍ଧ ହୋଇ ନାହୁଁ ଆମେ କୃଷ୍ଣଙ୍କ ପାଖରେ ପହଞ୍ଚି ପାରିବା ନାହିଁ । ତାହା ହେଉଛି ଶାସ୍ତ୍ରର ବକ୍ତବ୍ୟ । ବିନା ଅଗ୍ନି ହୋଇ, ତୁମେ ଅଗ୍ନିରେ ପ୍ରବେଶ କରିପାରିବ ନାହିଁ । ସେହିପରି, ସଂପୂର୍ଣ୍ଣ ଭାବରେ ଶୁଦ୍ଧ ହୋଇ ନ ପାରିଲେ, ତୁମେ ଭଗବାନଙ୍କ ସାମ୍ରାଜ୍ୟରେ ପ୍ରବେଶ କରିପାରିବ ନାହିଁ । ତାହା ସମସ୍ତ ଧାର୍ମିକ ପ୍ରଣାଳୀ ଦ୍ଵାରା ସ୍ଵୀକାର କରାଯାଇଛି । ଖ୍ରଷ୍ଟିୟାନ୍ ପ୍ରଣାଳୀ ମଧ୍ୟ ସେହିପରି, ଯେ ଶୁଦ୍ଧ ହେବା ବିନା ତୁମେ ଭଗବାନଙ୍କର ସାମ୍ରାଜ୍ୟରେ ପ୍ରବେଶ କରିପାରିବ ନାହିଁ ।