OR/Prabhupada 0340 - ତୁମେ ମରିବା ପାଇଁ ହୋଇନାହଁ, କିନ୍ତୁ ପ୍ରକୃତି ତୁମକୁ ବାଧ୍ୟ କରୁଛି
Lecture on BG 9.1 -- Melbourne, June 29, 1974
- ନମୋ ମାହା ବଦନ୍ୟାୟ
- କୃଷ୍ଣ ପ୍ରେମ ପ୍ରଦାୟ ତେ
- କୃଷ୍ଣାୟ କୃଷ୍ଣ ଚୈତନ୍ୟ
- ନାମନେ ଗୌର ତ୍ଵିଶୋ ନମଃ
- (CC Madhya 19.53)
ଶ୍ରୀଲା ରୂପ ଗୋସ୍ଵାମୀ, ଯେତେବେଳେ ସେ ଶ୍ରୀ ଚୈତନ୍ୟ ମହାପ୍ରଭୁଙ୍କ ସହିତ ପ୍ରୟାଗ ଠାରେ ମିଶିଲେ... ଏକ ସ୍ଥାନ ଅଛି, ପବିତ୍ର ସ୍ଥାନ ଭାରତରେ, ଯାହାକୁ ପ୍ରୟାଗ କୁହାଯାଏ । ତେବେ ଶ୍ରୀ ଚୈତନ୍ୟ ମହାପ୍ରଭୁ, ସନ୍ୟାସ ଗ୍ରହଣ କରି ସାରିବା ପରେ, ସେ ପ୍ରୟାଗ ଏବଂ ଅନ୍ୟ ପବିତ୍ର ସ୍ଥାନମାନଙ୍କୁ ଯାଇଥିଲେ । ତେବେ ଶ୍ରୀଲା ରୂପ ଗୋସ୍ଵାମୀ, ସେ ସରକାରଙ୍କର ମନ୍ତ୍ରୀ ଥିଲେ, କିନ୍ତୁ ସେ ସବୁକିଛି ତ୍ୟାଗ କରିଦେଲେ, ଏବଂ ଶ୍ରୀ ଚୈତନ୍ୟ ମହାପ୍ରଭୁଙ୍କ ସହିତ ଏହି ହରେ କୃଷ୍ଣ ଆନ୍ଦୋଳନରେ ଯୋଗ ଦେଲେ । ତେବେ ଯେତେବେଳେ ସେ ପ୍ରଥମେ ମିଶିଥିଲେ, ଏବଂ ସେ ଏହି ଶ୍ଳୋକ କହିଥିଲେ, ନମୋ ମାହା ବଦନ୍ୟାୟ । ବଦନ୍ୟାୟ ଅର୍ଥାତ୍ "ସବୁଠାରୁ ଉଦାର ।" ଭଗବାନଙ୍କର ଅନେକ ଅବତାର ଅଛି, କିନ୍ତୁ ରୂପ ଗୋସ୍ଵାମୀ କହିଲେ, "ବର୍ତ୍ତମାନ ଭଗବାନଙ୍କର ଏହି ଅବତାର, ଶ୍ରୀ ଚୈତନ୍ୟ ମହାପ୍ରଭୁ ହେଉଛନ୍ତି ସବୁଠାରୁ ଉଦାର ।" ନମୋ ମାହା ବଦାନ୍ୟାୟ । ଉଦାର କାହିଁକି? କୃଷ୍ଣ ପ୍ରେମ ପ୍ରଦାୟ ତେ: "ଆପଣ କୃଷ୍ଣଙ୍କୁ ତୂରନ୍ତ ବିତରଣ କରୁଛନ୍ତି ଆପଣଙ୍କର ଏହି ସଂକୀର୍ତ୍ତନ ଆନ୍ଦୋଳନ ଦ୍ଵାରା ।"
କୃଷ୍ଣଙ୍କୁ ବୁଝିବା ଅତ୍ୟନ୍ତ କଷ୍ଟକର । କୃଷ୍ଣ ବ୍ୟକ୍ତିଗତ ଭାବରେ ଭଗବଦ୍ ଗୀତାରେ କହିଛନ୍ତି,
- ମନୁଷ୍ୟାଣାଂ ସହସ୍ରେଷୁ
- କଶ୍ଚିଦ୍ ଯତିତ ସିଦ୍ଧୟେ
- (BG 7.3)
"ଅନେକ ଲକ୍ଷ ଲକ୍ଷ ବ୍ୟକ୍ତିମାନଙ୍କ ମଧ୍ୟରୁ," କେବଳ ଏହି ଯୁଗରେ ନୁହଁ, ଅତୀତରେ ମଧ୍ୟ । ମନୁଷ୍ୟାଣାଂ ସହସ୍ରେଷୁ, "ଅନେକ ଲକ୍ଷ ଲକ୍ଷ ବ୍ୟକ୍ତିମାନଙ୍କ ମଧ୍ୟରୁ,"କଶ୍ଚିଦ୍ ଯତିତ ସିଦ୍ଧୟେ, "ଜଣେ ପୂର୍ଣ୍ଣ ହେବା ପାଇଁ ଚେଷ୍ଟା କରେ ।" ସାଧାରଣତଃ, ସେମାନେ ଜାଣି ନାହାଁନ୍ତି ପୂର୍ଣ୍ଣତା କ'ଣ । ପୂର୍ଣ୍ଣତା ସେମାନେ ଜାଣି ନାହାଁନ୍ତି । ପୂର୍ଣ୍ଣତା ଅର୍ଥାତ୍ ଜନ୍ମ, ମୃତ୍ୟୁ, ଜରା ଏବଂ ବ୍ୟାଧିର ଏହି ପ୍ରକ୍ରିୟାକୁ ରୋକିବା । ତାହାକୁ ପୂର୍ଣ୍ଣତା କୁହାଯାଏ । ସମସ୍ତେ ପୂର୍ଣ୍ଣ ହେବା ପାଇଁ ଚେଷ୍ଟା କରୁଛନ୍ତି, କିନ୍ତୁ ସେମାନେ ଜାଣି ନାହାଁନ୍ତି ପୂର୍ଣ୍ଣତା କ'ଣ । ପୂର୍ଣ୍ଣତା ଅର୍ଥାତ୍ ଏହା: ଯେ ଯେତେବେଳେ ତୁମେ ଏହି ଚାରୋଟି ଅପୂର୍ଣ୍ଣତାରୁ ମୁକ୍ତ ହୋଇଯାଅ । ତାହା କ'ଣ? ଜନ୍ମ, ମୃତ୍ୟୁ, ଜରା ଏବଂ ବ୍ୟାଧି । ସମସ୍ତେ । କେହି ମରିବାକୁ ଚାହାଁନ୍ତି ନାହିଁ, କିନ୍ତୁ ବାଧ୍ୟ ହୁଅନ୍ତି: ତୁମକୁ ମରିବାକୁ ହେବ । ତାହା ହେଉଛି ଅପୂର୍ଣ୍ଣତା । କିନ୍ତୁ ଏହି ଦୁର୍ଜନମାନେ, ସେମାନେ ଜାଣି ନାହାଁନ୍ତି । ସେମାନେ ଭାବୁଛନ୍ତି ଯେ ଆମକୁ ମରିବାକୁ ହିଁ ପଡ଼ିବ । କିନ୍ତୁ ନା । କାରଣ ତୁମେ ଶାଶ୍ଵତ, ତୁମେ ମରିବା ପାଇଁ ହୋଇନାହଁ, କିନ୍ତୁ ପ୍ରକୃତି ତୁମକୁ ବାଧ୍ୟ କରୁଛି, ମରିବାକୁ ହେବ ।