KK/Prabhupada 1078 - Ақылымызбен және зердемізбен 24 сағат бойы Құдай туралы ойлау
660219-20 - Lecture BG Introduction - New York
Ақылымызбен және зердемізбен 24 сағат бойы Құдай туралы ойлау Құдайды құлай сүйсек, міндетімізді атқара жүріп Құдайды жадымызда ұстаймыз. Құдайды ұдайы ойлаған Арджунаға ұқсап махаббатымызды оятуымыз шарт. Кришнаны бір сәтке де ұмытпаған Арджуна Кришнаның мәңгі серігі әрі жауынгер еді. Тәңір Кришна Арджунаға шайқастан бас тарт, орманға, Һималайаға кетіп, медитацияға шом деп кеңес бермеген. Йога жүйесімен шұғылдан деп кеңес бергенде, “мұндай йогамен шұғылдана алмаймын” деп ат-тонын ала қашқан Арджунаға Тәңір былай жауап қайырады: ”Йогинам апи сарвешам мад-гатенантар-атмана шраддһаван бһаджате йо мам са ме йуктатамо матаһ (BG 6.47). “Құдай туралы күні-түні ойлайтын йоги — ең ұлы йоги, ең ұлы джнани, сондай-ақ ең ұлы бһакта болып саналады” (BG 6.47). Тәңір мынадай кеңес береді: тасмат сарвешу калешу мам анусмара йудһйа ча (BG 8.7). “Кшатрийа ретінде айқасуыңды қоя алмайсың. Айқасуға мінтеттісің. Егер айқасуыңмен қатар Мені үнемі есіңде ұстасаң, онда анта-кале ча мам эва смаран (BG 8.5): “Өлер сәтіңде Мені есіңде ұстай аласың”. Майй арпита-мано-буддһир мам эваишйасй асамшайаһ (BG 8.7). Күмәнсіз келесің деп Кришна тағы да қайталап отыр. Егер Құдайға бақи махаббатпен құлшылық етуге толық берілсек, майй арпита-мано-буддһир (BG 8.7). Іс жүзінде біз тәніміз емес, ақылымызбен және зердемізбен һарекет ететіндіктен, егер зердеміз бен ақылымыз үнемі Құдай туралы ойласа, онда сезімдеріміз де Құдайға табиғи түрде құлшылық етеді. Бһагавад-гитаның сыры осында. Ақылымызбен және зердемізбен 24 сағат бойы Құдай туралы ойлау өнерін үйренсек, бұл тәнімізді тастап шыққан соң Құдайдың мекеніне я рухани атмосфераға ауысуымызға көмектеседі. Айға ұшу үшін жылдар бойы қыруар қаржы жұмсап жүрген бүгінгі ғалымдар әлі Айдың маңына да жеткен жоқ. Ал Бһагавад-гита мұның сырын ашады. Мысалы, елу жыл өміріміз бар делік. Елу жыл ішінде ешкім де рухани идеяларға ұмтылмайды. Бұл өте жақсы идея. Ал егер он жыл, тіпті бес жыл ішінде шын ниетімізбен айналыссақ, майй арпита-мано-буддһир (BG 8.7), мәселе қалай айналысуымызда. Сол айналысуымыз — шраванам, яғни беріле тыңдау тәсілі арқылы оп-оңай іске асады. Шраванам, яғни тыңдау тәсілі — ең оңайы.
- śravaṇaṁ kīrtanaṁ viṣṇoḥ
- smaraṇaṁ pāda-sevanam
- arcanaṁ vandanaṁ dāsyaṁ
- sakhyam ātma-nivedanam
- (SB 7.5.23)
Осы аталған тоғыз тәcілдің ең оңайы — тыңдау.