NE/Prabhupada 0043 - भगवद्-गीता मुलभुत सिद्धान्त हो
Lecture on BG 7.1 -- Sydney, February 16, 1973
- योगं युञ्जन् मद्-आश्रयः
- असंशयं समग्रं मां
- यथा ज्ञास्यसि तच् छृणु
- (भ गी ७।१ )
यो श्लोक भगवद् गीताबाट हो, कसरी कृष्ण चेतना, वा परमेश्वरको चेतनाको विकास गर्ने। भगवद् गीता, तपाईहरु प्रायःले यस पुस्तकको नाम सुन्नुभएको छ । यो सारा संसारमा धेरै व्यापक रुपमा पढिने ज्ञानको पुस्तक हो । व्यवहारिक रुपले हरेक देशमा भगवद् गीताका थुप्रै संस्करण छन्। भगवद्-गीता हाम्रो कृष्ण भावनामृत अभियानको आधारभूत सिद्धान्त हो। हामीले कृष्ण भावनाको रुपमा जे प्रचार गरिरहेका छौं, त्यो भगवद् गीता मात्र हो । यो होइन कि हामीले केहि निर्माण गरेका छौं । कृष्ण भावाना सृष्टि भएदेखि नै विद्यमान छ, तर कम से कम गत पाँच हजार वर्षदेखि, जब कृष्ण यस ग्रहमा उपस्थित हुनुहुन्थ्यो, उहाँले व्यक्तिगत रूपमा कृष्ण भावानाको निर्देशन दिनुभयो, र उहाँले छाड्नुभएको निर्देशन यो भगवद गीता हो ।
दुर्भाग्यवशः, यो भगवद गीताको तथाकथित विद्वान र स्वामीद्वारा दुरुपयोग गरिएको छ । मायावादि श्रेणीका वा नास्तिक श्रेणीका मानिसहरु, तिनीहरूले आफ्नै तरिकाले भगवद्-गीताको व्याख्या गरेका छन्। जब म १९६६ मा अमेरिकामा थिएँ, एक अमेरिकी महिलाले मलाई सोधिन्, भगवद् गीताको एक अंग्रेजी संस्करणको सिफारिस गर्न भनिन् जुन तिनले पढ्न सक्छिन् । तर इमान्दारीपूर्वक मैले तिनलाई कुनै सिफारिस गर्न सकिनँ, सबैको आफ्नो मनोमानी व्याख्या छ । यसले मलाई भगवद् गीता यथारूप लेख्नको लागि प्रेरणा दियो ।
अहिलेको यो संस्करण, भगवद् गीता यथारूप , अब संसारको सबै भन्दा ठूलो प्रकाशक कम्पनी, म्याकमिलन कम्पनीद्वारा प्रकाशित भएको छ । र हामीले धेरै राम्रो गरिरहेका छौं। हामीले यो भगवद् गीता यथारूपको सानो संस्करण १९६८ मा प्रकाशित गरेका थियौं । यसको विक्री निकै राम्रो थियो। म्याकमिलनल कम्पनीको व्यापार प्रबन्धकले सुचना दिए कि हाम्रो पुस्तकहरु अधिकाधिक बिक्रि हुँदैछन्; अरु पुस्तकहरु कम हुँदैछन्। त्यसपछि हालसालै, सन् 1972 मा हामीले यो भगवद-गीता यथारूपको पूर्ण संस्करण प्रकाशित गरेका छौं | र म्याकमिलन कम्पनीले, अग्रिममा पचास हजार प्रति प्रकाशित गर्यो तर त्यो तीन महिनामा सकिएको थियो र तिनीहरू दोस्रो संस्करणको व्यवस्था गर्दैछन्।