OR/Prabhupada 1078 - ଉଭୟ ମନ ଓ ବୁଦ୍ଧି ଚବିଶଘଣ୍ଟା ଭଗବାନଙ୍କ ସ୍ମରଣରେ ଲୀନ କରିବା

ପୂର୍ବ ପୃଷ୍ଠା - ବିଡିଓ 1077

ପର ପୃଷ୍ଠା - ବିଡିଓ 1079

660219-20 - Lecture BG Introduction - New York

ଯେବେ ତୁମର ଭଗବାନଙ୍କ ପ୍ରତି ଗଭୀର ପ୍ରେମ ଆସେ, ତେବେ ଆମେମାନେ ଆମମାନଙ୍କର କର୍ତ୍ତବ୍ୟ ସୁଚାରୁରୂପେ ସମ୍ପାଦନ କରିବା ସଙ୍ଗେ ସଙ୍ଗେ ଭଗବାନଙ୍କୁ ସ୍ମରଣ କରିବା ସମ୍ଭବ । ତେବେ ଆମକୁ ସେହି ଭାବକୁ ବଢ଼େଇବାକୁ ହେବ ।ଯେପରି ଅର୍ଜୁନ ସର୍ବଦା ଭଗବାନଙ୍କର ଚିନ୍ତା କରୁଥିଲେ । ଚବିଶଘଣ୍ଟା ମଧ୍ୟରୁ କ୍ଷଣକ ପାଇଁ ମଧ୍ୟ ସେ କୃଷ୍ଣଙ୍କୁ ଭୁଲୁ ନ ଥିଲେ । ସେ କୃଷ୍ଣଙ୍କର ଚିର ସହଚର ଥିଲେ । ତତ୍ ସଙ୍ଗେ ସଙ୍ଗେ ଜଣେ ଯୋଦ୍ଧା ଥିଲେ । କୃଷ୍ଣ କେବେହେଲେ ଅର୍ଜୁନଙ୍କୁ ଯୁଦ୍ଧ ତ୍ୟାଗ କରିବାକୁ ଉପଦେଶ ଦେଇନାହାନ୍ତି । ବଣକୁ ଯାଅ, ହିମାଳୟକୁ ଯାଅ ଏବଂ ଧ୍ୟାନ କର । ଯେତେବେଳେ ଅର୍ଜୁନଙ୍କୁ ଯୋଗ ବିଦ୍ୟା ଉପଦେଶ ଦିଆଗଲା, ଅର୍ଜୁନ ମନାକରିଲେ, ଯେ, "ଏହି ବିଧି ଆଚରଣ କରିବା ମୋ ପକ୍ଷରେ ସମ୍ଭବ ନୁହେଁ ।" ତାପରେ ଭଗବାନ କହିଲେ, ଯୋଗିନାମପି ସର୍ବେଷାମ୍ ମଦ୍ ଗତେନାନ୍ତରାତ୍ମନା(BG 6.47) । ମଦ୍ ଗତେନାନ୍ତରାତ୍ମନା ଶ୍ରଦ୍ଧାବାନ୍ ଭଜତେ ଯୋ ମାଂ ସ ମେ ଯୁକ୍ତତମୋ ମତଃ । ତେଣୁ ଯେ ସର୍ବଦା ଭଗବାନଙ୍କୁ ଚିନ୍ତା କରୁଥାଏ, ସେ ସର୍ବୋତ୍ତମ ଯୋଗୀ ଅଟେ । ସେ ସର୍ବୋତ୍ତମ ଜ୍ଞାନୀ ଅଟେ ଏବଂ ତତ୍ ସଙ୍ଗେ ସଙ୍ଗେ ଏକ ପ୍ରସିଦ୍ଧ ଭକ୍ତ ମଧ୍ୟ ଅଟେ । ଭଗବାନ୍ ଉପଦେଶ ଦେଉଛନ୍ତି ଯେ ତସ୍ମାତ୍ ସର୍ବେଷୁ କାଳେଷୁ ମାମ୍ ଅନୁସ୍ମର ଯୁଧ୍ୟ ଚ (BG 8.7) । "ତୁମେ ଏକ କ୍ଷତ୍ରିୟ ଏବଂ ତୁମେ ତୁମର କର୍ତ୍ତବ୍ୟକୁ ଛାଡିପାରିବନାହିଁ । ତୁମକୁ ଯୁଦ୍ଧ କରିବାକୁ ପଡିବ । ତତ୍ ସଙ୍ଗେ ସଙ୍ଗେ ଯଦି ମୋତେ ସବୁବେଳେ ମନେରଖିବାକୁ ଚେଷ୍ଟା କର, ତେବେ ଏହା ସମ୍ଭବ ହେବ," ଅନ୍ତଃକାଳେ ଚ ମାମେବ ସ୍ମରନ୍ (BG 8.5), "ତେବେ ମୃତ୍ୟୁ ସମୟରେ ମୋତେ ମନେ ରଖିବା ସମ୍ଭବ ହେବ ।" ମଯ୍ୟର୍ପିତ ମନୋ ବୁଦ୍ଧିର୍ମାମ୍ ଏବୈଷ୍ୟସ୍ୟଶଂସୟଃ । ପୁଣିଥରେ ସେ କହୁଛନ୍ତି ଏଥିରେ କୌଣସି ସନ୍ଦେହ ନାହିଁ । ଯଦି ଜଣେ ସମ୍ପୁର୍ଣ୍ଣ ରୁପରେ ଭଗବାନଙ୍କ ସେବାରେ ନିଯୁକ୍ତ, ଦିବ୍ୟ ସେବାରେ ନିଯୁକ୍ତ, ମଯ୍ୟର୍ପିତ ମନୋ ବୁଦ୍ଧିର୍ (BG 8.7) । କାରଣ ଆମେ ବାସ୍ତବରେ ନିଜ ଶରୀର ସାହାଯ୍ୟରେ କାମ କରୁନାହୁଁ ଆମର ମନ ଓ ବୁଦ୍ଧି ସାହାଯ୍ୟରେ ଆମେ କାମ କରୁ । ତେଣୁ ଯଦି ମନ ଓ ବୁଦ୍ଧି ବରାବର ଭଗବାନଙ୍କ ଚିନ୍ତାରେ ଲାଗି ରହନ୍ତି, ତାହାହେଲେ ଇନ୍ଦ୍ରିୟଗୁଡିକ ସ୍ଵଭାବତଃ ତାଙ୍କ(ଭଗବାନଙ୍କ) ସେବାରେ ଲାଗିରହିବେ । ଏହା ଭଗବଦ୍ ଗୀତାର ଗୁପ୍ତ ଶିକ୍ଷା । ଏହି କଳା ଆମକୁ ଶିଖିବାକୁ ହେବ, ଯେ କେମିତି ଆମେ ଲୀନ ହେଇପାରିବା, ଉଭୟ ମନ ଓ ବୁଦ୍ଧି ଦ୍ଵାରା, ଚବିଶି ଘଣ୍ଟା ଭଗବାନଙ୍କ ଚିନ୍ତାରେ । ଏବଂ ଏହା ବ୍ୟକ୍ତିକୁ ଭଗବଦ୍ ଧାମକୁ ସ୍ଥାନାନ୍ତର ହେବାପାଇଁ ସାହାଯ୍ୟ କରିବ ବା ଶରୀର ତ୍ୟାଗ କରିବା ପରେ ସେ ପରବ୍ୟୋମରେ ପ୍ରବେଶ କରିବ । ଆଧୁନିକ ବୈଜ୍ଞାନିକମାନେ ବର୍ଷ ବର୍ଷ ଧରି ଚେଷ୍ଟା କରୁଛନ୍ତି, ଚନ୍ଦ୍ରଗ୍ରହରେ ପହଞ୍ଚିବା ପାଇଁ, ଏବଂ ସେମାନେ ଏବେ ପର୍ଯ୍ୟନ୍ତ ପହଞ୍ଚିପାରି ନାହାଁନ୍ତି। କିନ୍ତୁ ଏହି ଭଗବଦ୍ ଗୀତାରେ, ଏ‍କ ପ୍ରସ୍ତାବ ଅଛି । ଯଦି ଜଣେ ବ୍ୟକ୍ତି ଆଉ ପଚାଶ ବର୍ଷ ବଞ୍ଚେ ଏବଂ ସେ.... କୌଣସି ବ୍ୟକ୍ତି ସେହି ପଚାଶ ବର୍ଷରେ ନିଜକୁ ଆଧ୍ୟାତ୍ମିକ ଦିଗରେ ଆଗେଇ ନେବାକୁ ଚେଷ୍ଟା କରେ ନାହିଁ । ତାହା ଏକ ଉତ୍ତମ ଉପାୟ । କିନ୍ତୁ କେହି ଦଶ ବର୍ଷ କିମ୍ଵା ପାଞ୍ଚ ବର୍ଷ ପାଇଁ ମଧ୍ୟ ଆନ୍ତରିକତାର ସହ ଏହା ଅଭ୍ୟାସ କରିବାକୁ ଚେଷ୍ଟା କରେ, ମଯ୍ୟର୍ପିତ ମନୋ ବୁଦ୍ଧିର(BG 8.7)......ଏହା କେବଳ ଅଭ୍ୟାସର ପ୍ରଶ୍ନ । ଏବଂ ତାହା ଭକ୍ତିଯୋଗ ବିଧି ଦ୍ଵାରା ଅତି ସହଜରେ ସମ୍ଭବ ହୋଇପାରିବ,ଶ୍ରବଣଂ । ଶ୍ରବଣଂ । ଶ୍ରବଣ କରିବାର ଏକ ସହଜତମ ଉପାୟ ।

ଶ୍ରବଣଂ କୀର୍ତ୍ତନଂ ବିଷ୍ଣୋଃ

ସ୍ମରଣଂ ପାଦସେବନମ୍

ଅର୍ଚନଂ ବନ୍ଦନଂ ଦାସ୍ୟଂ

ସଖ୍ୟମ୍ ଆତ୍ମନିବେଦନମ୍

(SB 7.5.23)

ଏହି ନଅ ଉପାୟ । ତେଣୁ ସବୁଠାରୁ ସହଜ ଉପାୟ ହେଉଛି ଶ୍ରବଣ ।