OR/Prabhupada 0119 - ଆତ୍ମା ଅକ୍ଷୟ ଅଟେ
Lecture on BG 2.1-10 and Talk -- Los Angeles, November 25, 1968
ପ୍ରଭୁପାଦ: ହଁ ।
ଶ୍ରୀମତି: କ'ଣ ଏହି ବୟସ, ଯେତେବେଳେ ଆତ୍ମା ଶରୀର ତ୍ୟାଗ କରୁଛି, ତୁମେ ବୁଢ଼ା ହୋଇଯାଅ?
ପ୍ରଭୁପାଦ: ନା, ଆତ୍ମା ବୁଢ଼ା ହୁଏ ନାହିଁ । ଶରୀର ପରିବର୍ତ୍ତନ ହୁଏ, ତାହା ହେଉଛି ପ୍ରକ୍ରିୟା । ତାହା ବର୍ଣ୍ଣନା କରାଯିବ,
- ଦେହିନୋଽସ୍ମିନ୍ ଯଥା ଦେହେ
- କୌମାରଂ ଯୌବନଂ ଜରା
- ତଥା ଦେହାନ୍ତରପ୍ରାପ୍ତିର୍
- ଧୀରସ୍ ତତ୍ର ନ ମୁହ୍ୟତି
- (BG 2.13)
ଆତ୍ମା ଅକ୍ଷୟ ଅଟେ । ଶରୀର ପରିବର୍ତ୍ତନ ହୁଏ । ତାହା ବୁଝିବାକୁ ହେବ । ଶରୀର ପରିବର୍ତ୍ତନ ହୁଏ । ତାହା ସମସ୍ତେ ବୁଝିପାରିବେ । ଯେପରି ତୁମର ପିଲାଦିନେ ତୁମର ଶରୀର ଥିଲା... ଯେପରି ଏହି ଶିଶୁ, ଏକ ଭିନ୍ନ ଶରୀର । ଏବଂ ଯେତେବେଳେ ସେହି ଶିଶୁ ଯୁବତୀ ହେବ, ତାହା ଏକ ଭିନ୍ନ ଶରୀର ହୋଇଯିବ । କିନ୍ତୁ ଅାତ୍ମା ଏହି ଶରୀର ଏବଂ ସେହି ଶରୀରରେ ଅଛି । ତେଣୁ ଏହା ହେଉଛି ପ୍ରମାଣ ଯେ ଆତ୍ମା ପରିବର୍ତ୍ତନ ହୁଏ ନାହିଁ, ଶରୀର ପରିବର୍ତ୍ତନ ହୁଏ । ଏହା ହେଉଛି ପ୍ରମାଣ । ମୁଁ ମୋ ପିଲା ଦିନ କଥା ଭାବୁଛି । ତାହାର ଅର୍ଥ ମୁଁ ସେହି ସମାନ "ମୁଁ" ଯାହା ମୁଁ ମୋର ପିଲା ଦିନେ ଥିଲି, ଏବଂ ମୁଁ ମୋର ପିଲା ଦିନ ମନେ ପକଉଥିଲି ମୁଁ ଏହା କରୁଥିଲି, ମୁଁ ତାହା କରିଛି । କିନ୍ତୁ ସେହି ପିଲା ଦିନ ଶରୀର ଆଉ ନାହିଁ । ତାହା ଚାଲିଗଲା । ସେଥିପାଇଁ ଏହା ଉପସଂହାର ଯେ ମୋ ଶରୀର ପରିବର୍ତ୍ତନ ହୋଇଯାଇଛି, କିନ୍ତୁ ମୁଁ ସେହି ସମାନ ଅଟେ । ଏହା ନୁହେଁ କି? ଏହା ସରଳ ସତ୍ୟ । ତେଣୁ ଏହି ଶରୀର ପରିବର୍ତ୍ତନ ହୋଇଯିବ, ତଥାପି ମୁଁ ରହିବି । ମୁଁ ଅନ୍ୟ ଏକ ଶରୀରରେ ପ୍ରବେଶ କରିପାରେ, ତାହା ଫରକ ପକାଏ ନାହିଁ, କିନ୍ତୁ ମୁଁ ରହିବି । ତଥା ଦେହାନ୍ତରପ୍ରାପ୍ତିର୍ଧୀରସ୍ ତତ୍ର ନ ମୁହ୍ୟତି (BG 2.13) । ଯେପରି ମୁଁ ମୋର ଶରୀର ପରିବର୍ତ୍ତନ କରୁଛି ଏପରିକି ବର୍ତ୍ତମାନ ପରିସ୍ଥିତିରେ, ସେହିପାରି, ଅନ୍ତିମ ପରିବର୍ତ୍ତନର ଅର୍ଥ ନୁହେଁ ମୁଁ ମରିଗଲି । ମୁଁ ଅନ୍ୟ ଶରୀରରେ ପ୍ରବେଶ...ତାହା ମଧ୍ୟ ବର୍ଣ୍ଣନା କରାଯାଇଛି, ବାସାଂସି ଜୀର୍ଣ୍ଣାନି ଯଥା (BG 2.22), ମୋର ପରିବର୍ତ୍ତନ ହୁଏ । ଯେପରିକି ଯେତେବେଳେ ମୁଁ ସନ୍ୟାସୀ ନ ଥିଲି, ମୁଁ ଅନ୍ୟ ଭଦ୍ର ବ୍ୟକ୍ତିମାନଙ୍କ ପରି ପୋଷାକ ପିନ୍ଧୁଥିଲି । ବର୍ତ୍ତମାନ ମୁଁ ମୋର ପୋଷାକ ପରିବର୍ତ୍ତନ କରିଦେଇଛି । ତାହାର ଅର୍ଥ ନୁହେଁ ଯେ ମୁଁ ମରି ଗଲି । ନା । ମୁଁ ମୋର ଶରୀର ପରିବର୍ତ୍ତନ କରିଦେଇଛି, ବାସ୍ । ମୁଁ ମୋର ଶରୀର ପରିବର୍ତ୍ତନ କରିଦେଇଛି ।