| "ನಾವು ಏನನ್ನು ಮಾಯ ಎಂದು ಕರೆಯುತ್ತೇವೆ ...ಮಾಯಾ ಎಂದರೆ..... 'ಮಾ' ಎಂದರೆ 'ಅಲ್ಲ' ಮತ್ತು 'ಯ' ಎಂದರೆ 'ಇದು' ಎಂದು ಅರ್ಥ." ನೀವು ಏನನ್ನು ನಿಜವೆಂದು ಒಪ್ಪಿಕೊಳ್ಳುತ್ತಿರುವಿರೋ ಅದು ವಾಸ್ತವವಾಗಿ ಸತ್ಯವಲ್ಲ. ಇದನ್ನು ಮಾಯೆ ಎಂದು ಕರೆಯಲಾಗುತ್ತದೆ. ಮಾ-ಯಾ. ಮಾಯಾ ಎಂದರೆ "ಇದನ್ನು ಸತ್ಯವೆಂದು ಸ್ವೀಕರಿಸಬೇಡಿ." ಇದು ಕೇವಲ ಮಿನುಗುತ್ತಿರುವ ಬೆಳಕು ಮಾತ್ರ. ಕನಸಿನಲ್ಲಿ ನಾವು ಅನೇಕ ವಿಷಯಗಳನ್ನು ನೋಡುತ್ತೇವೆ, ಮತ್ತು ಮುಂಜಾನೆ ನಾವು ಎಲ್ಲವನ್ನೂ ಮರೆತುಬಿಡುತ್ತೇವೆ. ಇದು ಸೂಕ್ಷ್ಮ ಕನಸು. ಮತ್ತು ಈ ಅಸ್ತಿತ್ವ, ಈ ದೈಹಿಕ ಅಸ್ತಿತ್ವ ಮತ್ತುಈ ದೇಹಕ್ಕೆ ಸಂಬಂಧಿಸಿದ - ಸಮಾಜ, ಸ್ನೇಹ ಮತ್ತು ಪ್ರೀತಿ ಮತ್ತು ಅನೇಕ ವಿಷಯಗಳು-ಅವುಗಳು ಸಹ ಸ್ಥೂಲ ಕನಸು. ಅದು ಮುಗಿಯುತ್ತದೆ. ಅದು ಉಳಿಯುತ್ತದೆ ... ಹೇಗೆಂದರೆ ನೀವು ನಿದ್ದೆ ಮಾಡುವಾಗ ಕನಸು ಕೆಲವು ನಿಮಿಷಗಳು ಅಥವಾ ಕೆಲವು ಗಂಟೆಗಳ ಕಾಲ ಉಳಿಯುವಂತೆಯೇ, ಅದೇ ರೀತಿ, ಈ ಸ್ಥೂಲ ಕನಸು ಕೂಡ ಕೆಲವು ವರ್ಷಗಳವರೆಗೆ ಉಳಿಯುತ್ತದೆ. ಅಷ್ಟೆ. ಇದು ಕೂಡ ಕನಸೆ. ಆದರೆ ವಾಸ್ತವವಾಗಿ ನಾವು, ಕನಸು ಕಾಣುತ್ತಿರುವ ಅಥವಾ ವರ್ತಿಸುವ ವ್ಯಕ್ತಿಯ ಬಗ್ಗೆ ಕಾಳಜಿ ವಹಿಸುತ್ತೇವೆ. ಆದ್ದರಿಂದ ನಾವು ಅವನನ್ನು ಈ ಕನಸಿನಿಂದ ಹೊರತೆಗೆಯಬೇಕು, ಸ್ಥೂಲ ಮತ್ತು ಸೂಕ್ಷ್ಮ. ಅದು ಪ್ರತಿಪಾದನೆಯಾಗಿದೆ. ಆದ್ದರಿಂದ ಇದನ್ನು ಕೃಷ್ಣ ಪ್ರಜ್ಞೆಯ ಈ ಪ್ರಕ್ರಿಯೆಯಿಂದ ಬಹಳ ಸುಲಭವಾಗಿ ಮಾಡಬಹುದು, ಮತ್ತು ಅದನ್ನು ಪ್ರಹ್ಲಾದ ಮಹಾರಾಜರು ವಿವರಿಸುತ್ತಿದ್ದಾರೆ."
|
